CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Dimenge, 17 de novembre

Maël Pellan

Dimenge, 10.11.2013 03h00

Còrses, bascos, occitans, creatz doas-tres Bretanhas!


Comentaris 8 comentaris    
Dolent Fluix Bo Molt bo Fabulós (5 vòtes)
carregant En cargament


Manifestacion de Kemper dissabte, assaut de la sosprefectura de Montroulez uèi, ocupacion de Marine Harvest ara, destruccion dels portegues ecotaxa de longa, tota aquesta agitacion, tota aquesta revòlta, tres mots d’òrdre la motivan: “VIURE, DECIDIR E TRABALHAR EN BRETANHA!”
 
“Viure e trabalhar al país”, totòm o pòt comprene e faire sieu aqueles dos mots emblematics. En Loir e Char coma en Franca Comtat. Mas “DECIDIR AL PAÍS”, es a dire l’autonomia politica, primièr pas vèrs l’independéncia,  aquò d’aquí, sonque en Occitània, en Alsàcia, al Bascoat e en Corsega se pòt comprene.
 
Uèi Bretanha s’es soslevada per son economia, per sos emplecs mas tanben per son autonomia politica. Los discorses de Kemper èran totes luminoses sus lo subjècte. De nombroses manifestants o cridavan dobèrtament. Autonomia politica! Estatut especial per Bretanha! Breizh dieub! Bretanha liura!
 
Fraires còrses, bascos, occitans, alsacians: los bretons, las gents de la basa, las gents de pas res luchan dempuèi de setmanas las forcas en man, lo tractor acrocat al portegue ecotaxa e lo bonet roge sul cap contra la destruccion de lor vida, de lor avenidor, mas tanben contra l’estat jacobin. Una presa de consciéncia s’es realizada per cada breton, NOS CAL L’AUTONOMIA!
 
Uèi, si que cal la dobertura d’un segond front endacòm amb los meteisses lèmas. Que siá en Losera, a Mülhausen o a Baiona, l’estat francés jacobin cal que siá pres en estòc. “Viure, decidir, trabalhar en Occitània”, “Viure, decidir, trabalhar al Bascoat”, nòstres lèmas se pòdon declinar de pertot! De pertot! Mas pas en Sarthe ni en Sòna e Léger perque la revòlta en Bretanha tanben es una revòlta contra l’estat francés jacobin!
 
Creatz una, doas, tres Bretanhas! O, fauta d’aquò, organizatz de rassemblaments de sosten als bretons sota vòstres portegues ecotaxa, davant vòstras usinas vodadas a la desaparicion. Mas sempre amb aqueste meteis lèma: PER VIURE E TRABALHAR AL PAÍS, CAL DECIDIR AL PAÍS!
 
Los bretons que se baton an de besonh de saupre que d’autres pòbles los sostenon. E, perqué pas, saique l’exemple breton rebombarà endacòm mai…


 
______
Aqueste article es paregut originàriament dins lo jornal breton 7Seizh, lo 4 de novembre de 2013. 



publicitat
BANER1-2-3: DGPL TRADUCTOR



Comentaris

12 de novembre 11.46h

#5 Me sembla qu'es pas una participacion de petits patrons a un movement sociau mas pusleu l'organizacion d'un movement per lo patronat (pas tant petit que quò). Ai d-enguera mestier de me rensenhar, pense, mas contunharem lo debat divendres emb mon article d'opinion !


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

10 de novembre 21.44h

#5 Pas besonh d'estar marxista entà lutar contre los dominants.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

10 de novembre 21.11h

#2

independencia e socialisme es aquò la solucion sinon qu'acabarem com totas las antiguas colonias francésas d'africa, o d'america deu sud o encuèra d'Irlanda en neo-colonia.
ÒSCA James connolly!!


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

10 de novembre 17.30h

E perqué pas en Sarta e Sòna e Léger ? An pas lo drech a l'autonomia ?


Valora aquest comentari:   votar positiu 2   votar negatiu 2
Respondre comentari replica Comentari inadequat   Formulari d'abús de comentari

10 de novembre 14.14h

#4 Dins lo marxisme autentic, se recomanda de participar als movements socials pauc clars ont salariats e pichons borgeses manifèstan ensems contra l'imperialisme (o, en general, contra de mesuras injustas).
Los pichòts patrons pòdon participar, de còps, a de movements socials progressistas per la defensa d'un país.
Un fum de marxistas o deurián saber, aquò.
Viscan los bonets roges!


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

10 de novembre 13.55h

Ah òc ! Anem manifestar dab lo medef, l'UMP e lo FN per sauvar la riquessa deus dominants! Benlèu qu'après nos ajudaran! Yippie-ki-yay, motherfucker!


Valora aquest comentari:   votar positiu 5   votar negatiu 5
Respondre comentari replica Comentari inadequat   Formulari d'abús de comentari

10 de novembre 13.29h

#2 « [L]a finança antidemocratica mondiala… qu'acabarà per far crebar tota vida eucariòta subre tèrra se la daissam far "liberalament" »…

100% d'acòrd.
Malaja l'independéncia ne guaranteish pas arren : que poiren perfèitament aver ua Occitània sobirana e totun venuda aus financèrs o satellit deus ianquis (especiauments se la volem membre de l'UE). Quina ei la consciéncia sociau o enviroamentau deus occitans ? La medisha que pertot, i.e. mensh que sufisenta entau menh gost. Occi... Legir la seguida


Valora aquest comentari:   votar positiu 3   votar negatiu 2
Respondre comentari replica Comentari inadequat   Formulari d'abús de comentari

10 de novembre 10.16h

Nos cal mai que l'autonomia : nos cal l'independéncia, per èsser independent de França, de Castilha e de Roma, mas mai que mai per venir independent de la finança antidemocratica mondiala, que crèba totas las solidaritats e la s coësions socialas, e qu'acabarà per far crebar tota vida eucariòta subre tèrra de la daissam far "liberalament".


Valora aquest comentari:   votar positiu 7   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Maël Pellan

Maël Pellan logo rss

Editorialista sus 7Seizh.info

mai d'informacions

contactar l'autor

Archius




D'autres articles


Jornalet, gaseta occitana d'informacions