CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Divendres, 19 de julh

Joan-Marc Leclercq

Dimars, 1.5.2018 03h00

Los mèdias màgers, agents de comunicacion de la dreta extrèma?


Comentaris 7 comentaris    
Dolent Fluix Bo Molt bo Fabulós (4 vòtes)
carregant En cargament


La question pòt semblar estranha, mes a còps nos podèm demandar çò que motiva las redaccions deus gran jornaus televizats de l’Estat francés e sus quina basa se hèn lor causidas de subjèctes que cau tractar en prioritat. 
 
En darrèras, l’operacion de comunicacion (podèm pas aperar aquò diferentament) miada peu gropuscule Génération Identitaire a coneishut una cèrta escaijuda a la television francesa e l’informacion estoc plan cobèrta. De qué s’i tracta?
 
Un centenat (segon lo gropuscule) de militants d’aquesta organizacion son pujats au pòrt de l’Escala dens Aups (1764 m) end’empachar los migrants de passar de l’Estat italian a l’Estat francés. An utilizat dus elicoptèrs e uns drònes, an installat una barralha meslèu simbolica (un hialat de plastic) un parelh d’oras e botat suu sòl una bandaròla on èra escrit en bon francés: Closed border, you will not make Europe your home, NO WAY, back to your homeland. En d’autes mots: “Atz dejà caminat 5.000 km, aqueste hialat de plastic vos harà tornar a casa.”
 
Benlèu qu’an un drin d’esperit plasent e umoristic, que lor pòrtavotz se sona Espino. Es benlèu sòci de Génération Identitairepr’amor que volgoc cambiar d’identitat per rapòrt a las generacions precedentas. Seré interessant de conéisher l’istòria de sa familha. Enfin, bon …
 
Còsta de l’operacion: 30.000 euros. En julhet de 2017, aqueste medish gropuscule avèva afretat lo batèu C-Star end’empachar las organizacions umanitàrias d’ajudar los migrants que riscavan de’s negar en Mediterranèa.
 
L’operacion estoc doncas plan cobèrta peus mèdias. Podèm lavetz hèr una simpla comparason, quitament se “comparason es pas rason”. La refòrma de las regions per l’Estat francés estoc criticada a l’encòp per las comissions deus Drets de l’Òmi de l’UE e de las Nacions Unidas. Ren qu’aquò. Normalament, en democracia, lo pòble deu estar consultat. Lo poder parisenc s’es ben trufat d’aquesta règla e impausaèc a totis las decisions d’un punhat de personas.
 
Solide qu’i avoc reaccions. Las manifestacions màger estón organizadas en Alsàcia, país que perdoc atau brutalament son existéncia. Se cercatz suu hialat, trobaratz articles sus las protèstas seguentas (e benlèu mès):
 

— L'11 d’octobre de 2014: entre 7.000 e 20.000 manifestants a Strossburi (Estrasborg).
 
— Lo 30 de noveme de 2014: entre 1.500 e 4.000 manifestants a Colmar.
 
— Lo 23 de noveme de 2014: 2.000 manifestants a Strossburi.
 
— Lo 13 de deceme de 2014: entre 1.500 e 8.000 manifestants a Strossburi.
 
— En deceme de 2014: entre 1.200 e 4.000 manifestants a Mìlhüsa (Muhlhouse).
 
— Lo 30 d’abriu de 2016: 500 manifestants aStrossburi. 
 
Generalament, los jornaus televisats dits “nacionaus” demorèn muts sus aquò, çò qu’es dejà un escandal en se medish. Benlèu que pensan  qu’aquò “interèssa pas los Franceses”. Se hèm la comparason entre la cobertura mediatica de l’operacion de comunicacion d’un centenat de pelats verimoses, vesèm plan que la balança es pas de plom. 
 
Quina logica darrèr tot aquò?
 
Quitament se podèm suspectar lo jacobinisme de directors d’informacion au comand deu poder, la rason pregonda d’una tala diferéncia de tractament es pas de bon comprénguer e s’esbarrís dens los corredors de las redaccions.
 
 
 
 


abonar los amics de Jornalet
 



publicitat
BANER1-2-3: DGPL DICTADES



Comentaris

4 de mai 23.19h

C'est heureux que M.Terral ne soit pas censuré, dans un media comme Jornalet !
Comme d'habitude, Jean-Marc répond poliment, avec des arguments .
Ceux qui parlent de racisme etc devraient faire de même . On attend ! Ce débat m' intéresse, s'il est libre et profond .
Sinon autant lire les journaux habituels .


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

4 de mai 12.10h

#4 Adishatz. M'interèssa mès de discutir dambe quauqu'un dambe qui soi pas d'acòrdi que non pas dambe qui soi d'acòrdi.

La colonizacion èra pas lo subjècte, èra simplament la diferéncia entre los Espanhòus, Italians .. e los d'Africa deu nòrd e subsahariana. L'èi pas criticada, ètz vosautes qu'ètz partits a fum de calhau suu subjècte, que sembla doncas vos ténguer au còr.
I a una dusau version de l'invasion d'Argeria, es deu panatòri deu tesaur deu Bey d'Argièr que lo rei de ... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

4 de mai 00.48h

#4 me demandi a quina òra la còla de censors de jornalet amuisharà son nas ende trencar lo vam de messorgas racistas e revisionistas deu Sr Terral.

un còp èra, me boishèren comentaris sonque pr'amor d'aver contradit lo Sr Sumien pertocant la tactica deu movement occitanista.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

3 de mai 14.27h

Quantis de sègles nos caldrà entendre recocar lo pretèxte de la colonizacion per justificar l'immigracion clandestina ? La fauta de la colonizacion es pas tota del mème costat. Se dis pas gaire, per exemple, que la conquista de l'Algeria se faguèt per metre fin al piratatge en Mediterranèia e que permetèt de liberar los esclaus crestians que i èran presonièrs. Mas la descolonizacion data de cinquanta ans e, coma colonizat (esperavi que nòstre torn vendriá) m'en regaudiguèri e m'en r... Legir la seguida


Valora aquest comentari:   votar positiu 0   votar negatiu 2
Respondre comentari replica Comentari inadequat   Formulari d'abús de comentari

2 de mai 20.38h

#2 I a la diferéncia que los Italiens e Espanhòus èran pas d'un país ancianament colonizat e deus quaus los hilhs s'interrògan sus l'actitud deus pairs aperats à vénguer trabalhar per l'ancien colonizator. Atz raison de joslinhar que la situation es diferenta e avévan pas de demandar glèisas catolicas, qu'èran déjà bastidas.

S'atz elements concrèts que provan que las operacions deu batèu e la deu còth de l'Escala èran finançadas peus sols militants, aquò m'interèssa, que so... Legir la seguida


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

1 de mai 18.13h

Lo silenci sus las manifestacions per la defença de la region Alsàcia es pas dificilla a comprene quand om sap que la granda premsa es proprietat de milhardaris partisans de l'ultra liberalisme (= mondialisme sens frontièras quitament regionalas) e d'autra part que dins lo servici public senhoreja
lo gauchisme parisianòcentrat que considèra totas las revendicacions per l'identitat etnica e la defensa de las lengas "regionalas" coma "biniouseries", replec, arrieracion, reaccion.
Çò qu... Legir la seguida


Valora aquest comentari:   votar positiu 8   votar negatiu 4
Respondre comentari replica Comentari inadequat   Formulari d'abús de comentari

1 de mai 11.07h

Creses que la pensada (los medias, los jornalistes, l'UNESCO...) fan lo monde?

Quò es l'argent que fai lo monde e crampa tot çò qu'es tecnologia o pensada. L'argent se cara quand finança doas pensadas que s'opausan e que menan a la guerra. L'argent manipula, utilisa la paur, la misera,...

L'òm pòd se damandar si França es totjorn una republica.
Lo jacobisme es mas un discors. Los corridors de la redaccion catan una dictatura d'en naut.


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions