CAPCALERA: IEA-AALO

Jornalet, gaseta occitana d'informacions

Diluns, 30 de novembre

Laurenç Revèst

Diluns, 5.10.2020 03h00

Tot va ben per tu d’amont?


Comentaris 2 comentaris    
Dolent Fluix Bo Molt bo Fabulós (14 vòtes)
carregant En cargament


@PompiersFR




Sovent es un SMS devèrs un amic que comença ansin “Tot va ben per tu d’amont?”.
 
Al contrari, son d’amics occitanistas que mi mandon un messatge: Adieu Laurenç, espèri que tot va plan per tu e tota l’ostalada. Amistats. Giraud.
 
Mercés d’aquels messatges. Òc nosautres va, mas Gavotina va mal. D’autres dins las valaas vesinas an agut ben caud. Enfin docha violenta, coma un lamp, e freia. Mi veo encara caminar o pilhar la veitura sus tal pònt o tal endrech de las nòstras vias dal país Gavòt. Un ròc gròs coma una maion calat en plen camin en Tiniá o Ròia. M’imaginar estaire dins tala maison, alberc, en riba de riu de Vesubiá e qu’aüra i es plus ren que lo voide en Esteron o Var.
 
Espero encara de retorns. Penso a tots aquels desapareissuts. Subretot, reflèx uman, a d’amics qu’ai, que per l’occitan vivaroalpenc, an un grand valor. E la sieu pèrdia seriá un còup dur de mai, subretot brusc, per la lenga. Mas tot aquò recòrda que, dal país, al final que restariá?
 
Coma après lo confinhament, tot deu tornar coma enant. Repartir, contunhar de fach. Sensa ren cambiar. Laissar bastir de maions dins de pòstes (luecs) que son de mai en mai acrobatics. En pendas mai rastas, en la maire d’un riulet. Senon en plenas tèrras cultivablas, las pauc que restavan. Manjarem de petròli un jorn en plaça vai! E quora n’aurem plus, uf. Serà dins longtemps. Après ieu lo deluvi.
 
Òc. Voèi. Si. Segur... Lo nas sus lo guidon, las eleccions per nos amusar.
 
Mas lo deluvi es aüra. E devèm s’i confrontar.
 
Al juec de la lei dal mai fòrt, serà la natura o los elements que ganharàn totjorn. Avèm just la man per un moment. Separatisme amb la natura o non. E la natura va amb la cultura. Ja etimologicament. E mai perqué devèm pensar al luec que nos environa per trobar nòstra justa plaça.
 
La destruccion culturala es una premícia a la destruccion de la planeta.
 
Lo climat “non càmbia”... Arf. Avèm encara de trabalh. Greta vista coma la pichona impertinenta, rebecant als grands potents, a perdut una partiá. Mas es probable que l’addicion, qualqu’un la pagarà.
 
 
 
 
 
abonar los amics de Jornalet
 
 



publicitat
BANNER1: IEO Arièja



Comentaris

5 d'octòbre 18.14h

#1 Tant que s'enriquir se pòt far sense termièras ni gaireben condicions, e tant qu'aquò definís tota amira legala (neoliberalisme), efectivament, "tot fa ventre". Cresi qu'avètz plan localizat lo problèma. Totas mas pensadas coralas a las victimas, que coma dins mon vilatjòt fa dos ans, se son pres l'aigat pels ostals. Ne coneissi pro lo dòl per compatir sense problèma…


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

5 d'octòbre 13.25h

Coma o disètz: ''Mas lo deluvi es aüra''. Es passada la tempèsta mas pas los efièches d'aquela catastròfa (''naturala'', çò dison d'unes). E i aurà totjorn de coquinasses per bastir o tornar bastir ... Tot fa ventre, quitament quand se parla dels enjòcs climatics.


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Laurenç Revèst

Laurenç Revèst logo rss

Escrivan, traductor. Dialectològ, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...

Mai d'articles

Archius




Etiquetas

Artsak   Revèst  

D'autres articles


Jornalet, gaseta occitana d'informacions