Dissabte, 4.4.2020 03h00
Pendent un desvolopament web, mas es pas limitat al web, a un moment cal decidir de tractar l’accessibilitat. Es un brava tèma, que va de la talha del tèxt a la causida de tèxt alternatiu e descriptiu pels imatges. Existís un estandard per determinar la nòta d’accessibilitat d’un tèxt segon sa talha, sa color mas tanben de sa color de fons, s’apèla WCAG. Vos vòli presentar lo site Contrast-Finder, un site que vos permet de provar vòstras colors e d’obténer la nòta d’accessibilitat. Aquò vos pòt servir per vòstres tracts per exemple.
Contrast-Finder, es un logicial liure principalament mantengut per de monde de Montpelhièr, es ara disponible en occitan. Vejatz: https://app.contrast-finder.org/?lang=oc
Un autre aspècte de l’accessibilitat es tanben de causir de colors que lo monde qu’an de malautiás de la vista pòdon ben veire. Per exemple de problèmas per distinguir los verds. Lo navigador web Firefox prepausa una bóstia d’aisinas pels desvolopaires web, aquò servís a melhor son site per exemple. En traduire aqueste logicial liure òm pòt veire las foncionalitats qu’arriban. Una es l’ajuda a la causida de las colors pels mal-vesents. Lo problèma es qu’ai pas pogut trobar de fonts per traduire lo nom de las malautiás seguentas:
— Deuteranomaly (feble en verd)
— Protanomaly (feble en roge)
— Protanopia (cap de roge)
— Deuteranopia (cap de verd)
— Tritanopia (cap de blau)
— Tritanomaly (feble en blau)
Se sabètz ont trobar la traduccion en occitan d’aquestas paraulas, mercés de daissar un messatge amb la font. Aital poirem traduire Firefox mas tanben garnir Wiktionary
coma aquí per exemple.
Vesètz que traduire e fornir lo còdi del logicial permet de far venir disponible de donadas utilas per tot lo monde!
Comentaris
6 d'abril 13.49h
Se son validants, Ne poirà dedusir deuteranopsia e tritanomalia
Valora aquest comentari:
1
0
6 d'abril 13.46h
Subre wiktionnary :
deutéranomalie : Médecine) Pathologie de la vision des couleurs dûe à l’affaiblissement de la couleur verte.
protanomalie \pʁɔ.ta.nɔ.ma.li\ féminin (Médecine) Pathologie de la vision des couleurs due à l'affaiblissement de la couleur rouge.
Cal un linguista per validar Deuteranomalia e Protanomalia en occitan
Valora aquest comentari:
0
0
6 d'abril 13.40h
Subre www.diccionari.cat
protanòpsia f PAT Impossibilitat de distingir el color vermell, anomenada també aneritròpsia.
tritanòpsia f PAT Ceguesa per al color blau violat.
Aprèp, cal un linguista occitan per validar Protanopsia e Tritanopsia
Valora aquest comentari:
0
0
1
Comenta
Lo comentari es estat mandat corrèctament
3 comentaris
(3 vòtes)
En cargament
3 comentaris
Mandar
