CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 23 de setembre

Joan-Marc Leclercq

Dimars, 26.12.2017 03h00

Blade Runner


Comentaris 4 comentaris    
Dolent Fluix Bo Molt bo Fabulós (15 vòtes)
carregant En cargament


L’azard a còps pòt estar estranh. Se que non, seré pas l’azard, me diseratz … Lo cinèma american m’agrada pas e la sciéncia-ficcion tanpauc. Cau doncas una seria de circonstàncias azardosas ende que’m retròbi ad espiar en familha e en DVD lo film Blade Runner, lo de 1982. Sustot l’annada de la sortida de la seguida, lo Blade Runner 2049. Me cau doncas 35 ans end’estar a la color deu dia. E aquò me balha 35 ans de mès ende’m repausar abans de véser la dusau part. O pas. Per çò qu’es de la rason d’aquesta projeccion privada e familhala, cau pas qu’incriminar un amic que conselhèc a la hemna d’espiar lo film dambe l’assegurança que fòrça la hidança, sustot de la part de las hemnas, que, ac sabèm plan, an totjorn patit dens l’istòria de tròp de hidança de cap aus òmis, e aquò se verifica cada jorn.
 
Sabi que benlèu vau decéber fanatics deu film (pareish que n’i fòrça), mes soi segur que l’an vist deu temps de lor adolescéncia e los vau convidar a’u tornar véser dambe los uelhs de 2018. Cau saber tanben que lo film avoc escaduda tra sa sortida … a l’endehòra deus Estats Units, son país natau, on estoc, per contra, un escac comerciau.  Shens de dobte lo gost de l’exotisme o una hidança destermenada dens tot çò qu’arriba d’America. Caloc aténguer 1992 e la sortida d’un montatge navèth, apelat director’s cut, ende que lo film “encontrèsse son public” aus Estats Units.
 
Cau díser totun que l’actor màger, lo Harrisson Ford, jòga la comedia dambe la sensibilitat d’un cadieron d’estanquet. Imagini aisidament lo dialògue entre lo metor en scèna e son actor:
 

— Harrisson, te prègui, sustot, jòga pas!
— ??? Mes perqué?
— Ensaja pas d’ac saber, jòga pas, es tot. Quan te parlan, pren ton temps, espia a dreta, a esquerra abans de respóner e bota pas nat sentiment, se que non, me vas mascanhar lo film!
 
Vertat que lo jòc deus actors pesa hòrt sus l’ambient suberrealista deu film, au mesprés de tota versemblança. Cau pas jamès saludar ni díser un quite “adishatz” ende guardar lo costat hasanhòt de cada personatge, lo qu’agrada generalament au public adolescent.
 
Per malastre, semblaré qu’aquesta monarderia aja contaminat la profession sancèra, en passar peu tarrible Tom Cruise dinc aus actors de Plus belle la vie. Cau hèr desbrembar lo hèit que tota l’istòria s’empara sus una inversemblança d’escenari que, sola, ren l’accion possibla: lo sol biaish de hèr la diferéncia entre un replicant (un androïde fabricat) e un uman vertadièr es de’u hèr passar un questionari. Pr’amor son fabricats atau? Vai-te’n saber, Carles. Las autas inversemblanças son mens importantas mes numerosas. Es pas grèu, la tòca èra de hèr una mena de long clip vidèo estetic dens lo quau un policièr qu’a représ servici (peu 5897au còp dens lo cinèma american) percaça una polida androïda que, entretemps, a començat una carrièra d’estriptisaira dambe sèrp dens un cabaret. Perqué pas?
 
Blade Runner es pas qu’un long clip vidèo, mes tanben un long espòt publicitari on las apareishudas de marcas s’encadenan a un ritme pro sostengut. Una legenda ditz qu’aquò a portat mau-sòrt a las firmas qu’an investit dens l’òbra (de las quaus la prauba Pan-Am). De notar que lo film es tirat d’un roman de 1966 que s’apèra Los androïdes saunejan de motons electrics?, deu quau lo títou muisha un cèrt esperit umoristic que manca complètament a la version cinematografica.
 
Perqué una cronica sus un film 35 ans après sa sortida? Benlèu lo parat de tornar brembar que lo cinèma american es lo pièger deu monde e que d’espiar dambe un esperit critic e adulte pòt ajudar a se’n rénder compte.
 
 




abonar los amics de Jornalet
 
 



publicitat
BANER1-2-3: DGPL TRADUCTOR



Comentaris

1 de genièr 22.23h

Sei pas d'acòrd dau tot, l'ai visat mai d'un còp queu filme e lo tròbe totjorn tan bon, aime mai que mai l'ambient (que la musica de Vangelis l'i participa beucòp). M'es d'avís que ses ermetic a la sciéncia-ficcion Joan-Marc (e benleu a totas las òbras de l'imaginari ?), qu'es entau, quò l'i fai ren, mas vaudriá benleu mielhs qu'eschivas de far de las criticas de las òbras d'aqueu genre, serv de ren d'eissaiar de desgostar la gent qu'aiman lo genre. Visca lo Diu Negre.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

29 de decembre 10.38h

La conjugason miladiu !!!

''jògues pas'' ''botes pas'' a l'imperatiu negatiu !!!


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

27 de decembre 00.52h

#1 Mercés En Bardòu per aquesta remarca : es, tanben, de per la sciéncia ficcion del biais de P. K. Dick que ne soi arribat a l'occitan. Adonc partegi aquesta experiéncia.


Per la critica, En Leclercq, mancatz pas de vam ! :D

Soi d'acòrdi per concedir que "Blade Runner" - qu'agachèri tornamai fa pas una setmana e qu'aimi mai que jamai - siaguèsse un pauc "cagant", un pauc "pretenciós", o encara de metre en dobte lo talent de Harrison Ford e de l'actritz principala. E soi d'acòrdi per... Legir la seguida


Valora aquest comentari:   votar positiu 3   votar negatiu 2
Respondre comentari replica Comentari inadequat   Formulari d'abús de comentari

26 de decembre 15.08h

Totes los racontes de Philip K. Dick viran a l'entorn del sentiment d'èsser estat enganats subre las nòstra identitat vertadièra. Dins lo contèxte del raconte de Blade Runner, lo problèma vertadiè non es la caça dels replicants figitius, mas es lo fait qu'unes replicants sàpian pas que o son, coma Decker, lo personatge que jòga Harrisson Ford. Los sovenirs qu'an de lor vida passada despuèi l'enfança son estats implantats. E donc non son pas çò que creson èsser.

Aiceste questionam... Legir la seguida


Valora aquest comentari:   votar positiu 13   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions