CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Dimenge, 17 de novembre

Joan-Marc Leclercq

Dimars, 15.5.2012 03h00

Pèire Albaladejo


Comentaris 2 comentaris    
Dolent Fluix Bo Molt bo Fabulós (5 vòtes)
carregant En cargament


André Boniface a esquèrra e Pèire Albaladejo a drèita
© Le XV du Sud Ouest




Etiquetas
albaladejo, Las moscas qu’an cambiat d’aso, Las moscas qu’an cambiat d’asoalbaladejo

A la crotzada de las passions deu rugbi e de la lenga occitana, trobaratz solide a quauqu’un qu’ei de compte har, lo qui a balhat a l’espòrt-rei las soas vertuts artisticas mei bèras : lo Pèire Albaladejo. Artista, segur que n’ei: aqueth jogaire alurat estoc enchafrat "Mossur Dròp" pr’amor deu son recòrd de tombats en encontre internacionau bèra pausa inegalat (3 contra l’Irlanda en 1960) o quan auheriscoc a la soa equipa lo "Du Manoir" contra Pau: 4 escadudas. Dab lo son club de Dacs qu’ei estat quate còps finalista deu campionat, e los vielhs se bromban enqüèra l’encontre dantesc devath lo deluvi deu sègle contra un aute mostre sacrat deu nòste panteon ovau: l’André Boniface de l’Estadi Montés.
 
Dab l’equipa deus Galhs, endarrèr puish miei de dobertura, que ganhèc tres còps lo Tornei e que vençoc los Springboks hens lor casau en 1964. Arren qu’aquò!
 
En 1971, qu’arriba a Euròpa 1 coma consultant e comença de collaborar dab un jornalista qui vaderà lo son complici pendent dotze ans: lo Rogèr Codèrc, hòrabandit en 1968 deu finestron pr’amor de la soa participacion aus eveniments de susmauta. Èra l’epòca on lo monde espiava l’encontre a la television negra e blanca en tot baishar lo son entad escotar au pòste los comentaris estrambordats deu Rogèr e los precisions tecnicas deu Pèire. En 1975, lo duo ei aperat suu navèth canau deu servici public: Antenne 2. Estoc aquiu que lo nòste gascon lancèc los sons florons mei bèths en version originau qui apolidèren las retransmissions. De "Aquí que l’as lo tipe" dinc a "N’a pas paur a la mòsca" en passar per "Honhar que cau", los auditors aprenguèn expressions de las bèras vengudas deu hons deu terrador lanusquet, ed aquò shens que quauque repotegaire ne denoncie lo dangèr encorrut per la Republica.
 
En 1983, lo Rogèr Codèrc ugla un darrèr "Allez les Petits!" contra los gualés e se’n va a la retirada, dab lo camisot ensagnosit balhat peu Jean-Pierre Rives après la tresau miei-temps. Serà remplaçat (s’òm pòt díser) peu Pierre Salviac. Lo nòste elegant consultant que comenta lo darrèr Tornei de las Cinq Nacions en 1999, coma per marcar la fin d’ua epòca, puish que partís a la retirada. Serà solide dab drin mei de temps que poderà lavetz escríver un líber qui s’apèra Las moscas qu'an cambiat d’aso aus edicions JC Lattès, e qui recampa un flòc chucós de las soas mei bonas frasas (en grafia classica, vos prègui!) qui marquèn lo son periòde de jornalista. Uns tròç causits:
 
Las moscas qu’an cambiat d’aso (lo títou deu líber) entà díser que l’equipa qui miava au planchòt o qui avèva lo montant suus adversaris comença de dobtar e los autes de tornar nhacar. "Lo menhic qu’ei hens lo minhòc" quan sentissètz que la contracarra deus autes que’vs demia tot dret tad ua des·hèita mei que probabla. E entad acabar, lo berogin "La cabana qu’ei caduda suu can", qui vòu díser tot espèr qu’ei d’ara enlà estremat.
 
Mercés, Mossur Dròp!

 



publicitat
BANER1-2-3: DGPL DICTADES



Comentaris

16 de mai 10.18h

E lo Danièl Herrero qu'escrivoc tanben un "Dictionnaire amoureux de rugby" plan saborós.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

15 de mai 20.29h

Una idèa per contunhar : lo Daniel Herrero. Joguèt al RCT, entraïnèt, ganhèt (;-). El tanben escriguèt un libre dels bons ("Passion ovale") e s'illustrèt a la ràdio amb d'unes comentaris a l'encòp florits, risolièrs, plan sentits e mesclats d'occitan. Una vertadièra pèl de rire, assegurada, a cada còp ! Per ieu es èl qu'escotavi sus Sud Radio en tot amuishar, ops !, en tot demesir lo son de la telè onte Bala e Salviac oficiavan. E suportaire de l'USD que soi, totun !


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions