CAPÇALERA: IEA-AALO
CAPÇALERA2: OPLO

Jornalet, gaseta occitana d'informacions

Diluns, 5 de decembre

Joan-Marc Leclercq

Dimars, 26.8.2014 03h00

Lo mistèri deus Sans Culottes


Comentaris 11 comentaris    
Dolent Fluix Bo Molt bo Fabulós (2 vòtes)
carregant En cargament


Estant dròlle, l’istòria a l’escòla nos interèssa sovent, sustot s’un bon regent sap plan nos transméter la passion de conéguer lo passat ende compréguer lo present. Generalament, las paraulas deu professor son d’aur e pensam, a la debuta, que l’istòria es una sciéncia exacta coma las matematicas.
 
Los qu’an seguit una escolaritat dens l’estat francés a pas podut escapar au periòde  “mès important” qu’es la Revolucion Francesa. Complèxe e subjècte a discutidas, l’ahar nos es presentat dens sa version simplificada peus dròlles, es a nosautes mès tard d’essajar de desmesclar la vertat deu mite o de l’exageracion, lhevat qu’ac hasèm pas per manca de temps, d’enveja e de mejans.
 
Lo biaish dambe lo quau aqueste periòde es ensenhat se pòt doncas questionar (Plan solide, n’i avosse pas qu’aqueste…). Lo tèma es tan vast e los interesses tan numeroses que me vau adara focalizar sus un personatge que’m hascoc saunejar suu banc de la classa quan èri joen, vòli parlar deu legendari Sense Culòta, dambe son nom que’ns hasèva esclacar de ríser que ns’evocava un punk abans l’ora.
 
Personatge simpatic e coratjós, lo Sens Culòta nos estoc muishat coma  “lo pòble “ que trantalha pas una segonda de devalar a la carrèra ende deféner la justícia sociala e los drets deus mès praubes. I deu aver aquí dedins un drin de vertat, siam justes. Mès totus, una analisi mès pregonda nos hè interrogar sus elements precises.
 
Cada movement revolucionari a son braç armat ende poder ganhar lo rapòrt de fòrça que’s pausa obligatòriament a un moment. Que sia mercés aus Guardas Roges de Mao, a las Camisas Negras de Mussolini o aus Guardians de la Revolucion de Khomeyni, la presa de poder s’es sovent decidida per las carrèras a tusts e a trucs. Lo que possedís una tala fòrça  “de persuasion” a mès de possibilitat de véser son punt de vista convéncer los autes e demorar dens l’istòria. Lavetz díser e créser qu’aqueste grop se sia format per azard sembla drin leugèr. La horrèra deus Sense Culòta a jogat un ròtle deus màgers ende los Jacobins e Robespierre dens l’eliminacion deus opausaires. Tres elements hen pensar qu’aquò a pas ren de véser dambe l’azard e que lo simple chafre  “lo pòble” que lor es balhat amaga una realitat auta:
 

— Es un grop que’s destria de çò de mès deus Parisencs per un vestit particular ende’s reconéguer. Las bragas longas son talhadas dens un teishut especiau (dambe raiaduras blavas-blancas-rojas) e pòrtan tanben una vèsta braca que s’apèra la carmagnole. De mès, an suu cap una mena de bonet roge fòrça reconeisheder aperat  “frigian “ sovent ondrat d’una cocarda tricolòra.
 
— Son pesugament armats e fòrça violents. An impausat un rapòrt de fòrça pataquejaire qu’a cambiat lo cors de la Revolucion. Valèva milhor pas los encontrar per la carrèra en tot estar un adversari politic. Coma l’escrivoc lo jornau Le Père Duchesne a l’estiu de 1793:  “Lo Sense Culòta a tostemps son sabre ende talhucar las aurelhas a totis los mauvolents”. Demòra pas sonque de saber qui es mauvolent e qui l’es pas.
 
— Se mobilizan lèu. A cada còp quan caloc, sufís pas que de sonar lo tòca-senh ende se trobar dambe una beròia troperada prèsta de hèr a picacotèth. Es atau que la tringlada de las campanas avièc las jornadas deu 10 d’agost de 1792 o deus 31 de mai e deu 2 de junh de 1793. Lo nombre de partidaris amassats avesina los dètz mila, çò qu’ajuda granament d’influenciar los debats.
 
Es atau que’s debanèc las funèstas jornadas citadas mès haut deus de 31 de mai e deu 2 de junh de 1793 que merquèn la fin deus espers d’una republica daubèrta e federala. La Convencion es entornejada peu  “pòble parisenc” (= los Sense Culòtas e la Garda Nacionala), 41 deputats  “girondins”, ministres e sòcis de la comission deus Dotze son arrestats, uns s’i escaden de huéger e se’n tornan dens lor país end’informar lo monde deu còp d’estat centralista e aviar las Susmautas Federalistas que seràn reprimidas dens la sang. Los autes, mens astrucs, seran guilhotinats.
 
Dens aquesta operacion, los Jacobins son los sols vencedors, s’i escaden a l’encòp d’estremar deu poder los Girondins, mès a dreta coma se diré uei lo dia mès sustot federalistas, e tanben los Enrabiats qu’èran lor esquèrra politica, partidaires de la democracia dirècta e de la taxacion deus rics.
 
Atau, gràcias aus Sense Culòta, los Jacobins eliminèn los opausaires, França seguiscoc estar un estat fòrça centralizat e la Terror comencèc, periòde que comptèc mès de 100 000 victimas segon los istorians e que s’acabèc pas sonque dambe la caduda de Robespierre.
 
Mentre uns regents seguissen presentar adara aus nòstes dròlles los braves Sense Culòta coma  “lo bon pòble de París”.
 
S’ac volen …



publicitat
BANNER1 - OPLO erasmus



Comentaris

27 d'agost 13.09h

Un articlàs de tria. Mercé plan!!


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

26 d'agost 21.30h

Autament, que compreni ara lo rasonament de Felip Martèl e que con·hèssi qu'ei hèra plan argumentat.


Valora aquest comentari:   votar positiu 3   votar negatiu 3
Respondre comentari replica Comentari inadequat   Formulari d'abús de comentari

26 d'agost 21.29h

#7 Que crei qu'avetz problèmas de lectura, Nabilà. Ne soi pas jo qui èi parlat d'"umilitat", qu'ei l'amic Christian Forment. Qu'avetz plan causit lo vòste psèudo, Nabilà. Que vs'inviti a juntar lo grop facebook "Un cerveau pour Nabila" ;-)


Valora aquest comentari:   votar positiu 3   votar negatiu 5
Respondre comentari replica Comentari inadequat   Formulari d'abús de comentari

26 d'agost 20.15h

#6-Lo rapòrt damb la chocrota ?Aquí : al Jornalet, dison que la clau del succés de Jornalet se ten dins la confeccion de blògs. Abans d'aquò, se ten dins la qualitat umana d'unes dels intervenents que lor ego s'acabarà que crearà una bofiga coma en economia. Coneissem la seguida.


Valora aquest comentari:   votar positiu 5   votar negatiu 8
Respondre comentari replica Comentari inadequat   Formulari d'abús de comentari

26 d'agost 16.25h

#4
#6

Lo rapòrt amb la chocotra es evident: Mossur Bourdon acusa indirectament Mossur Martèl d'èstre un orgulhós, de se'n creire.


Valora aquest comentari:   votar positiu 1   votar negatiu 3
Respondre comentari replica Comentari inadequat   Formulari d'abús de comentari

26 d'agost 13.51h

#4 e 5 : cèrco pas de far l'elogi dels montanhards (un pauc tard, non ?), cèrco simplement d'explicar las causas coma se son passaas :
-comoditat, oc, mas tanben ideologia, la que diso, l'avant-gardisme que fai que los montanhards pensan que lo poble es trop con per saber ço qu'es son interés : lo remplaçament de las adminstracions localas que son pas "dins la linha" es un efiech colaterau d'aquela ideologia, justifiat per los apasimar dins lo dedins de lor testa per las "necessitats" de l... Legir la seguida


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

26 d'agost 12.46h

#3-Los "Montagnards" recentralizan per mai de comoditat.Discutible aquò a vèire las proclamacions afogadas contra las lengas regionalas. E perqué Napoleon auriá pas agit, el tanben, dins una simpla perspectiva de milhor contaròtle de las ideologias? Aquò es mon paréisser dit damb umilitat... Coneissètz lo mòt, vertat?


Valora aquest comentari:   votar positiu 5   votar negatiu 4
Respondre comentari replica Comentari inadequat   Formulari d'abús de comentari

26 d'agost 12.19h

#3 "... entre Girondins e montanhards. Mas es verai que per aquestos, recentralizar èra mai comode que non pas laissar la paraula au poble pertot. Car coma disia Robespierre, "le peuple est bon mais il se laisse facilement égarer par les fourbes" : tant vau doncas pas li laisar trop de libertat, ne'n sabria pas usar coma chau. Los Montanhards consideran que sabon talament ben ço qu'es bon per lo poble qu'an pas besonh de lo consultar. Vol dire que per ieu, per parlar de la tradicion centrali... Legir la seguida


Valora aquest comentari:   votar positiu 0   votar negatiu 4
Respondre comentari replica Comentari inadequat   Formulari d'abús de comentari

26 d'agost 11.57h

Ah ah, un pauc d'istoria ! Se vei que la dintraa s'avesina dangeirosament. Doas o tres causotas per lo debat.
-Sociologicament, los sans-culotas son pas "lo poble", se s'entend ansin las classas populàrias mai bassas. Son puslèu de mestieraus, dirio de pichons padrons de TPE (en dessota, lo mond son trop atencionats a pas crebar de fam per s'ocupar de politica).
-Es verai que son un grop força organizat, que segue las consinhas dau Partit : las "jornaas populàrias" ont envaïsson l'assembla... Legir la seguida


Valora aquest comentari:   votar positiu 5   votar negatiu 1
Respondre comentari replica Comentari inadequat   Formulari d'abús de comentari

26 d'agost 11.36h

Entre verguetas,perdon, un tròç de wikipedia.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions