Opinion
Lo teatre tolosan se bolega e embaucha
Lo teatre en occitan es estat tostemps ende la lenga un biais de’s poder exprimir. Lo teatre es vivent. Es fòrça enrasigat e es fòrça popular. Mescla totas las generacions. Deu costat de la ciutat mondina, las causan bolegan pro.
D’un costat la tropa deu Platanièr, basada a Tornafuèlha, a creat ongan pas mens de dus espectacles navèths, apelats “actorajadas” pr’amor que son pas pèça classicas, son pas tanpauc condes musicaus ni monològues, mes hèitas d’actors acompanhats per un musicaire qu’es, (cau pas pérder un parat ende’s hèr publicitat), lo vòste umile servidor.
Lo purmèr espectacle se sona “Un òme dens la nuèit” e conda l’istòria d’un òme drin perdut dens una vila chinesa e que’s passeja en tot se pausar questions sus sa vida. Va d’encontre en encontre. Cultivant los paradòxes, lo ròtle de l’òme es jogat per … una femna, Maria-Elèna Weber-Cabròl.
Lo dusau espectacle es la legida deu líber deu praube Maurici Andrieu, “L’Estar latina”, jogat sus l’empont peu purmèr còp peu Joan-Luc Brunèl. Un tèxte poderós e esmavent suu mainadèr, la descobèrta de la vida, la guèrra e la causida de víver sa passion, lo teatre. Es lo purmèr còp qu’un actor “gausa” s’acarar ad aquesta legenda de l’òme d’espectacle e de television plan coneishut qu’estoc lo Maurici.
E justament, lo nòste gran Maurici Andrieu (véser imatge) estoc lo creator de la tropa “Comèdia Occitana Tolzana” qui, ongan, comença d’apitar una creacion que qualificarí d’ambiciosa. Una creacion deu Bernat Beau-Vinhòl, qu’es tanben actor, que’s sona “Embrolhs a la Palanca”. Èi agut la possibilitat de léger lo tèxte e vos pòdi díser que l’escritura es d’un bon nivèu, en particular dambe dialògues fòrça crostilhoses.
Mes end’aquò, la tropa cèrca monde motivats per aqueste projècte qu’a besonh de 10 actors. Los ròtles de pervesir necessitan:
La mestresa de l’occitan es solide requesida, l’experiéncia teatrala a pas fòrça importança. L’enveja de s’implicar dens una benalèja que s’anóncia palpitanta, per contra, es la planvenguda.
Contactes:
— Hubert Servan: comediaoctol@gmail.com – +33(0)6 76 51 50 49
— Bernat Beau-Vinhòl: beauvignol@gmail.com – +33(0)6 17 50 03 63
D’un costat la tropa deu Platanièr, basada a Tornafuèlha, a creat ongan pas mens de dus espectacles navèths, apelats “actorajadas” pr’amor que son pas pèça classicas, son pas tanpauc condes musicaus ni monològues, mes hèitas d’actors acompanhats per un musicaire qu’es, (cau pas pérder un parat ende’s hèr publicitat), lo vòste umile servidor.
Lo purmèr espectacle se sona “Un òme dens la nuèit” e conda l’istòria d’un òme drin perdut dens una vila chinesa e que’s passeja en tot se pausar questions sus sa vida. Va d’encontre en encontre. Cultivant los paradòxes, lo ròtle de l’òme es jogat per … una femna, Maria-Elèna Weber-Cabròl.
Lo dusau espectacle es la legida deu líber deu praube Maurici Andrieu, “L’Estar latina”, jogat sus l’empont peu purmèr còp peu Joan-Luc Brunèl. Un tèxte poderós e esmavent suu mainadèr, la descobèrta de la vida, la guèrra e la causida de víver sa passion, lo teatre. Es lo purmèr còp qu’un actor “gausa” s’acarar ad aquesta legenda de l’òme d’espectacle e de television plan coneishut qu’estoc lo Maurici.
E justament, lo nòste gran Maurici Andrieu (véser imatge) estoc lo creator de la tropa “Comèdia Occitana Tolzana” qui, ongan, comença d’apitar una creacion que qualificarí d’ambiciosa. Una creacion deu Bernat Beau-Vinhòl, qu’es tanben actor, que’s sona “Embrolhs a la Palanca”. Èi agut la possibilitat de léger lo tèxte e vos pòdi díser que l’escritura es d’un bon nivèu, en particular dambe dialògues fòrça crostilhoses.
Mes end’aquò, la tropa cèrca monde motivats per aqueste projècte qu’a besonh de 10 actors. Los ròtles de pervesir necessitan:
— Duas hemnas jovas, 20-35 ans.
— Un òme jove, 20-30 ans.
— Dus òmes mens joves, 40-60 ans.
— Un òme jove, 20-30 ans.
— Dus òmes mens joves, 40-60 ans.
La mestresa de l’occitan es solide requesida, l’experiéncia teatrala a pas fòrça importança. L’enveja de s’implicar dens una benalèja que s’anóncia palpitanta, per contra, es la planvenguda.
Contactes:
— Hubert Servan: comediaoctol@gmail.com – +33(0)6 76 51 50 49
— Bernat Beau-Vinhòl: beauvignol@gmail.com – +33(0)6 17 50 03 63
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari