Opinion
L’engana deus vaccinats pas vaccinats!!
Vau pas parlar de la frasòta deu president que cèrca un boc emissari per amagar sa politica liberala de barradura de leits e de copada deu servici public. N’am parlat dejà pro.
Vau parlar d’una engana suu nombre de monde vaccinats en servici de reanimacion de l’espitau. A la debuta, i cresèvi jo tanben, mes un pichon calcul me hascoc descobrir la vertat.
Per començar, cau díser que la tension espitalèra en França es uèi (lo 09 de genièr) de 71,7%, qualificada de “moderada e establa” segon lo siti de seguissi de las estatisticas www.covidtracker.fr“
Empacha pas los sòcis deu govèrn d’acusar los non-vaccinats de “tuar lo servici de santat”, lavetz que los suenhaires manifèstan dempuèi bèra pausa contra la manca de braces e de mejans en generau, en tot saber que professionaus de la santat estón fòrabandit per estar pas vaccinats e que vaccinats positius son tornats per ajudar …
Mes ara nos cau nos concentrar, es complèxe …
I a tres setmana, la cellula verificacion de France Info analizava una frasa de Dupont-Aignan que digoc que los non-vaccinats son minoritaris en servici de reanimacion. Los jornalistas digón pas lo contrari, mes ajustèn que, se comparam las duas populacions dens l’ensems, aquò confirma que lo vaccin es eficaç contra las fòrmas grèvas, pr’amor que lo nombre de vaccinats reanimats, s’es superior a lo de non-vaccinats en reanimacion, es fòrça mendre, comparat au nombre totau de cada grop. Dinc aquiu, es clar e totis son d’acòrdi. En resumit: non-vaccinats minoritaris.
Puèi, i a pas guaire, una campanha de premsa se botèc a explicar que las chifras de la Direccion de la Recèrca, de l’evaluacion e de l’Estatistica, de la Societat Francesa d’Anestesia e de Reanimacion, o encara de l’AP-HP e de l’AP-HM èran mau interpretats.
Lo capministre Castèths e d’autes honts oficialas avancèn lavetz chifras dinc a 92% de non-vaccinats en reanimacion. Me pareishoc curiós de passar de 49% (au maximum) a 92% tan sobte. Me caloc espiar mès d’un siti e legir mès d’un article per comprénguer çò que’s debanava. Èi comprés.
Imaginatz qu’i a pas 2 categorias de vaccinats, mes 4. Am doncas:
— Los qu’an recebut las tres picaduras (se ditz un “esquèma vaccinau complet”)
— Los qu’an pas recebut la 3-au torna
— Los qu’an pas recebut encara qu’una dòsi
— Los qu’an ren recebut
E doncas segon los besonhs, las categorias du mitan, la 2 e la 3, passan gaujosament dens lo purmèr o lo darrèr grop.
Per comparar la populacion vaccinada dambe la non-vaccinada, i a pas que la darrèra categoria qu’es estampilhada “non-vaccinada”. Se parla ara de 5 milions. Am lavetz un rapòrt de mès de 90%.
Mes per comparar la quantitat dins cada estatut en servici de reanimacion, las duas categorias centralas passan per magia dens la saca deus “non-vaccinats”, pr’amor que, se legissètz plan, es totjorn escrit “… o dambe un esquèma vaccinau incomplet.”
Vaquí la solucion de nòste problèma. la chifras mentisson pas, es vertat, mes los que las manipulan, a còps, se pedaçan plan per hèr créser causas que son pas.
Vau parlar d’una engana suu nombre de monde vaccinats en servici de reanimacion de l’espitau. A la debuta, i cresèvi jo tanben, mes un pichon calcul me hascoc descobrir la vertat.
Per començar, cau díser que la tension espitalèra en França es uèi (lo 09 de genièr) de 71,7%, qualificada de “moderada e establa” segon lo siti de seguissi de las estatisticas www.covidtracker.fr“
Empacha pas los sòcis deu govèrn d’acusar los non-vaccinats de “tuar lo servici de santat”, lavetz que los suenhaires manifèstan dempuèi bèra pausa contra la manca de braces e de mejans en generau, en tot saber que professionaus de la santat estón fòrabandit per estar pas vaccinats e que vaccinats positius son tornats per ajudar …
Mes ara nos cau nos concentrar, es complèxe …
I a tres setmana, la cellula verificacion de France Info analizava una frasa de Dupont-Aignan que digoc que los non-vaccinats son minoritaris en servici de reanimacion. Los jornalistas digón pas lo contrari, mes ajustèn que, se comparam las duas populacions dens l’ensems, aquò confirma que lo vaccin es eficaç contra las fòrmas grèvas, pr’amor que lo nombre de vaccinats reanimats, s’es superior a lo de non-vaccinats en reanimacion, es fòrça mendre, comparat au nombre totau de cada grop. Dinc aquiu, es clar e totis son d’acòrdi. En resumit: non-vaccinats minoritaris.
Puèi, i a pas guaire, una campanha de premsa se botèc a explicar que las chifras de la Direccion de la Recèrca, de l’evaluacion e de l’Estatistica, de la Societat Francesa d’Anestesia e de Reanimacion, o encara de l’AP-HP e de l’AP-HM èran mau interpretats.
Lo capministre Castèths e d’autes honts oficialas avancèn lavetz chifras dinc a 92% de non-vaccinats en reanimacion. Me pareishoc curiós de passar de 49% (au maximum) a 92% tan sobte. Me caloc espiar mès d’un siti e legir mès d’un article per comprénguer çò que’s debanava. Èi comprés.
Imaginatz qu’i a pas 2 categorias de vaccinats, mes 4. Am doncas:
— Los qu’an recebut las tres picaduras (se ditz un “esquèma vaccinau complet”)
— Los qu’an pas recebut la 3-au torna
— Los qu’an pas recebut encara qu’una dòsi
— Los qu’an ren recebut
E doncas segon los besonhs, las categorias du mitan, la 2 e la 3, passan gaujosament dens lo purmèr o lo darrèr grop.
Per comparar la populacion vaccinada dambe la non-vaccinada, i a pas que la darrèra categoria qu’es estampilhada “non-vaccinada”. Se parla ara de 5 milions. Am lavetz un rapòrt de mès de 90%.
Mes per comparar la quantitat dins cada estatut en servici de reanimacion, las duas categorias centralas passan per magia dens la saca deus “non-vaccinats”, pr’amor que, se legissètz plan, es totjorn escrit “… o dambe un esquèma vaccinau incomplet.”
Vaquí la solucion de nòste problèma. la chifras mentisson pas, es vertat, mes los que las manipulan, a còps, se pedaçan plan per hèr créser causas que son pas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Jo qu'èi ua question :
Tolstoï o Dostoïevski?
Tè o cafè?
Castèu o Casanova?
#10
1 / S'agis just d'una "teoria" qu'es au centre de sa batèsta politica. Es pas un avejaire coma un autre, es politicament orientat. Aquò dich, èra just un rampèu coma aquò, Philippot mi sembla un polit exemple de boussòla reversada. Se defende quauquaren, vau mièlhs dins lo dobte pensar lo contrari :)
2/ Ai pas un cresença bèla ò particulara dins lei mèdias, emai s'es segur que lei bordilhiers coma FranceSoir, Wikistrike etc li fau particularament pas fisança. Ai una cresença pasmens dins la paraula d'aquelei que son en promiera linha fàcia au COVID dins lei servicis espitaliers, particularament m'onte demòri, dins lei quartiers nord de Marselha
3/OK
4/Mi sembla au còntra qu'ausissem de vòtz que dison tot e son contrari tanparier dins çò que sonatz lei "medias màgers" Raoult, Blachier, Peronne li passan totei. Emai l'a una cadena casi exclusivament consagrada e debanar sa teoria : Cnews (m'anatz pas dire que lo grope Canal+ es pas un grope mediatic d'importància hè ?)
Òc ne'n sauprem mai dins quauqueis annadas. Per ara, franc d'aguer de dobtes sus absoludament tot, siam ben obligats de constatar que la chifra de suenhaires suspenduts es pas gaire significativa (amai aquesta chifra concernis totei lei personaus de santat, pas forçadament aquelei que son competents per intervenir dins una sala de reanimacion).
5/Cò que disi es pas solament "possible" : es factuau. L'a tot plen de personau suenhaire que s'opausa au còp a la politica espitaliera generala d'aqueu govèrn (e de sei davanciers) tot en fent la promocion de la vaccinacion.
6/Parli justament dei chifras de l'agéncia europenca dau medicament. Son interpretacion es estada torçuda per de militants antivax. Es just una comptabilizacion de la mortalitat post vacinacion, pas a causa de la vaccinacion. Es diferent. Vos imaginatz ben que lei gens si van pas arrestar de morir après d'aguer lo vaccin, subretot quand una bòna part dei primo vaccinats avia mai de 75 ans
7/ aqui es bessai lo melhor. Madagascar es un pais que la pèsta l'es endemica e que la segonda causa de mortalitat es la diarrèia. Prene per exemple un pais que lei servicis sanitàris son en estat de sota desvolopament cronic e que son esperança de vida l'es de mens de 65 ans per si planher de la politica sanitària dins nòstrei pais occidentau cafits de richessas deu pas èstre autra causa qu'una galejada.
8/ Òc fau agachar un pauc de pertot. S'atròva que França es pas particularament repressiva en realitat sus lo subjèct. Lei politicas en Asia son ben pus constrenhentas (fau anar veire lei testimònis sus lei mesas en quarentena dins mant unei pais ailà). Question de mentalitat e de percepcion dei causas. Siam talament èbri de libertat que la mendra constrencha, emai siegue provisòria e per de rasons de santat publica nos semble insuportabla.
E òc, es totjorn agraadiu d'escambiar amb respect e cortesia, segur !
#13 Estatisticament, lo rapòrt entre non-vaccinats e vaccinats es de 1/9. Doncas, totjorn estatisticament, vista la quantitat de contaminacions actualas, son les vaccinats que cargan lo virus mès en nombre que los non-vaccinats.
Se lo suenhaire es testat negatiu, poderé anar ?
#11
Permetetz que non desiréi pas èsser empegat de per un suenhant non-vaccinat, se soi espitalizat fòra COVID, mais me n' chauti que se mecslen de monde contaminats, suenhants e pacients.
M'en chauti de la velocitat sus de circuits, mai que la velocitat siásca limitatada sus las vias publica.
A, la politica liberala de barradura de leits e de copada del servici public ! Vertat es que los sòcis del govèrn acusan los non-vaccinats de “tuar lo servici de santat”, alara que los sonhaires manifèstan dempuèi bèl brieu contra la manca de braces e de mejans en general, mas dins los faits, es encara mai absurd. D'un costat, suprimisson de lèits e de personals de santat, mas dins lo meteis temps, t'inventan un cocèpte bufèc, parasitic e van, una colhonada manageriala neoliberala que se ditz "quadre de santat", un mariòl aquí pagat (fòrça mai car que las infirmièras) per far contre sempre mai aviat los sonhaires que son de mens en mens nombroses : e aqueste personal d'enquadrament còsta fòrça car, en realitat. Tant e mai que, non solament mancan de mejans a l'espital public, mas en mai d'aquò, los mejans son fòrça mal emplegats. Un vertadièr teatre de l'absurd.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari