CAPÇALERA: VAU SERENA
CAPÇALERA2: ESTRENA DE L'AN

Jornalet, gaseta occitana d'informacions

Dijòus, 27 de febrièr

Joan-Marc Leclercq

Dimars, 27.1.2015 03h00

Lo finestron ajuda los terroristas!


Comentaris 11 comentaris    
Dolent Fluix Bo Molt bo Fabulós (4 vòtes)
carregant En cargament


Ende quauqu’un que s’interèssa aus mèdias e que’us estudia, ren a pas mès de valor qu’un testimoniatge viscut de l’endehens de la bèstia. Dens lo monde, shens de dobte redusit mes complèxe deus grans mejans de comunicacion de massa, un punt de vista plan plaçat pòt granament ajudar de comprénguer quin tot aquò fonciona, a còps d’un biaish que poderem pas suspectar abans, … e fòrça susprenent.
 
Atau lo jornalista Bruno Masure (imatge) a coneishut la causa de près, vist qu’a presentat lo jornau televizat de TF1 entre 1984 e 1990 e lo de França 2 entre 1990 e 1997. S’i a quauqu’un que’n posca parlar, es plan eth, sustot qu’es coneishut peu hèit que’s desbremba pas james la lenga a casa, com se ditz en çò nòstre.
 
Dens una entrevista ende l’Obs via Rue89, lo presentator conde coma, quan se debanèn los atemptats d’ongan a París, a cresut tornar víver totis l’incresible circ mediatic capvath lo quau passèc en 1995, sia vint ans abans, quan èra la cara de jornau deu ser deu servici public, e se tira pas lo capèth end’ac díser.
 
Ende començar, lo Masure explica que las redaccions de cadenas de televisions te hèn un brave empleadís deu telon ende … pas rénder l’antena abans la concurréncia (TF1 a l’epòca). Es per aquò qu’am avut lo dret au testimoniatge de testimònis qu’avèvan pas vist ren o a la virada deus enviats sus plaça qu’avèvan pas nada informacion navèra o fisabla. Lo presentator se bremba de çò qu’ausiscoc dens l’aurelheta: “Bruno, TF1 contunha son edicion especiala. Doncas, tornas aperar Quedequerò, a l’Hôtel-Dieu, e puèi Aqueste, a la prefectura de polícia.”
 
Resulta ongan: lo divès 9 de genièr, l’imatge fixe d’una estacion servici de Seine-et-Marne que passèc sus totas las cadenas d’informacion lavetz que se debanava pas ren.
 
Dens lo cas de l’ataca deu jornau Charly Hebdo, las informacions se mesclèn tan lèu qu’èra coma de cotuma plan mauaisit d’i comprénguer quauquarren. Los agressors èran cinc a la debuta, puèi quate, dinc a dos per la fin, e aquò depenèva de la cadena e de l’ora. Los sitis “complotistas” de la telaranha an pas besonh d’aquò ende començar suu pic de tirar conclusions de totas sus la version oficiala que “cambia tot lo temps.”
 
S’aquò pòt hè se ríser coma un reportatge deu Petit Journal de Canal+, lo Bruno Masure pensa que los mèdias, dens lor cèrca de sensacionau, acaban lo tribalh començat peus quites terroristas: semenar l’espanta au demiei de la populacion. “En díser qu’i averé avut mès de mòrts la bomba avosse explosat dens lo tunel que non pas suu cai o que los fanatics an solide complicis endacòm mes” comenta lo jornalista.
 
Atau, mercés ad aquò, las tres kalashnikovs deus frairs Kouachi e deu Coulibaly an solide mès engüeishat París que non pas las tonas de bombas alargadas per la Luftwaffe sus Londres entre 1940 e 1944.
 
Dens la corsa a l’informacion, se sap qu’ongan BFM TV a hèit una error qu’a mancat costar la vida aus ostatges de la botiga casher. Lavetz que lo terrorista podèva espiar la cadena mercés a un pòste alucat dens la cramba on èra (Es èth que’us avèva contactats), BFM TV a deishat desfilar un bendèu on èra escrit que monde se trobavan esconuts a la cava! Per astre, Amedi Coulibaly ac vesoc pas.
 
End’acabar, lo Bruno Masure recussa fèrmament (Mon cul! ça ditz) l’argument deu “dever d’informacion” invocat peus mèdias end’excusar lors deliris. La sola rason, ça ditz, es la volontat de gonflar sas parts de mercat, sustot per çò qu’es deus mèdias privats tributaris d’accionaris.
 
E d’acabar, en bon chtimi qu’es, per aquesta formula de Coluche: “Quan òm a pas ren de díser, òm se la clava!”



publicitat
BANER1: AOF



Comentaris

28 de genièr 18.41h

Tion mi parte povas komprenis, sed tamen petas iom pli da malfacilaĵo ol por la angla!
Mi provis la tradukilon, sed ĝi tradukas nur al la lingvoj, kies parolantoj verŝajne jam komprenas, ĉar ili estas "frataj"...
Pli bone serĉi rekte la interviston de Bruno Masure. ;-)


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

27 de genièr 23.21h

#8
OK mercì, 'quò's bien çò que pensèvi. Mès coma mesuran l'audiéncia ? Aquò m'a totjorn intrigat.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

27 de genièr 19.02h

#7 Aqui un ligam per entresenhas
http://efficacitepublicite.free.fr/la%20mesure%20daudience%20en%20television.htm


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

27 de genièr 18.53h

#7
Es aisit : i a una societat privada que pagèra l'audiéncia (Parts de Mercat - PDM - e Parts d'Audiéncia - PDA -) que s'apèra Mediamétrie, las resultas son conegudas gaireben suu pic (sabi pas mercés a quina tecnologia) e lo nombre de telespectator hè créisher lo prètz de las publicitats. Mès una emission es seguida, mès la publicitat abans còsta car.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

27 de genièr 18.36h

I a una causa que me shacalha (mès qu'es pas tot-a-fèit ligada demb lo sutgèit) : coma una aumentacion d'audiéncia pòt hèser ganhar mèi de sòus aus accionaris de les cadenas privadas ? Per la publicitat ? Mès fau mesurar l'audiéncia : coma hèsen ? Sui inhorent de tot aquò.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

27 de genièr 12.23h

Es una expression, que's pòt díser tanben "a pas la lenga dens la pòcha". Comprengui, un còp tornat legir, que "la lenga", dens un mitan occitanista, a una significacion diferenta.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

27 de genièr 09.58h

Bon, tintin, te vòlon pas respóner.


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

27 de genièr 09.03h

"sustot qu’es coneishut peu hèit que’s desbremba pas james la lenga a casa, " = ?


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

27 de genièr 09.03h

"sustot qu’es coneishut peu hèit que’s desbremba pas james la lenga a casa, " = ?


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

27 de genièr 09.03h

"sustot qu’es coneishut peu hèit que’s desbremba pas james la lenga a casa, " = ?


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions