CAPCALERA: BOTIGA
CAPÇALERA2: OPLO

Jornalet, gaseta occitana d'informacions

Dimars, 27 de setembre

Laurenç Revèst

Dijòus, 3.3.2022 03h00

Invasion d'Ucraïna


Comentaris 6 comentaris    
Dolent Fluix Bo Molt bo Fabulós (4 vòtes)
carregant En cargament





Confòrt fàcia a l’inacceptable? Coma salvar Quiiv e Ucraïna? Coma salvar lo pòble e l’economia russa?
 
Adolescent ai conoissut la guèrra, per malastre sovent en Africa. Amb gaire de ressons. Es luenh, es complicat, cambia sovent. Es trist. E per l’airal d’Euròpa, avio conoissut qu’en Iogoslavia. Adulte conoisso l’invasion d’Ucraïna. “Mercés” al govèrn de Potin. Es benlèu un ponch de vist europèu, mas fa estranh de veire la guèrra. Non la guerrilha ni lo terrorisme qu’a poscut se desvelopar dins l’Union europèa. Una guèrra completa. A mens de 3000 kms d’Occitània. L’avantatge es totjorn a l’agressor que comença l’accion. Evident mas o cal recordar. E sensa declarar oficialament la guèrra a Ucraïna. Los russes parlan ‘de manten de l’òrdre’, quina galejaia. E Bielorussia es copabla de complicitat dins aquesta guèrra. Lo camin lo mai cort per Quiiv per atacar èra de passar obligatoriament per Bielorussia e es ce que l’armaia russa a fach. Bielorussia es complícia e deu èstre sancionaia egalament. 200 000 sordats ucraïnians fàcia als sordats russes, segonda armaia dal monde. Russia decide d’atacar Ucraïna sensa casus belli. Russia avia ja estacha servia amb sas invasions en Crimèa e los satellites de Donbàs. Euròpa va far coma per los primiers nhacs de l’Alemanha nazi en Euròpa amb l’invasion de Sudetas, e après Polonha e lo rèsta? Observar? Los primiers constats, perqué non aver integrat mai rapidament Ucraïna dins l’Union Europèa? Èra donar un fuèc orange a Russia. Ucraïna es soleta sensa proteccion. Es possible d’èstre dins l’Union Europèa tot en estent neutre coma es lo cas per Suomi, qu’es ren dins l’OTAN totun. Un biais de sortir la tèsta auta per tots los intervenents? Mas mai avans dins lo temps, l’invasion de Crimèa de 2014 èra un signe coma per las republicas autoproclamaias de Donbàs. Mai avans encara èran Abcasia e l’Ossetia derrabaias de Georgia en 2008. Devenguts de païses satellites d’URSS, perdon d’Urssia, e non de Russia. Los signes son marrits e d’unos èran ja anonciators. Se la guèrra es ren aquela de Chechenia amb destruccion totala, es totun fòrta e tòca los civils. Malgrat la propaganda militara russa. Un immòble residencial tocat entre lo 18en e lo 21en estanci dissabta 26 de febrier. Russia a bombardat dins Ucraïna una escòla qualques jorns avans e mai d’un bastiment residencial es tocat per de tirs leugiers. A mai de las installacions militaras ucraïnianas. La guèrra es un afar de professionals (los militars) coma d’unos dison. Jamai, e es trist per los civils. Potin a declarat a sota mòt que tota oposicion a la sieu operacion militara en Ucraïna donaria una respòsta sensa precedent per los païses temptats d’o far. Pi un segond còup mai clarament. Amb d’armas termonuclaras (capacitat sota la bomba nucleara). Amenaça nucleara clara. Inacceptabla. Pròva que a plus ren de fornir après dins lo rapòrt de fòrça. Aüra l’invasion dura tròup longtemps per Potin. Cerquèt la division per l’armaia ucraïniana. País que volia de militarizar totun. Paradoxalement reconoisse aquesta armaia. E demandèt de far un còup d’estat còntra Zelenski. Sensa efièch. Lo sistèma de coneccion bancari Swift a desconectat la màger part de las bancas de Russia lo 27 de febrier. De notar positivament las manifestacions per la patz en Russia a Sant Petersborg lo 26, 27 de febrier (amb una gròssa repression policiera russa). E las protestacions de dos governaires russes còntra la guèrra lo 25 de febrier. Potin a blocat Facebook en Russia.
 
De saber que vista la situacion critica, la question de Suomi dins l’OTAN se pausa aüra, question a la quala los russes an reagit immediatament tanben, pròva de lor febrilitat De notar l’inegalitat entre nacions, la pròva en acamp de l’ONU la nuech dal 25 al 26 de febrier:
 

 
China, Índia e los Emirats Arabes Units se son abstenguts. De notar tanben. China es tròup ambigüa sus sas posicions. Lo parallèl amb Taiwan es possible. Mas non encara formalizat. Bachar el Assad el reagiguèt a la guèrra d’invasion d’Ucraïna e parlèt de “correccion de l’istòria meritaia”. Potin volia una guèrra a l’alemanda, guèrra lamp amb un metòde KGB coma l’invasion de Checoslovaquia après la Segond guèrra mondiala, mas de fach fonciona ren. Despí dijòus 22 de febrier, fa totplen de jorns doncas, Ucraïna resiste. Entre guèrra e guerilha urbana. L’Union Europèa de la Defensa deu devenir una realitat. En mai e a costat dals Estatsunitans que son dins l’OTAN e que jugan de còups (sovent!) lor particion dins lo monde. Los occidentals son ren un blòc. Los europèus sèm sus lo meme continent qu’Ucraïna e Russia. Los estatsunitans non. Una pensaia a tots los civils. Ucrainians primier. Russes tanben perqué lo cost per jorn de la guèrra d’invasion en Ucraïna a un prètz tal qu’es desmesurat per un país qu’a un PIB equivalent dal Benelux. E lor quotidian serà mai dur, qu’o èra ja.
 
A mai dals mèdias nòstres en occitan o catalan, los mèdias de seguir per aver una informacion de contunh:
 

— per totes los occitans dins las lengas oficialas de cada estat ont son (per malastre existe ren en occitan Euro News)
 
https://it.euronews.com
https://es.euronews.com
https://fr.euronews.com.

 
—  per los francofònes: France 24
 

 

— per los anglofònes, entre autres:
 

 

Los mèdias de propaganda coma RT Francés o Sputnik. Notar que son aüra blocats sus las caenas TV.
 
De notar la vision de CGTN (China Global Television Network)
 

 
Una conclusion?
 

 
 
 
(opinion escricha lo 28/02/2022)
 
 
 
abonar los amics de Jornalet
 
 

 



publicitat
BANNER1 - OPLO erasmus



Comentaris

3 de març 16.06h

La commerzbank sona l’òrda sus de rompeduras d’aprovisionament dempuèi Russia.

Lo gigant Danés Maersk anoncièc dimars que totas novelas comandas dempuèi los pòrts Rus èran atancadas, Va venir de mai en mai malaisit d’importar materails dempuèis Russia.

La tona d’alumini es a 3 957 $ sul mercat dels metals de Londres (LME) lo niquèl es a 26 505 $ la tona.
Russia es lo tresen productor mondial d’alumini. (d’apèi lo World bureau of metal statistics).


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

3 de març 13.17h

#3

Alavetz PIB per estatjant en 2020

Ucraina 3 724,9 $ (amb’un deute de 180% del PIB)

Alemanha es : 46 208 $

França es : 39 030 $

Espanha es : 27 063 $

Estònia es : 23 027 $

Danemarc es : 61 063$

Belgica es : 45 159 $

Irlanda es : 85 267 $

Itàlia es : 31 714$

Grècia : 17 622 $

Polonha es : 15 721 $

Potugal es : 22 176$

....... eca .


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

3 de març 10.39h

#2
Vertat la guèrra es la seguida de la guèrra economic


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

3 de març 09.05h

Le nivèll e l'evolucion del PIB d'Ucraina pòrge pas mal d'explica a la posicion del govèrn d'aquell país, en questa d'una sortida economica e financiària.
(De comparar dambe Belgica...)


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

3 de març 07.35h

A que la guerrra economico-financiera que vòl pas se far apelar guerra es brava. Mena totjorn a una guerra militaria.
I a la guerra entre l'occident e la resta dau monde. Si Russia avia pas una granda armada, Putin seria considerat coma un traita per l'Occident coma Saddam Hussein e Kadafi perque a un systeme bancaire basat sur l'aur, e que Sadam e kadafi volian esser paiar dins la moneda de lòr pais e non pas en dolar.
Vòla pas justifiar la guerra mas la guerra a de piondas raiç dins... Legir la seguida


Valora aquest comentari:   votar positiu 4   votar negatiu 7
Respondre comentari replica Comentari inadequat   Formulari d'abús de comentari

3 de març 06.39h

Russia decida d’atacar Ucraïna sense casus belli ? Benlèu aiçò es un pauquet discutible, non ? Dins la mesura qu'Ucraina demanda a intrar dins la CEE e, mai que mai, dins OTAN, aquò menaça d'aplantar l'amrada american a las pòrtas de Moscova… Una logica paranoïaca coma la de Putin non podiá pas de longa estar sense agir contra aquesta perspectiva, me sembla. E las culpabilitats son partejadas. Euròpa non deuriá èsser la sucursala capitalista incondicionala dels EUA, mas o es. E ... Legir la seguida


Valora aquest comentari:   votar positiu 8   votar negatiu 4
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Laurenç Revèst

Laurenç Revèst logo rss

Escrivan, traductor. Dialectològue, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...

Mai d'articles

Archius




D'autres articles


Jornalet, gaseta occitana d'informacions