CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 16 de setembre

Joan-Marc Leclercq

Dimars, 15.11.2016 03h00

La revolucion passarà per Internet


Comentaris 4 comentaris    
Dolent Fluix Bo Molt bo Fabulós (4 vòtes)
carregant En cargament


De l’influéncia de la Teleranha, qu’a creishut d’un biais considerable recentament, se’n parla a còps dens los mèdias, mes se pagèra pas ni vertadèrament ni seriosament. E totun …
 
Cau saber purmèr que los mèdias classics, sustot la premsa escrita en papièr, an perdut en 100 ans gaireben tot lo pes qu’exercissèva sus l’opinion publica. Los jornaus fisics se legissen pas mès e son totis en crisi end’essajar de subervíver.
 
Los darrèrs exemples de le pèrda d’influéncia deus mèdias “classics” (premsa, television) son, solide, lo Brexit e l’eleccion de Donald Trump. Èra un gran plasèr a cada còp, l’endeman de suspresa electorala, d’escotar las analisis deus mèdias sus las errors d’analisi deus mèdias. La vertat es qu’avèvan pres, com se ditz, lors desirs per la realitat, e qu’avèvan totis hèit campanha au lòc d’informar lo public, çò que seré totun lor mission purmèra. De 200 mèdias estatunidencs, 194 avèvan sostengut Clinton contra 6 ende Trump. Mes los fantassins an pas seguit lo generau.
 
E com créser la paraula de quauqu’un que s’es enganat que t’explica perqué s’es enganat? An acabat, benlèu, de pérder lo pauc de credibilitat que’us demorava.
 
Dens lo cas encara escosent de l’eleccion estatsunidenca, internèt a pas hèit ganhar lo Trump, mes es evident qu’a hèit pérder la Clinton. Çò de màger de l’electorat deu miliardari es pas especialament pegat a la telaranha tota la jornada. La tendéncia generala de la tela èra meslèu un “ni ni”, e los geeks, segon jo, estón màgerment los seis milions d’electors qu’an mancat a la candidata democrata, se comparam dambe l’escòre d’Obama quate ans mès de d’ora.
 
La telaranha, era, avèva votat clarament Bernie Sanders.
 
La fòto deu coble Clinton que s’amigalhava dambe lo coble Trump lo jorn de lor maridatge (èran doncas convidats) o las pròvas de proximitat de Hillary dambe Monsanto e l’industria de l’armament  an contribuit, en hèr lo torn deu “www”, a deishar un imatge d’eleccion que s’i semblava la causida entre “la pèsta e lo colèra”.
 
L’exemple recent que pòt muishar lo creish deu poder d’internèt es la resulta deu tribalh de l’associacion L214. Son eths que botan sus la telaranha filmòts rodejats dens tuaders ende’n mostrar la crudelitat. Aquò te hè una tala bronzida que los jornaus televizats son obligats de’n parlar e d’i consacrar la dimentjada que seguís (parli de France 2) un “dossièr de la redaccion” presentat peu Delahousse eth medish, vos prègui.
 
Qui auré imaginat i a pauc que tres peluts dambe un aparelh fotografic podèvan influir sus la linha editoriala d’un mèdia nacionau?
 
Ende jo, internèt es un espèr. Es un mejan de comunicacion dirècte entre lo monde, sens passar per un petit grop de personas que tenguen las manetas de l’informacion. Los joens espian cada còp mens lo finestron e an accès a un heish de dotzes d’informacions de totas, que son pas obligatòriament governementalas o privadas.
 
Lavetz, ac sabi, pensatz que per consequéncia, qué que sia pòt passar per aqueste tudèth liure e descabestrat, que pòt estar marrit e dangerós. Es pas faus. Mes sèm la purmèra generacion qu’a descobèrt la bèstia, es soi convençut que la generacions venentas auràn lèu après de’s se’n servir com cau.
 
E se 25% deus estatjants de l’Estat francés pensan que l’atemptat deu 11 de seteme de 2001 estoc organizat peu govèrn american de l’epòca, aquò vòu díser qu’i a un debat. Aquera teoria estoc pas difusida, solide, peus mèdias màgers, mes per internèt. Que sia vertadèra o pas, a pas causat grans malastres dens la societat. Sonque escambis, a còps vius, per clavèrs d’ordenator entre personas que’s serén, se que non, pas jamés encontradas ni parladas.
 
 




Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.



publicitat
BANER1-2-3: DGPL DICTADES



Comentaris

16 de novembre 05.25h

#2 Se los joens an pas votat, soi pas segur qu'èra pr'amor qu'avèvan pas lo temps qu'èra a twittejar. O lavetz es una vista de l'esperit. Me cresi qu'es meslèu la personalitat deus dus candidats que'us a pas encoratjats ad anar votar.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

16 de novembre 05.23h

#1 Solide que's pòden troban exemples de revolucion sens internèt ... dens lo passat. En 1789 e 1917 notadament. Mes lo tîtou de l'article es au futur. Après, soi pas segut que los qu'an ragit a la mòrt deu praube Mohammed Bouazizi se sian pas organizats per la telaranha.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

15 de novembre 11.15h

Internet ei lo desespèr. Lo mond s'embarran darrèr l'ecran e ne sorteishen pas. Es çò qu'arribèt aus Estats Units. Los joens non votèn pas. Èran trop cuentats a twittejar, hèishboquejar, instagramejar.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

15 de novembre 10.16h

Me songe que lu Mohamed Bouazizi - محمد البوعزيزي -, lu jòune òme que s'immolet per lu fuòc ne'n 2010, e entau fasent desclenchet « las primas arabas » de 2011, 'quel òme aviá pas l'internet, eriá pas sus toïtèr e companha.

Eu eriá deseperat.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions