CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dissabte, 16 de decembre

Joan-Marc Leclercq

Dimars, 3.10.2017 03h00

Anarquisme e independéncia de Catalonha


Comentaris 13 comentaris    
Dolent Fluix Bo Molt bo Fabulós (7 vòtes)
carregant En cargament


Aqueste article estoc escrit abans lo 1r d’octobre



 
La CNT-AIT, organizacion anarco-sindicalista de Tolosa s’es clarament pausicionada contra lo referéndum deu purmèr d’octobre en Catalonha. Per çò qu’es de lors arguments, los podètz legir ací, sonqu’en francés: http://cntaittoulouse.lautre.net/
 
Lo debat es interessant, e s’i cau clinar drin dessús.
 
Purmèr, cau saber que la CNT-AIT de Tolosa s’es dejà pausicionada contra la lenga occitana dens lo metrò tolosenc, dambe accions d’estampatge e distribucion de huelhòts sus unas plaças de la vila. Se sentissèva que lo subjècte los tocava pregondament, pr’amor qu’ac hèn pas tan sovent qu’aquò. Calèva que l’enjòc ne vala pena. L’auta CNT, dita “Vignolles” pr’amor de l’adreça de son seti, sosteng las culturas minorizadas.
 
Dusau, cau saber tanben qu’a la manifestacion deu 26 de seteme a Tolosa a favor de la votacion se trobavan sòcis d’Alternativa Libertària dambe drapèus, çò que muisha que’s pòt estar anarquista e sonténguer lo procèssus d’independéncia de Catalonha. Ende la CNT-AIT de Tolosa, se pòt pas.
 
Coneishèvi jo la teoria anarquista e generalament esquerrista, que disèva que la luta end’independéncia desvia la joentut deu combat vertadièr que deu estar lo de la revolucion sociala, e aquò se pòt enténer, perqué pas. Seré atau una mena de pèrda d’energia. Una pausicion neutrala suu subjècte se pòt tanben pensar, en tot saber que l’ideau libertari se bastís en dehòra de tot Estat. Cambiar d’Estat pòt estar percebut coma ni un mau ni un ben.
 
E totun cau saber que lo bronc veng de l’empach peus miaires deu Reiaume d’Espanha d’una votacion dirècte e non pas d’una eleccion. Los anarquistas cridan a qui vòu ausir que cau votar e pas jamès elegir, doncas lo referéndum deu 1-èr va meslèu dens la bona direccion, me sembla.
 
Es mauaisit de reagir pas a la vista de la Guardia Civil que va arrestar monde end’empachar una votacion. Demorar neutre me sembla dejà un exercici drin mauaisit, mes criticar pas sonque los independentistas catalans sens de díser ren suu “poch” de Rajoy se sembla un sosteng (involontari benlèu, o una aligança objectiva) a un imperialisme violent (pleonasme?).
 
L’ideau anarquista es una societat sens d’Estat. Mes l’organizacion de la societat se hè peu federalisme, es a díser la federacion de petitas entitats dambe decisions de baish en haut. Dens aqueste cas, la creacion d’un Estat catalan es una camada meslèu dens lo bon sens que non pas lo manteng deus vielhs Estats eretats deu sègle XIX-au.
 
Après, se daubrissèm lo capítol deu respècte de las culturas e de las lengas, que deu estar una cuenta tanben anarquista, i a pas nada esitacion ende saber çò que cau sosténguer.
 
La CNT-AIT de Tolosa, sens d’ac véser, se bota deu costat de l’oppressor, se definís coma una organizacion anarco-jacobina. Ataca l’occitan sens de perpausar l’usatge de l’Esperanto, çò que hè que la resulta es un sosteng totau a l’usatge deu francés, lenga impausada a milions de personas sus Tèrra dens una tòca imperialista e colonialista.
 
 
 


abonar los amics de Jornalet
 



publicitat



Comentaris

7 d'octòbre 15.01h

Los anarquistas qu'an lo nacionalisme en òdi. E, per quaques uns, reivindicar drets linguistics qu'ei assimilat a ua fòrma de nacionalisme. Se hornitz ad aquò l'influencia subliminau deu bonapartisme francés, qu'arrivatz a l'esquème inconscient: "francés=universalisme, lenga regionau=nacionalisme".
Que ei a tanben uns quans ecologistas que rasonan atau...
Que'm brembi d'aver legut quauque part un comentari d'un anarquiste franchimand que "respectava" lo dret deus catalans a parlar , mes ... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

7 d'octòbre 00.34h

1) Te demandas se l'expression "imperialisme violent" es pleonasme ? Es evident que n'es un : tot imperialisme es un agression cap a tot çò non imperial.

2) Anarquista ieu meteis, ai pas besonh que d'ignorants que parlan sense saber de quicòm que non comprenon me donen son vejaire per ne me fargar un a ieu.

3) Cossí un anarquista realament anarquista poiriá sofrir qu'un pòble (definit per sa lenga) siá somés a un autre ? Trobar aquò normal, equival a sosténer qu'existisson raças s... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

6 d'octòbre 17.03h

Monsur Leclercq , puntejatz aqui l'impensat, jamai discutit e doncas jamai remes en question, de la politica francèsa. Es que gràcia al formatatge dels esperits tre l’escòla pichòta, totis los franceses son jacobino-parisiano-centrats e que doncas los partits e organisms politics que fan, foguèssen anarquists o libertaris, van rebatar automaticament, "naturalament"'aquel formatatge prigond. La vista tras aquelas lunètas empacha de veire o de concebre la realitat de las lengas region... Legir la seguida


Valora aquest comentari:   votar positiu 12   votar negatiu 0
Respondre comentari replica Comentari inadequat   Formulari d'abús de comentari

6 d'octòbre 12.49h

#3 Fau pas ges dinc "l'auto-òdi", mossur que me tutejatz. Lo bastarditge que denonçe es aquel de la mentalitat nòstra. Gachatz un pauc Catalonha d'aquesta passa : respèct ! Pas mai.
Respèct per Catalonha. Un esemple civilizacionau, segurament emperfach, mès un esemple civilizacionau en Euròpa ! La mena de causa que me fariá gaug de sentir, de viure, aicí, en cò nòstre.
E vist que restatz sus lo mème esagòne coma ieu, fai pas besonh que vos fague un dessinh...


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 d'octòbre 21.28h

Lo 2 de marts 1974, Salvador Puig Antich, militant anarquista catalan, morriá a 26 ans, garrotat dins una prison de la dictadura de Franco.


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

4 d'octòbre 16.41h

#5 Lor avio tanben escrich car m'avian contactat en esperant qu'anario dins lor sens ; son pas estats decebuts dau viatge, e dau cop ai pus jamai agut de novas sieunas. Ai sobreviscut, totun.


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

3 d'octòbre 22.05h

Aparentament, "la France Insoumise" qu'aperè a manifestar lo 26 de seteme (http://www.revolutionpermanente.fr/Rassemblement-a-Toulouse-en-solidarite-avec-la-Catalogne). En tot cas sus las fòtos, que's pòt véder un tipe dab un pegasolet de FI suu quessòt.
Donc que's pòt sostiéner lo dret a l'autodeterminacion d'un pòble d'un costat deus Pirenèus, e estar opausat a las nostas reivindicacions linguisticas de l'aute costat...


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

3 d'octòbre 21.39h

Uèi 3 d'octobre, navèra manifestacion ende Catalonha a Tolosa dabans lo consulat de l'Estat espanhòu. Èran presents sòcis de l'auta CNT, la "pas AIT".


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

3 d'octòbre 21.37h

Ací qu'avetz la copia de quauquarren qu'aví mandat a la CNT-AIT en responsa a l'article sus "l'orror linguisica" (http://rai.chez-alice.fr/html/horrlingu.htm), a l'epòca l'article qu'èra publicat suu siti de la CNT-AIT Tolosa (que n'estó tirat mei tard):

"Je voudrais signaler deux choses à l'auteur (X.F.) de l'article (c'est pratique l'anonymat!):

- J'ai grâce à lui appris que les langues régionales étaient "soutenues par l’extrême-droite traditionnelle". C'est amusant quand on ... Legir la seguida


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

3 d'octòbre 21.31h

Per çò qui ei de la lenga nosta, la CNT-AIT que's hè francament lo relais deu discors d'ua organisacion reaccionaria (tà non pas díser mei) com l'IBG quan se pòt léger dens un article tirat de la loa premsa:
"l’occitan est une construction très tardive, faite par des intellectuels régionalistes, pour "homogénéiser", "normaliser" les différents patois du sud face à une situation inextricable"
(http://rai.chez-alice.fr/html/horrlingu.htm). 
O enqüèra:
"Pendant que le Professeur ... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions