CAPÇALERA: CAOC 2021-2022

Jornalet, gaseta occitana d'informacions

Dimècres, 22 de setembre

Joan-Marc Leclercq

Dimars, 22.6.2021 03h00

Ahar Mila


Comentaris 9 comentaris    
Dolent Fluix Bo Molt bo Fabulós (11 vòtes)
carregant En cargament





Vaquí un ahar deus complèxe, mès complèxe que non pas çò que s’escriu un pauc de pertot suus hialats sociaus.
 
Presentat com un conflicte entre una atèa e integristas islamistas, l’ahar compòrta mès d’elements qu’aquò. Vaquí un petit resumit:
 

Mila es una gojata de 16 ans. Es lesbiana e escambia sus Instagram, una abonada a sa cadena le ditz qu’es pas “vertadièrament atirada per las gojatas de tipe magrebin”. Mila respon qu’era tampauc.
 
Puèi se tròba gaimantejada per un “pesugàs” que va fòragetar. Lo tipe, picat, s’esmalís e l’acusa d’estar racista.
 
Mes la charradissa se’n va se passejar deu costat de la religion e Mila ditz que “l’islam es una mèrda” e que “a vòste Diu, le boti un dit dens lo cuu.”
 
Puèi, es victima d’insultas omofòbas e de menaças de mòrt (50.000!) que la van obligar de deishar son licèu. Fin deu resumit.
 
E doncas los defensors de la gojata acusan sovent uns mitans, coma lo de las feministas per exemple, de manca de coratge e de sosténguer pas Mila, pr’amor que defenen l’idèia qu’èra pas que blasfèmi e que cau conservar aquesta libertat.
 
Com sovent, lo debat veng descabestrat e lo monde son convidats d’aver una pausicion tota negra o tota blanca devath lo risc d’estar considerat sia com un fascista, sia com un pro-islamista. Me sembla totun important de díser:
 
Que las menaças de mòrt e las insultas son pas tolerablas.
 
Que cau totjorn sosténguer lo dialògue, l’escota e la benvolença.
 
Es per aquò que lo dret de blasfèmi pòt sonar coma una libertat de pensada, mes cau tornar brembar qu’existís un delicte d’aufensa au drapèth e a l’imne franceses que pòt estar castigat per un sejorn en preson.
 
Un element qu’es sovent ignorat, es que, se quauqu’un critica la religion de sa cultura pròpria, serà un debat atèu/cresent. Mes se quauqu’un critica la religion d’una auta cultura, aquò pòt estar considerat, quitament s’es pas l’intencion de la persona, coma una fòrma de racisme, on vielhas tensions istoricas e socialas van tornar pujar e se van vénguer mesclar. Aquò deu estar pres en consideracion e ne’s pòt pas negligir.
 
Coma dambe totis los debats sus “subjèctes qu’enmalícian”, es mauaisit de hèr ausir una votz que preng en consideracion totis los aspèctes e que’s bote pas dens un extrème o un aute.
 
Botaram doncas suu compte de la manca de discernement las paraulas regretosas de la gojata e condamnaram dambe fermetat las menaças e las insultas, quitament se, per daubuns, una tala pausicion se pòt pas ténguer.
 
 
 
 
 
abonar los amics de Jornalet
 
 

 



publicitat
BANNER1 - IEO 09 divendres espaci occitan



Comentaris

24 de junh 06.52h

N'i a qu'an pas enveja de comprener ! Ça diguèc Mila a l'encontra dels jutges al tribunal.
Aici tanben !


Valora aquest comentari:   votar positiu 0   votar negatiu 11
Respondre comentari replica Comentari inadequat   Formulari d'abús de comentari

22 de junh 22.05h

Mila-Dieu !


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

22 de junh 16.35h

Mila es 100 000 messatges d'insultas de menaças de mòrt.
Mila una dròlla que viu amagada e clusa coma una mònia.
Mila que viu jos la protection de la policia 24h/24
Mila qu'a pus cap de vida sociala.
Mila que non pòt anar a l'escola, sonque per correspondancia.
Mila qu'es prisonièra dins son quite país.


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

22 de junh 13.20h

#5 Lo dret au blasfèmi qu'existeish de faiçon implicita. La critica, quitament quan seré hòra mesura, d'ua religion, quina que sia, n'ei pas defenuda per la lei. Com ei lo cas per totas las ideologias.
Per contra l'insulta contra las personas qu'ei defenuda. Vaquí tota la nuança.

La Mila que reagí contre un individu qui l'intercalhè sus un mòde omofobe au nom de la soa religion. N'aurí pas forçadament avut la medisha actitud. Ne l'aurí pas conselhat d'at har. Mes que's cau brembar ... Legir la seguida


Valora aquest comentari:   votar positiu 10   votar negatiu 0
Respondre comentari replica Comentari inadequat   Formulari d'abús de comentari

22 de junh 12.45h

Enqüèra un bon article, globaument, Joan Marc Leclercq. Que volerí hornir que caleré soslinhar que los pair e mair de Mila ne hèn pas lo lor tribalh: que la deverén conselhar, explicà'u que vau mei que dèishe los hialats sociaus un temps meilèu que de passar los vint ans a viéner dab ua proteccion policièra, explicà'u tanben los dangèrs de la mediatizacion. Mes ne hèn pas lo lor tribalh. Que soi conscient que çò qui disi ei reaccionari ;-)

Per aquò, ne soi pas d'acòrd quan pa... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

22 de junh 12.43h

I a de drolletas mai colhudas que d'unes tenòrs de la politica de pacotilha.





Valora aquest comentari:   votar positiu 5   votar negatiu 14
Respondre comentari replica Comentari inadequat   Formulari d'abús de comentari

22 de junh 10.03h

Plan ben.
Mas, si quò era vrai la justiça, los ministres, los politics, los medias, los ensenhaires farian quauqu' ren.
Aqueus monde an dau mau a distingar lo bian dau mau. Tot se boiraja e a força nos trobam dins una pensada ente lo mau e lo bian vivam ensemble sens poder far la diferença. Mancam de discernament. E, lo pòple z'a compris en refusar d'anar votar; un cambiament de politica se fai jorn.


Valora aquest comentari:   votar positiu 2   votar negatiu 5
Respondre comentari replica Comentari inadequat   Formulari d'abús de comentari

22 de junh 10.03h

Plan ben.
Mas, si quò era vrai la justiça, los ministres, los politics, los medias, los ensenhaires farian quauqu' ren.
Aqueus monde an dau mau a distingar lo bian dau mau. Tot se boiraja e a força nos trobam dins una pensada ente lo mau e lo bian vivam ensemble sens poder far la diferença. Mancam de discernament. E, lo pòple z'a compris en refusar d'anar votar; un cambiament de politica se fai jorn.


Valora aquest comentari:   votar positiu 4   votar negatiu 9
Respondre comentari replica Comentari inadequat   Formulari d'abús de comentari

22 de junh 07.49h

ieu tanben li meti un det, e a totes los personatges de ficcion : Harry Potter, Jesus, pikachú


Valora aquest comentari:   votar positiu 3   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions