CAPCALERA: la botiga

Jornalet, gaseta occitana d'informacions

Dimècres, 21 d'abril

Joan-Marc Leclercq

Dimars, 2.2.2021 03h00

Anem per .occ!


Comentaris 9 comentaris    
Dolent Fluix Bo Molt bo Fabulós (11 vòtes)
carregant En cargament





La subervida d’una lenga, ara, passa tanben per la telaranha. Quan escrivi “tanben”, èi enveja de quitament escríver “sustot”. Nos cau imperativament nos virar de cap a las joenas generacions per crear o ahortir un interés.
 
Las causas cambian pauc a pauc, e se pòt encontrar cada jorn mès d’iniciativas sus internèt, que cadun pòt consultar de son ostau estant.
 
Lo Congrès es a botar au punt un sistèma de reconeishença vocala de la lenga occitana aperat ReVÒc e demanda au monde de participar en enregistrar sa votz sus frasas que perpausa: https://locongres.org/fr/les-chantiers/revoc
 
Lo Gabrièu Pelisson, un joen nissart, a botat en linha sus You Tube filmòts d’un pauc mens d’un quart d’ora cadun on balha leçons de lenga sostitoladas en occitan, francés o anglés. Aquò se hè fòrça per un gran nombre d’autas lengas. Es un biaish modèrne e eficaç d’aprénguer, sustot en aqueste moment a distància.
 
Les solide çò que caleré hèr ara es de botar en plaça una accion per arribar a crear l’extension .occ sus internèt. Los Bretons, lo Bascas, los Catalans s’i son escaduts, vesi pas pr’amor seré pas possible per la lenga occitana.
 
Benlèu qu’un tau projècte es dejà aviat (es fòrça possible), dens aqueste cas se sabètz quicòm aquò dessús, daishatz un messatge dejós dens los comentaris.
 
Segon un amic que me’n parlèc, lo Joan-Miquèu, aquò còsta 200 000 euros per estar reconeishut per l’ICANN (International Corporation for Assigned Names ans Numbers) que regís los Maines Generics de Purmèr Nivèu (nGTLD en anglés) coma, es possible dempuèi 2012, .nyc, .london, .paris, .bzh, .corsica, .alsace, .cat, .eus ...
 
Aquestes 200 000 euros poderén semblar una soma inatenhedissa a purmèra vista, mes se consideram la quantitat d’entitats territorialas (regions, departaments, comunautats de comunas, vilas) qu’i poden participar, es gaireben res.
 
La region qu’a pres lo nom Occitània, purmèr, pòt mostrar son interés per aquò e se cau brembar que lèu i auràn eleccions regionalas, es benlèu lo moment de demandar de qué ne pensan, generalament es un periòde quan son mès a l’escot.
 
La purmèra causa de hèr es d’amassar lo monde interessats e qu’an aptituds aquò dessús. Se poden hèr conéisher en clicar aquí (jomolo@orange.fr)
 
E benlèu qu’un jorn l’adreça deu Jornalet serà www.jornalet.occ!!
 
 
 
 
abonar los amics de Jornalet
 
 


 



publicitat
BANNER1: IEO Arièja



Comentaris

4 de febrièr 11.18h

#1 Ne i a pas besonh d'estar sorcièr entà devinar qu'en 1979, que i avè monde tà d1iser: "Qui hicarà los sons mainatges en ua calandreta hòra un detzenat de militants" ? Çò qui caleré har, segon jo, qu'ei presentar lo projècte a l'ÒPLO, qui poderé, se l'interèssa, transmete'u a las Regions entà aviar un estudi de factibilitat.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

4 de febrièr 09.13h

#1 Malaürosament, i a talamaent pas pro d'unitat a l'entorn deu concèpte ''occitan'' que quand Caròla Delgà a demandat al pòble quin nom voliá donar a sa novèla region, lo pòble s'es clarament causit "Occitania". E sonque los nòstres fraires de Catalunya nord i an trobat de qué repotegar significativament.


Valora aquest comentari:   votar positiu 1   votar negatiu 4
Respondre comentari replica Comentari inadequat   Formulari d'abús de comentari

3 de febrièr 18.31h

Come d'ab', leis occitanistas prenèm leis causas d'a rebors.
Bòrd que siam pas capables de transmetre e de parlar nòsta lenga (solide, aquò's pas totalament nòstra colpa mès bòn, se va fasèm pas, cu va farà, eh?) s'acontentam de trapar un "pièg-anar" simbolic que nos manten l'illusion viva que tot va plan madama la marquesa, la teconologia nos sauvarà, bòta! .
Centrem-nos sus l'essenciau : parlar, transmetre, crear, produire en occitan, e la necessitat d'un .oc (perqué occ.?) ve... Legir la seguida


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

3 de febrièr 18.31h

Come d'ab', leis occitanistas prenèm leis causas d'a rebors.
Bòrd que siam pas capables de transmetre e de parlar nòsta lenga (solide, aquò's pas totalament nòstra colpa mès bòn, se va fasèm pas, cu va farà, eh?) s'acontentam de trapar un "pièg-anar" simbolic que nos manten l'illusion viva que tot va plan madama la marquesa, la teconologia nos sauvarà, bòta! .
Centrem-nos sus l'essenciau : parlar, transmetre, crear, produire en occitan, e la necessitat d'un .oc (perqué occ.?) ve... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

3 de febrièr 18.31h

Come d'ab', leis occitanistas prenèm leis causas d'a rebors.
Bòrd que siam pas capables de transmetre e de parlar nòsta lenga (solide, aquò's pas totalament nòstra colpa mès bòn, se va fasèm pas, cu va farà, eh?) s'acontentam de trapar un "pièg-anar" simbolic que nos manten l'illusion viva que tot va plan madama la marquesa, la teconologia nos sauvarà, bòta! .
Centrem-nos sus l'essenciau : parlar, transmetre, crear, produire en occitan, e la necessitat d'un .oc (perqué occ.?) ve... Legir la seguida


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

2 de febrièr 19.52h

#1 La manca d'ambicion de l'occitanisme que causarà la mort de l'occitan e de l'Occitania.


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

2 de febrièr 09.25h

Ooops, error, s'agís pas de 20.000 euros mes 200.000 que calèva escríver !
Soi pas acostumat a somas tan granas ...


Valora aquest comentari:   votar positiu 4   votar negatiu 5
Respondre comentari replica Comentari inadequat   Formulari d'abús de comentari

2 de febrièr 08.20h

Ai trapat :
https://www.afnic.fr/fr/ressources/publications/dossiers-thematiques/nouvelles-extensions-internet-un-nouveau-big-bang-pour-les-noms-de-domaine.html

e lo prètz 185 000$ de despensas de dossièr + 25 000$ cada an.

Sens volontat de las institucions, o vesi complicat.
Quant es lo budget de l'OPLO ?


Valora aquest comentari:   votar positiu 10   votar negatiu 0
Respondre comentari replica Comentari inadequat   Formulari d'abús de comentari

2 de febrièr 06.29h

Malurosament, n'i a pas pro d'unitat a l'entorn deu concèpte ''occitan''. Qu'ès obligat d'escríver "La region qu’a pres lo nom Occitània", çò qui ei ua avoada tarrible deu men punt de vista.
20 000 euròs, n'ei pas gran causa peu burèu qu'a pres lo nom d'oplo, qu'ei mensh que çò qu'an tirat a vistedit...mes qui va utilizar .occ a despart d'un detzenat de militant-a-s? Jo n'i credi pas briga.


Valora aquest comentari:   votar positiu 8   votar negatiu 4
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions