CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Divendres, 18 d'octòbre

Lissandre Varenne

Dimècres, 11.2.2015 03h00

Viure dreit: l’occitan e l’escòla


Comentaris 13 comentaris    
Dolent Fluix Bo Molt bo Fabulós (11 vòtes)
carregant En cargament


Dins l’escòla onte sei titulari, l’escòla de Laurac (en Vivarés), sei solet d’avedre la competéncia d’ensenhar l’occitan, o en occitan.
 
En Ardecha (Vivarés), deu èsser lo cas dins la màger part de las escòlas: mens d’un ensenhaire per escòla en mesura d’aprene nòstra lenga als pichòts. Serà lo cas dins fòrça departaments occitans amai d’unes seguèssion mai ajudats que d’autres.
 
Coma far quand un professor part a la retirada, es en malautiá, chàmbia d’escòla...? L’ensenhament se planta, quand ben de parents sovetan qu’aquest ensenhament se persèguia.
 
Gaire d’ensenhaires an lo respèct e la volontat de se formar, quand pasmens la Lei d’orientacion de 2013 ditz entre autres: “Art. L. 312-10.- Les langues et cultures régionales appartenant au patrimoine de la France, leur enseignement est favorisé prioritairement dans les régions où elles sont en usage”.
 
Que fai alora l’Educacion Nacionala, que fan las Inspeccions Academicas, quantos mejans baila nòstra ierarquia? Mès sobretot, coma nosautres ciutadans o podèm acceptar, e contunhar tèsta nauta davant tau mesprètz per nòstra cultura e nòstra lenga millenàrias?
 
Aqueste dever, l’an los occitans qu’o eissublion pas, mès tanben los acampadisses qu’arriban en Occitània, es tròp aisat de dire “sei pas d’aicí” e de clavar l’afar, s’installar en un caire es prene un país emb tot aquò que lo definis, sa cultura, sa lenga, son istòria, e non pas solament sos païsatges.
 
Dengun se pausariá la question en anent viure en Islàndia ò en Grècia, perqué se la pausar alh nòstre? Sèm umans, sèm respectables...alora?
 
Contunhar ansin es nos menar a la mòrt, solets los fòls, racistas e autras personas sens un peçuc de consciéncia e de dignitat o acceptaràn, los autres, occitans coma acampadisses faràn çò que chau per viure dreit.



publicitat
BANER1-2-3: DGPL TRADUCTOR



Comentaris

22 de julh 12.03h

Es pas ges xenofòbe de dire quicòm perçò que o avèm constatat. Aquò d'aquí es una realitat, lo fach que s'acàmpon de mai en mai de franchimands, de germanics, riches o paures, per se menar la vida au sorelh. Que la vida i es mens penabla.

Tanben, dinc tot aquel monde n'i a que se cèrcon una nòva "patria" per donar una autra vida a sos enfants, mai se n'entrincar una segonda, pus naturala o autentica.
Mès, aquel monde faràn emb de la realitat que trovaràn sus plaça. Se tròvon u... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

22 de julh 12.01h

Es pas ges xenofòbe de dire quicòm perçò que o avèm constatat. Aquò d'aquí es una realitat, lo fach que s'acàmpon de mai en mai de franchimands, de germanics, riches o paures, per se menar la vida au sorelh. Que la vida i es mens penabla.

Tanben, dinc tot aquel monde n'i a que se cèrcon una nòva "patria" per donar una autra vida a sos enfants, mai se n'entrincar una segonda, pus naturala o autentica.
Mès, aquel monde faràn emb de la realitat que trovaràn sus plaça. Se tròvon u... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

13 de febrièr 10.13h

#7 #9

N'i a d'un costat lo biais de iò dire que pòt semblar xenofòb. Lo fach de parlar de "colonizacion demografica", de substitucion de populacion, nos rapela los discors d'extrema-drecha.

Puei n'i a lo fond. Qu'es verai que n'i a gut dins quauquas regions occitanas, una implantacion importanta, dempuei las annadas 60 de populacion nòrd-africana (pè negre e magrebins), africana, de francés dau nòrd, mai d'europeus dau nòrd (anglés, olandés). Qu'es verai qu'an pus la necessitat soci... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

11 de febrièr 16.06h

Aquests estaquirots de la foto on diu si l'occità és una llengua europea ? no deuen llegir gaire.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

11 de febrièr 12.52h

#7
M'acusatz de xenofobia se compreni plan? Pertant la realitat es que los franceses que se venon installar en Occitània an pas besonh d'adoptar cap de volontat d'integracion e que la lei e la politica francesa los assegura d'aquò. Aquò empacha pas quaques raras iniciativas individualas de dubertura cap a Occitània que son de lausenjar.

A mon vejaire çò perilhós per Occitània es l'angelisme d'una bona part dels occitans. Es completament contraproductiu de se barrar los uèlhs.


Valora aquest comentari:   votar positiu 11   votar negatiu 4
Respondre comentari replica Comentari inadequat   Formulari d'abús de comentari

11 de febrièr 12.27h

#7 D'alhors, lo nom dau menaire de la manifestacion còntra lei classas bilingüas en occitan es "Christophe Fabriès", un nom ben de bòn occitan...


Valora aquest comentari:   votar positiu 5   votar negatiu 1
Respondre comentari replica Comentari inadequat   Formulari d'abús de comentari

11 de febrièr 12.11h

#1 "...colonizacion demografica francesa que pauc a pauc fa desaparéisser Occitània" Es contraproductiu d'escriure de causas aitalas. Flaira la xenofobia amai se n'es pas.


Francimands, siatz plan venguts, sabèm que sètz de brave monde sovent conscients, mai que nosautres, de la valor de nòstra cultura e volontaris per la defendre e nos ajudar a combatre lo jacobinisme de l'Estat francés e de son govèrn. Nautres solets, e... Legir la seguida


Valora aquest comentari:   votar positiu 10   votar negatiu 8
Respondre comentari replica Comentari inadequat   Formulari d'abús de comentari

11 de febrièr 11.57h

#5 M'explicarètz çò que cambiarà la manif de Montpelhier an'aquela mena de mobilizacion (vergonhosa, d'efiech).

Aquò dich, espèri una mobilizacion contrària per çò que lei arguments d'aquestei personas me fan venir lo racavòmi. Quna pietat ! :/ :/


Valora aquest comentari:   votar positiu 5   votar negatiu 3
Respondre comentari replica Comentari inadequat   Formulari d'abús de comentari

11 de febrièr 11.46h

E aquò, es pas vergonhós ?
http://www.ladepeche.fr/article/2015/02/11/2047370-manif-contre-la-classe-bilingue-occitan.html

Cal quitar de se garrolhar e o far tot per èsser numeroses a la manifestacion de Montpelhièr. N'i a pro de las atacas contra l'occitan.


Valora aquest comentari:   votar positiu 6   votar negatiu 2
Respondre comentari replica Comentari inadequat   Formulari d'abús de comentari

11 de febrièr 09.39h

#2
Cara Caludeta disètz plan justament que çò que volem es SAUVAR NÒSTRA LENGA E NÒSTRA CULTURA d'en primièr !

La solucion es de bastir un estat occitan coma o disia l'editorial del n° 110 de la revista Lo Lugarn

http://sd-1.archive-host.com/membres/up/50837903053546368/LUG110.pdf

Siquenon CREBAREM e aurem los uèlhs per plorar

E la manif de Montpelhièr i serem nombroses que nombroses


Valora aquest comentari:   votar positiu 4   votar negatiu 4
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Lissandre Varenne

Lissandre Varenne logo rss

Ensenhaire, collectaire e realizador de filmes

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions