Dimars, 26.4.2022 03h00
Putaranha, 5 ans ….!
Aquò, l’èi dit dejà abans lo dusau torn, qui qu’estore l’elegi-t-da. Èra evident que quauqu’un que los electors aiman pas estore elegit au cap de l’Estat francés. Medisha causa que i a 5 ans.
Vau pas comentar que las chifras, pr’amor que, com ac sabètz, las chifras, eras, mentissen pas. Enfin, son lo monde que las saben hèn mentir, sovent.
L’engana d’aqueste dusau torn es de presentar un chifra de 58% peu vencedor. Aquò sembla una victòria de la Democracia, mes en hèit es una bèra engana de mès.
Se hasèm lo calcul, lo candidat Macron a pas brica recebut 27,85% deus vòtes com aquò pareish dens las resultas oficialas. Soscam duas minutas.
Oficialament, i auré 5% de monde que serén pas inscrits sus las listas electoralas. Es un drin estranh, qu’i a 5 ans èran 12%. Per malastre, podèm pas que prénguer aquesta chifra que sembla pas tròp vertadièra.
I a 48.747.876 inscrits sus las listas electoralas.
Macron a recebut 9.783.058 votacions. Un calcul lèu hèit balha uns 20,06% deus inscrits.
Mes se tenguèm compte deus non-inscrits, aquestes 20,06% vaden ara 19,02%.
Doncas, mens d’un adulte en edat de votar de cinc s’es desplaçat per botar dins l’urna un butletin dambe lo nom de Macron. Atz seguit? Lo president es sostengut per mens d’una persona de 5. Son programa agrada a mens d’una persona de 5.
Es per aquò que, au ser deu dusau torn, t’afichan una chifra de 58% pr’amor de totis los qu’an votat per eth per “hèr empach a la dreta extrèma”, aquò marca plan, solide, mes es una engana que hè créser que la Democracia marcha plan.
La Democracia, es quan lo pòble hè las leis, pas quan un elegit d’una persona de 5 a totis los poders.
Comentaris
27 d'abril 22.42h
Las chifras vertadièras... Totas aqueslas chifras son interessantas. Mas un còp aquò dich, soi pas d'acòrdi per prendre en compte los que se son pas marcat sus las listas electoralas. Aqueles an lo drech tanben de marcar que se foton completament de la politica (al mens tala coma lor prepausam de participar). Es lo cas tanben d'una part dels abstencionistas. Cal respectar lo monde que n'an pas res a batre e pas interpretar lor silenci.
Sul demai, lo tipe de sufragi es evidentament enganaire... Legir la seguida
Valora aquest comentari:
1
0
26 d'abril 18.55h
#3 La vaccination obligatoria es l'avenir uros de los rasetaires que seran nominat "Vaxinator".
Valora aquest comentari:
1
0
26 d'abril 16.55h
Coma de costuma d’aquesta passa s’entemena la dansa del seduziment per las legislativas e cadun d’i anar de sa frasòta melicósa, o dardanta. Cadun pausa sos paissèls long del corril que nos menarà al paradis.
Avèm ja ‘tendut :
Siás ma vida
Tos uèlhs me fan tornar viure los jorns d’un còp èra
M’an ensenhat a regantar lo passat e sas nhafraduras
Çò que visquèri enant que to uèlhs me veson
Es una vida perduda, cossi la me pòdon comptar
Siás ma vida que lo matin n’a ... Legir la seguida
Valora aquest comentari:
2
0
26 d'abril 11.09h
Acarat a una societat fracturada coma jamai vist, lo chinchon de l’Alís aurà d’aduire emprezas economicas màgeras mentre aquela dosena rasclada. Dins un emmòtle d’alssada de l’inflacion e de la guèrra en Ucraina que nos vira braste las cadenas mondialas d’acalonjament, subretot per çò qu’es de la transicion ecologica, li caldrà aparar lo poder de crompa dels francés se parar d’un represa del caumatge e de reduzir las despensas publicas e de contunhar de tornar industrial... Legir la seguida
Valora aquest comentari:
2
0
26 d'abril 10.38h
#3
Per l’ora dos noms son a ponger a l’asuèlh :
Julien De Normandie (ex ministre de l’agricultura), e Elisabeth Borne (ex ministra del trabalh)
Valora aquest comentari:
0
0
26 d'abril 08.05h
Ieu, n'ai aprengut una brava sur Internet. Macron auria deja negociat emben Melenchon per chausir Melenchon coma prumier ministre. Compta qu'aja la majoritat a las eleccions legislativas e Macron impauset dins l'accòrd lo ministre de la santat que seria un fana de la vaccinacion obligatoria. Lo variant es deja prete, lo vaccin tanben; i a pus qu'a menar una propaganda comerciala apres las eleccions legisltivas. D'autras mesuras autoritarias porrian segre coma suprimar la democracia. A de qu... Legir la seguida
Valora aquest comentari:
1
14
26 d'abril 06.42h
Agara tè :
https://actu.fr/politique/election-presidentielle/emmanuel-macron-est-il-vraiment-le-president-le-plus-mal-elu-de-la-ve-republique_50490134.html
Valora aquest comentari:
1
0
26 d'abril 06.38h
La Democracia, es quand lo pòble fa las leise que cap de grop de pression financiarista internacioonal non lo pòt pas mai empachar d'o far, non pas quand un elegit d’una persona de 5 a totes los poders.
Valora aquest comentari:
7
0
1
Comenta
Lo comentari es estat mandat corrèctament
8 comentaris
(7 vòtes)
En cargament
8 comentaris
Mandar
