Opinion
Desaparicion al collègi
Lo professor d’Occitan a desapareissut dal collègi. Ont es?
Es un parent d’escolan que tirèt la campana d’alarma. Enfin, una escolana motivaa qu’avia torbat un libre d’occitan dintre lo CDI, amb l’etiqueta passia, dins un canton. Lo documentalista èra novèl, non sabia.
L’escolana demandèt al sieu professor principal. Ges d’info. A un autre professor simpatic. Ges nimai. I èra solament ja agut un professor d’occitan en aquel establiment escolar?
Èra benlèu coma un atalhier de potaria, un atalhier ensin per parlar de causas de l’ancian temps. De causas anecdoticas qué!
Demandèt quitament a la secretària, mas ren.
Se parlava ben de quarqu’un entre las fremas de servicis, mas ausavan ren dire. Mas se’n avisavan plus de quora èra. Qual èra. Avia solament existit o èra un pantais de lor imaginacion escolària. Un òme d’a temps passat o una emission TV Vaquí.
La question se faguèt mai greva quora la pichona volguèt far una greva dal fam.
Los professors convenguèron d’un Conselh d’Administracion suspresa.
Lo Cap d’Establiment diguèt en acamp qu’i avia quitament jamai existit de cors d’occitan al collègi. Al collègi Frederic Mistral, avian d’autras precupacions. Pensatz un pauc!
Èra ancara una manipulacion d’un parent d’escolana que volia far lo finòcho. Ja qu’avia demandat en seisena a l’establiment se posquèsse far a l’encòup latin e l’espòrt escolar (UNSS), çò qu’èra ges possible vist lo sieu emplec dal temps desbordat.
Una collèga qu’avia estacha aicí despí mai de temps, avia ben dich qu’avia trobat dintre la sieu sala, en arribant al collègi lo primier an, d’afichas en lenga estranha. Benlèu d’espanhòl? Benlèu de francés medieval? Qual s’enchautava d’aquò? Avia tot getat a la rementa e èra passaa a l’afichatge de causas en latin e d’afichatges de bèlas cubèrtas de libres de Jules Verne. L’autra mitat de la sala, èran d’afichas de la Segonda guerra mondiala e dal Sacre de Napoleon. Bastava pron. Calia veire las causas importantas. Quora se refa una decoracion, se geta lo vielhum. Lo ruge. Los charafis. E non avia dich ren de mai.
Es un parent d’escolan que tirèt la campana d’alarma. Enfin, una escolana motivaa qu’avia torbat un libre d’occitan dintre lo CDI, amb l’etiqueta passia, dins un canton. Lo documentalista èra novèl, non sabia.
L’escolana demandèt al sieu professor principal. Ges d’info. A un autre professor simpatic. Ges nimai. I èra solament ja agut un professor d’occitan en aquel establiment escolar?
Èra benlèu coma un atalhier de potaria, un atalhier ensin per parlar de causas de l’ancian temps. De causas anecdoticas qué!
Demandèt quitament a la secretària, mas ren.
Se parlava ben de quarqu’un entre las fremas de servicis, mas ausavan ren dire. Mas se’n avisavan plus de quora èra. Qual èra. Avia solament existit o èra un pantais de lor imaginacion escolària. Un òme d’a temps passat o una emission TV Vaquí.
La question se faguèt mai greva quora la pichona volguèt far una greva dal fam.
Los professors convenguèron d’un Conselh d’Administracion suspresa.
Lo Cap d’Establiment diguèt en acamp qu’i avia quitament jamai existit de cors d’occitan al collègi. Al collègi Frederic Mistral, avian d’autras precupacions. Pensatz un pauc!
Èra ancara una manipulacion d’un parent d’escolana que volia far lo finòcho. Ja qu’avia demandat en seisena a l’establiment se posquèsse far a l’encòup latin e l’espòrt escolar (UNSS), çò qu’èra ges possible vist lo sieu emplec dal temps desbordat.
Una collèga qu’avia estacha aicí despí mai de temps, avia ben dich qu’avia trobat dintre la sieu sala, en arribant al collègi lo primier an, d’afichas en lenga estranha. Benlèu d’espanhòl? Benlèu de francés medieval? Qual s’enchautava d’aquò? Avia tot getat a la rementa e èra passaa a l’afichatge de causas en latin e d’afichatges de bèlas cubèrtas de libres de Jules Verne. L’autra mitat de la sala, èran d’afichas de la Segonda guerra mondiala e dal Sacre de Napoleon. Bastava pron. Calia veire las causas importantas. Quora se refa una decoracion, se geta lo vielhum. Lo ruge. Los charafis. E non avia dich ren de mai.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari