CAPCALERA: BOTIGA
CAPÇALERA2: OPLO

Jornalet, gaseta occitana d'informacions

Dimars, 27 de setembre

Laurenç Revèst

Dijòus, 7.7.2022 03h00

Descendenta d'un escrivan famós occitan, ancuei (I): Andréa Ferréol


Comentaris Pas cap de comentari    
Dolent Fluix Bo Molt bo Fabulós (8 vòtes)
carregant En cargament


Georges Biard / Wikimedia




Coma parent de Frederic Mistral, tot lo monde pensan a Frederic Mistral dich Nebot.
 
Mas avèm una descendenta dirècta dal nòstre Prèmi Nobel: Andréa Ferréol, naissua lo 6 de genier dal 1947 a Ais de Provença, qu’es una actritz.
 
Filha de Paul Ferréol (1918-1997), asseguraire e d’Aurélie Darbon-Gondrand (1919-2008), Andréa Ferréol va a París -la capitala, lo luec dal succès per viure lo melhor sus tèrra- pilhar de corses de teatre e comença lo mestier per de ròtles de teatre avans d’èstre remarcaia en lo 1973 dins La Grande Bouffe. Es estacha nomenaia per dos còups als Césars per un melhor Segond ròtle, en lo 1976 per Les Galettes de Pont-Aven e en lo 1981 per le Dernier Métro.
 
En lo 2001, es guierdonaia en Gavotina dal prèmi Reconnaissance des cinéphiles [Reconeissença dals cinefils] al Poget de Teniers decernit per l’associacion “Souvenance de cinéphiles” per l’ensèm de sa carriera.
 
Es la reirareirafelena dal poèta, escrivan de lenga occitana provençala e prèmi Nobel de literatura Frederic Mistral. Aquest a ren agut d’enfant dal sieu mariatge amb Marie-Louise Rivière. Pensar a la destinaia contrariaia de Mistral sublimaia dins lo sieu roman “Mireio”.

Mas aguèt un enfant d’una jovena serviciala de son paire, Athénais Ferréol, naissua en lo 1835, defuntaia lo 13 de julhet dal 1881 a Ais de Provença. Naissèt alora lo 29 de julhet dal 1859 a Malhana un filh natural: Marius Antoine Coriolan Ferréol. Mistral reconeissèt jamai aquel filh, mas es dich que s’ocupèt de la sieu educacion e financièt los estudis.
 
Una carriera dins l’instruccion publica menèt Marius Ferréol al pòste de Director general de las escòlas d’Ais. Ren qu’aquò!
 
Sabèm ren se pilhèt posicion per la defensa de la lenga occitana dins l’ensenhament public. Sabèm ren se revendiquèt lo sieu eretatge mistralenc familial e faguèt de publicitat per Lo Tresaur dau Felibritge per exemple.
 
Defuntarà en lo 1940 a Ais que n’es d’aquel temps adjonch dal cònsol, a 80 ans.
 
De notar tanben que Andréa Ferreol es una cosina alunhaia dal comedian provençal Fernand Charpin.
 
En abril dal 2016, sòrte la sieu primiera autobiografia intitulaia La passion dans les yeux [La passion dins los uèlhs].
 
 
 
abonar los amics de Jornalet
 
 


 



publicitat
BANNER1 - OPLO erasmus



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Laurenç Revèst

Laurenç Revèst logo rss

Escrivan, traductor. Dialectològue, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...

Mai d'articles

Archius




D'autres articles


Jornalet, gaseta occitana d'informacions