CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 22 d'octòbre

Joan-Marc Leclercq

Dimars, 20.2.2018 03h00

De Gaulle contra los catars


Comentaris 4 comentaris    
Dolent Fluix Bo Molt bo Fabulós (8 vòtes)
carregant En cargament


La setmana passada soi anat assistir a una conferéncia organizada peu club de l’Amicala Laïca de Tornahuèlha de Christian Béringuier, professor onorari de Geografia de l’Universitat de Tolosa Lo Miralh (ara Joan Jaurès). Lo tèma de la conferéncia èra tot simplament “Occitània”.
 
Es un subjècte que coneishi fòrça plan e èi doncas ausidas causas sabudas, ditas per quauqu’un qu’es fòrça saberut mes qu’a pas vertadèrament la votz d’un conferencièr. Aquò rai, èra plan.
 
Me soi totun assabentat d’unas causòtas interessantas, coma lo hèit que la cantadora Jacmelina avèva demorat a Tornahuèlha per exemple.
 
Mes i avoc quicòm que m’aperèc l’atencion, quicòm ligat a l’istòria recenta deus mèdias. Aquò se debana dens las annadas 50-60.
 
Existissèva una emission istorica que s’aperava “La Camèra explòra lo Temps”. Lo productor se sonava Stellio Lorenzi e los dus istorians de referéncia èran Alain Decaux e André Castelot. Lo purmèr èra un comunista, lo dusau un socialista e lo darrèr un òme de dreta. Lo purmèr èra italian, lo dusau bèlga e lo tresau francés.
 
Filmada en dirècte, la seria avèva començat en 1957 e perpausava tròces de l’istòria de França coma la vida de Maria Walewska, la mòrt de Maire-Antoinette o “qui a tuat Enric lo IV-au? “. Generalament los subjèctes tractavan deus abuses de poder e de l’arbitrari.
 
Mes en 1966, pr’amor de la difusida d’episòdis sus l’epopèia deus Catars, lo president francés de l’epòca, un cèrt Charles de Gaulle, decidiscoc sobtament d’estancar l’emission fòrça populara lavetz (qu’acabava notadament d’estar nomentada “milhora emission deu país” après un sondatge) e de desméter Lorenzi de sas foncions.
 
Segon Béringuier, las rasons n’estón que lo generau volèva pas que l’emission “desvelhe la reviscolada d’un movement occitan” e lo purmèr ministre, lo Jòrdi Pompidor (Georges Pompidou) declarèc que calèva “evitar una guèrra civila”. Ren qu’aquò.
 
Detalhs importants: a l’epòca la television se trobava pas dens cada ostau e lo monde s’amassavan sovent dens los estanquet a l’entorn d’un “tele-club”. L’istòria deus Catars èra pas brica coneishuda, vist qu’èra pas ensenhada dens las escòlas. Èram a dus ans de mai 68.
 
Segon los qu’an viscut l’eveniment (deus quaus un cèrt Claudi Martí), quitament los qu’avèvan lo finestron a l’ostau s’èran totun amassats dens un lòc public end’espiar la reconstitucion istorica. Estoc una tumada de las bèra ende un pòble sancèr de descobrir son istòria pròpria. A Carcassona, una manifestacion improvizada s’espandiscoc lo ser medish per carrèras au crit de “Occitània liura!”
 
Lo mot Occitània tornèc dens lo vocabulari comun e los murs se cobrissen d’escrits de colèra. Montsegur estoc assalhit  de curioses tre l’endeman, lavetz qu’atirava pas generalament qu’Alemands que coneishèvan, eths, l’istòria.
 
Es una ironia qu’una seria qu’avèva per mira de denonciar los abuses de poder estoc tot sobte estancada ... peu poder executiu d’un país dit “democratic”.
 
 
 
 


abonar los amics de Jornalet
 



publicitat
BANER1-2-3: DGPL AN LAFONT



Comentaris

9 de març 04.52h

Al collègi evidentament nos parlèron pas dels Catars e quand nos parlavan de las crosadas, èran totas manca una. Pasmens lo professor d'istòria nos recomandèt de veire l'emission. Anèri a cò d'unes vesins e foguèt los dos sols còps que vegèri "La caméra explore le temps".
En tresena, que ganhèri un prèmi de fin d'annada escolara, m'ofriguèron "Le bûcher de Montségur" de Zoé Oldembourg. Sabi pas s'es lo meteis professor que faguèt la causida.
Dins las annadas De Gaulle, cali... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

22 de febrièr 11.49h

https://www.franceculture.fr/emissions/les-nuits-de-france-culture/1966-les-cathares-reviennent-0

https://www.franceculture.fr/emissions/les-nuits-de-france-culture/lhistoire-en-direct-1966-les-cathares-reviennent-22-1ere

Doas emissions de France Culture per comprendre la "tumada" que foguèt la difusion dels 2 episòdis suls Catars en 1966
Ont aprenem que, perqué l... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

21 de febrièr 14.45h

Per completar un pauc çò qu'es dich dins l'article, repreni çaijós un comentari qu'aviái mandat lo 16/11/2016 a prepaus d'una mòstra de cinèma occitan :

« Coma seria televisuala sus la Crosada i aguèt "Les Cathares" de Stellio Lorenzi, André Castelot e Alain decaux, produccion Ortf, 1966. La sortiguèron en caisseta en 1994. Es en francés naturalament. Dura cinc oras. Se dirà pas jamai pro cossí aquela ficcion ( al moment ont la television dintrava dins totes los ostals) foguèt ... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

20 de febrièr 08.31h

Oc, me'n soveno (avio 15 ans, vivio en region parisenca e es lo premier còp qu'auvio lo mot "Occitania", au pretz d'un anacronisme amb aquò mas bon). Me soveno tanben qu'a la fin dau segond episòdi, Decaux e Castelot avian pres la paraula per donar d'explicas, çò que fasian pas jamai me sembla. Sabo pus çò quèran las explicacions, e a mon eatge las aurio probable pas comprésas, mas ne'n donavan. Ai auvit contar, fòrça mai tard, coma los joves de Carcassona èran poats en cortegi a la... Legir la seguida


Valora aquest comentari:   votar positiu 12   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions