Los vèrbs <em>logar (lojar), lotjar</em> e lors sinonims

Domergue Sumien · Questions de lenga occitana

< precedent | seguent >

Diluns, 21.3.2022 10h00

Los vèrbs logar (lojar), lotjar e lors sinonims

Pas cap de comentari

(20 vòtes)

En cargament

Rent a Car Medellín

URL corta

Se sap que la sequéncia ga de l’occitan del sud (gascon, provençal, niçard, lengadocian) passa sovent a ja en nòrd-occitan (vivaroalpenc, auvernhat e lemosin). E en parallèl, la sequéncia ca del sud passa sovent a cha dins lo nòrd.

sud: plegar <—> nòrd: plejar (“to fold”)

sud: cantar <—> nòrd: chantar (“to sing”)

Lo vèrb logar al sud pren la forma lojar al nòrd (“to rent”). Aqueste modèl de vèrb coneis l’alternància vocalica o/ò dins totes los dialèctes. E tanben coneis doas menas d’alternància consonantica: g/gu al sud e j/g al nòrd.

Per exemple, vejam sa conjugason completa al present.

Lengadocian (un dialècte del sud)
lògui
lògas
lòga
logam
logatz
lògan

Provençal / provençau (un dialècte del sud)
lògui / lògue
lògas (mens classicament: lògues)
lòga
logam
logatz
lògan

Niçard (un dialècte del sud)
lògui
lògas (mens classicament: lògues)
lòga
logam
logatz
lògan

Gascon (un dialècte del sud)
lògui
lògas
lòga
logam
logatz
lògan

Vivaroalpenc (un dialècte del nòrd)
lòjo
lòjas
lòja
lojam
lojatz
lòjan

Auvernhat (un dialècte del nòrd)
lòge
lòjas
lòja
lojam
lojatz
lòjan

Lemosin (un dialècte del nòrd)
lòge
lòjas
lòja
lojam
lojatz
lòjan

Òm conjuga ansin l’ensemble dels vèrbs que derivan de logar (lojar) en apondent de prefixes.

logar (viv. auv. lem. lojar) (“to rent”)

alogar (viv. auv. lem. alojar) (“to allocate”)

deslogar (viv. auv. lem. deslojar) (“to throw, to oust”)

relogar (viv. auv. lem. relojar) (“to rehouse”)

soslogar (viv. auv. lem. soslojar) (“to sublet”)

Lo vèrb logar (viv. auv. lem. lojar) (“to rent”) risca de se confondre foneticament, dins los dialèctes del nòrd, amb lo vèrb lotjar (“to live, to inhabit; to put up, to accomodate, to lodge”). Es pas un grand risc per la comunicacion en general, que lo contèxt ajuda sovent a se comprene sens dificultat. Ça que la, dins qualques cases, òm pòt estimar necessari de trobar de solucions alternativas.

Ara: lo darrièr vèrb, lotjar (“to live, to inhabit; to put up, to accomodate, to lodge”), a una forma pro identica dins totes los dialèctes e coneis, el, las alternàncias o/ò e tg/tj de faiçon identica dins totes los dialèctes.

Per evitar las confusions eventualas, e per garentir de distincions maximalas que foncionen dins l’ensemble dels dialèctes, s’òm vòl, òm pòt utilizar los sinonims seguents.

1) Solucions possiblas per remplaçar logar (lojar) e sos derivats.

logar (viv. auv. lem. lojar) (“to rent”) pòt passar al sinonim arrendar.

alogar (viv. auv. lem. alojar) (“to allocate”) pòt passar als sinonims autrejar o atribuir.

deslogar (viv. auv. lem. deslojar) (“to throw, to oust”) pòt passar al sinonim desarrendar.

relogar (viv. auv. lem. relojar) (“to rehouse”) pòt passar al sinonim rearrendar.

soslogar (viv. auv. lem. soslojar) (“to sublet”) pòt passar al sinonim sosarrendar.

2) Solucions possiblas per remplaçar lotjar.

lotjar (“to live, to inhabit; to put up, to accomodate, to lodge”) pòt passar als sinonims alotjar o ostalar.