CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 22 d'octòbre

Loís Berlic

Dimècres, 28.1.2015 03h00

L’occitan e las nòvas tecnologias


Comentaris 12 comentaris    
Dolent Fluix Bo Molt bo Fabulós (20 vòtes)
carregant En cargament


La conquista francesa, l’emplec del francés coma lenga oficiala unica o encara l’escòla de la Republica an enclavada la lenga nòstra dins una practica rurala, orala e donc de mens en mens espandida. Uèi, es quicòm mai. Mentre que lo nombre de locutors naturals demesís considerablament, lo menut ensenhament de la lenga d’òc espelís e li torna balhar una dimension escrita, especialament a travèrs de las nòvas tecnologias. Aquelas tecnologias de comunicacion, encara plan recentas, nos ofrisson a l’encòp un novèl mejan e un novèl airal per la difusion de la cultura e la lenga occitanas.
 
Dempuèi qualques annadas, mercés a la demanda, mas tanben, immancablament, a la fòrta participacion de nombroses occitanofòns, de sits participatius coma Jornalet.com e la Wikipèdia prepausan de fargar de contengut e de bastir una interfàcia en occitan. Sus oc.wikipedia.org, i a una brava activitat: l’afar d’un pichon desenat d’annadas, i aguèt mai de 2 000 000 de modificacions suls 90 000 articles qu’existisson. La revirada, ara completa, de l’interfàcia de la Wikipèdia pòt tanben servir per d’autres sits enciclopedics que foncionan del meteis biais, coma Wikia, que comença de se metre a l’occitan. En mai dels sits participatius, citarem lo diccionari en linha “Lo Congrès” que permet una recèrca aisida e eficaça dins un fum de diccionaris francés-occitan.
 
Soi utilizaire de Wikia, un sit participatiu qu’a un contengut en occitan encara menut. La lenga occitana me servís sus Wikia per comunicar e collaborar: la parli sovent amb mai d’un utilizaire catalan, que siá per causida amb los que comprenon l’anglés, o per necessitat amb los que lo comprenon pas; las doas lengas se semblan pro per aver pas besonh de revirada. M’arriba tanplan de parlar amb d’occitans. Lo mai conegut dels rets socials, Facebook, prepausa ara una interfàcia en breton, çò que daissa pensar que serà lèu lo cas per l’occitan…
 
Fòra Internet, las nòvas tecnologias permeton de difusar la lenga a travèrs de produccions audiovisualas (filmes, dessenhs animats…) o solament àudio (musica sus supòrt numeric), de mai en mai nombrosas. Doncas, aquela preciosa lenga tròba plan sa plaça dins l’airal de las nòvas tecnologias. Sa difusion li permet d’èsser transmesa e valorizada, e d’aver un usatge social mai important.



publicitat
BANER1-2-3: DGPL DICTADES



Comentaris

31 de genièr 09.54h

Òsca los joves galhaqueses per aqueles articles ben escriches que nos assabentan e fan soscar sus la modernitat!
Cal contunhar!


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

31 de genièr 07.32h

Mercés Loís per ton article de qualitat sus la question del progrès tecnologic plan util per l'occitan! La pròva: feliciti en occitan mon escolan sus Internet e ara tot lo mond o sabon!


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

30 de genièr 21.12h

#10 Ò macarèl ! Veni de comprene de quines poces roges s'agís, quina vergonha :] Per la pena ai metut un poce vert als vòstres dos comentaris e mai a lo de Gerard. Bona serada !


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

30 de genièr 21.02h

#8 Adieu ! I deu aver una error, ai pas jamai parlat de dets dins mon article, de quina color que siá, ni mai ne vesi pas dins los comentaris.


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

30 de genièr 17.56h

#8 Ièr legissiái Jornalet amb mon telefòn e, en tot voler metre un poce ennaut, m'enganèri pr'amor de l'ecran tactil! Totas mas excusas!


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

30 de genièr 12.52h

Podètz explicar los dets roges se vos plai ?
Compreni pas...


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

29 de genièr 00.33h

Bon article !
I auriá un fum de causas a dire, sonque sus wikipedia.

Pels occitans es un mejan e un escasença formidabla de tornar escriure la siá istòria en bastissent, eles meteis, sos referéncias enciclopedicas. Doncas pensi que i a vertadièrament un enjòc social pels occitans a colonizar aqueles espleches !

Ai descobèrt i a pas solament qualques meses lo siti http://potonorsland.com/ qu'es un vertadièr tresaur de cultura tec... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

28 de genièr 17.54h

òsca per l'article !

De fach sèm dins un temps onte l'occitan s'es benlèu pas jamai tant escrich, e onte s'es pas tant jamai pauc parlat : Astrudament/malastrudament


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

28 de genièr 17.33h

Fan d'articles mai interessants los joves que los vielhs. Planvengut e òsca per aqueste article. Me triga de legir lo següent.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

28 de genièr 13.50h

Wikia es una "bòria" de wikis: vos podètz crear d'enciclopèdias tematicas dins lo subjècte que volètz.

Ai agut utilizat Wikia per de projèctes, mas me concentri mai sus la Wikipèdia en occitan.

Exèmples de projèctes en occitan:
* http://oisquipedia.wikia.com/ enciclopèdia parodica (pas grand causa, que suls sits serios i ja pro per rire)
* http://oc.pro.wikia.com/wi... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Perfil

Loís Berlic

Loís Berlic logo rss

Licean de Terminala a Galhac. Occitan afogat d'informatica e ajudaire a Wikia.

mai d'informacions

contactar l'autor

Categorias

Archius




D'autres articles


Jornalet, gaseta occitana d'informacions