CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Dimècres, 13 de novembre

Domergue Sumien · Questions de lenga occitana

Diluns, 2.10.2017 03h00

Nòstre espaci de consciéncia


Comentaris 18 comentaris    
Dolent Fluix Bo Molt bo Fabulós (16 vòtes)
carregant En cargament


Lo chòc après l'atemptat dau 1r d'octòbre a Marselha
© La Provence




Etiquetas
1-0, consciéncia, epsaci occitanocatalan, eurocongrès, mobilizacion, referendum, sumien, terrorisme

Dau 1r d’octòbre de 2017, conven de retenir dos eveniments fondamentaus de nòstre ponch de vista occitan.
 

— D’un caire, la formidabla mobilizacion civica deis occitans de la Vau d’Aran e dei catalans de la Catalonha Centrala qu’an celebrat lo referendum d’autodeterminacion, maugrat la repression brutala de l’estat espanhòu. Un 90% per l’“òc” e una participacion importanta deurián assolidar la declaracion d’independéncia dins lei jorns venents.
 
— D’autre caire, l’atemptat terrorista qu’a frapat Marselha, ont un jihadista a assassinat doas femnas abans de se far abatre per de soudats. Aquela tragèdia marca la banalizacion de la terror que s’installa solidament dins nòstre país, après lei dramas de Niça e de Tolosa.
 
Ara, es una escasença tanben per s’avisar de l’immensa fragilitat qu’afècta la populacion occitana.
 
Normalament, l’emancipacion en cors de la Catalonha Centrala auriá degut entraïnar de movements fòrts de mobilizacion, de solidaritat e de conscientizacion a travèrs tota Occitània, coma ja n’entraïna au País Valencian e ais Illas Balearas. Dempuei un sègle e mieg, cada movement catalan recebiá una importanta solidaritat occitana coma o a ben ramentat Nicolau Rei-Bèthvéder (Jornalet, 21.9.2017).
 
Ramenti que vèrs 2001, i aguèt un grand Eurocongrès deis Espacis Occitan e Catalan que s’organizèt sota l’impuls de Robèrt Lafont e Joan Triadú. Deviá restaurar, reïnventar e assolidar un espaci de relacion occitanocatalan, tau coma a totjorn existit dins nòstra istòria. Aqueu projècte deviá refortir, tanben, la dinamica de l’occitanisme dau Temps Tres.
 
Remembrança — Segon Robèrt Lafont, l’occitanisme a conegut tres fasas d’acceleracion: lo Temps Un a la fin dau sègle XIX amb lo Felibritge, puei lo Temps Dos dins leis ans 1960-75 amb l’“occitanisme” classic, puei lo Temps Tres dins leis ans 1990-2000 amb l’occitanisme renovat.
 
Aguessiam reüssit l’Eurocongrès, ara en 2017, fòrça occitans (e pas solament leis occitanistas) deurián èsser conscients deis eveniments de Catalonha e Aran e deurián conéisser una mobilizacion civica per sostenir l’autodeterminacion. Aguessiam reüssit l’Eurocongrès, ara dins leis ans 2010, deuriam veire tanben de mobilizacions civicas de solidaritat après leis atacas terroristas de Tolosa, Niça, Barcelona e Marselha.
 
Malaürosament, lo Temps Tres s’es arrestat amb leis ans 2010. S’es arrestat a causa de la mediocritat de certanei lidèrs occitanistas que nos an embarrats dins d’objectius derisòris, dins de visions de tèrme cort e dins lo localisme regionau.
 
Uei en 2017, per astre, vesèm d’occitanistas eroïcs que sauvan l’onor de tot lo movement occitan en anant manifestar sa solidaritat en Aran o a Barcelona pendent lo 1r d’octòbre de 2017 o ben en organizant una manifestacion de sosten a Niça, davant lo viceconsolat d’Espanha.
 
Ara meteis, dins l’acceleracion de l’istòria de setembre de 2017, seriá formidable que l’occitanisme saupèsse organizar mai de manifestacions de sosten a Catalonha e Aran. Lei bretons ne faràn una aqueste dimars 3 d’octòbre, a Gwened [Vannes], a 18h, davant la prefectura. Espèri que leis occitans serem capables de far de causas similaras.
 
Seriá normau, pus generalament, que l’occitanisme saupèsse mobilizar lei ciutadans dins totei leis eveniments importants dau país. Per exemple, per vertebrar una consciéncia civica fàcia a la banalizacion dau terrorisme. O ben per acompanhar lei luchas de defensa dau país coma aquela deis obriers de GM&S a la Sotarrana.
 
Es necite de menar d’accions de terren, e mai se son ultraminoritàrias, e mai se lei vents son desfavorables, perque mantenon la beluga d’un occitanisme reactiu e perque preparan una futura sortida de crisi.
 
En parallèl, es indispensable de reïnventar l’occitanisme sus lo plan intellectuau per se sortir de la crisi actuala, per ofrir de claus d’analisi e de mobilizacion, per preparar un Temps Quatre e per ragantar lo temps perdut.
 
 
 
 
 
 
 
 
 
 
 
 



publicitat
BANER1-2-3: DGPL TRADUCTOR



Comentaris

10 d'octòbre 19.17h

L'article pausa lo problèma dels conflictes d'espaci dins l'opinion, e del raport entre geopolitica e geolinguistica. Contra tota racionalitat, sembla mai natural que territòri fasquèssa lenga, e non pas que lenga fasquèssa territòri.



Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

9 d'octòbre 10.58h

Eth "espaci de consciencia"que s'ei estretit sustot se òm pensa ath formidable movement AN-arquiste de 1936 en Barcelona! Era Istoèra no torna cap passar eths plats, atau qu'ei, ça pensa un vielh Stoïcian ! Ara, vertat que i a uei ua renaishença tremolenta d'ua pensada que's poderia diser "orizontalista" se voletz, de contestation deth "Imperium" en plaça pertot, que s'ei paralat d"'indignés", de "podemos", de "nuit debout", que se'n vésen a ganhar ua reconeishença credibla. Parèlh aq... Legir la seguida


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

9 d'octòbre 10.36h

Arrestem de parlar d'un "referendum" dont sabem plan que non ei pas un, en condicions anormalas. Arrestem de somiar : qu'ei aci, modèstament, qu'avem a fèr entener, escriver, ensajar de sauvar, era lenga, e un biais de viver.


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

8 d'octòbre 21.34h

Pus seriosament, l'espaci de consciéncia en França es exagonalizat.
L'informacion suls mèdia franceses, mai que mai la television es parciala e ostila a l'independentisme.
Es de mal explicar la situacion reala a l'entorn...


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

7 d'octòbre 14.12h

#6 nuclèus de parlants
Ai autrejat mon pretz a l'ICAN que milita contra las armas nuclearas; cal far petar pas que la podre, que jo l'ai inventada.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

7 d'octòbre 12.29h

#6 nuclèus de parlants actius
E se se daissa tombar lo clavièr per un parelh de bòchas, per anar a la rescontra dels jogaires jos las platanas, e desrevelhar lo parlar natural a la petanca.
Vaquí una accion de terrenh decap de nuclèus naturals...


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

6 d'octòbre 12.38h

#6 Mossur Sumien, siái erós d'apréner que sètz tanben sus lo terrenh ! Francament.
Mès justament, fasètz nos profichar d'un retorn de vòstra esperiença dau terrenh (apariada emb de prepausicions) e convencissètz vòstres collègas de seguir aquel camin. Es aquò tanben que fai crudelament besonh dedinc e per la societat d'Occitania.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 d'octòbre 18.41h

#10 D'a fons d'acòrdi. Pensi al Temps IV.
Segond Macron, los resistents de GM&S fóton lo bordel.
Cal repréner aquò coma eslogan de tota resisténcia en Occitània, de començar a GM&S:
Volem pas viure dins lo bordel !

Lo Macron met lo bordel de pertot...


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 d'octòbre 17.14h

#9 Ai pres lei dos grands eveniments dau 1r d'octòbre coma exemples. L'occitanisme politic e culturau, s'èra pus madur, se deuriá ocupar de tot çò que pertòca lei populacions occitanas: tanben deis ordenanças de Macron sus lo trabalh, tanben de l'extincion de massa deis animaus, tanben dau cambiament climatic, tanben de la desindustrializacion, tanben de l'impacte de la robotizacion sus l'emplec, etc.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 d'octòbre 13.59h

Los dos problèmas evocats despassan l'espaci de consciéncia occitanista e pertòcan tot lo monde.
Amb aquò, l'occitanisme sembla pas preocupat per las ordenàncias anti-trabalh del Macron, e autras refòrmas reaccionàrias, coma s'i augèsse pas digun salariat en Occitània.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Categorias

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions