CAPCALERA: IEA-AALO

Jornalet, gaseta occitana d'informacions

Dimenge, 29 de novembre

Maime Caillon

Divendres, 26.9.2014 03h00

E la maison contunha de brutlar…


Comentaris 7 comentaris    
Dolent Fluix Bo Molt bo Fabulós (9 vòtes)
carregant En cargament


Mete de caire per queu mes l’analisi dau projecte de lei de la ministra de l’ecologia sus la transicion energetica per m’interessar a l’actualitat. Mai d’un rapòrt o comunicacion ven de sortir a la debuta de mes de setembre. Lo prumier es lo de PwC, cabinet de consulting qu’a un despartament especializat dins lo desvelopament duradís: “Segon los especialistas dau chamjament climatic chas PwC, d’aicí 2100, los país dau G20 deuràn diminuir de 6,2% per an lors emissions de carbòni liadas a l’energia per chasque dòlar de PIB. Queu taus de descarbonizacion es mai de cinc còps superior au taus actuau. L’objectiu de reduccion de las emissions de carbòni liadas a l’energia correspond au volum de baissa estimat que los país deven realizar tot en assegurant lor creissença ecomica, si vòlen limitar a 2°C l’eschaurament climatic”.  Adonc, per quilhs especilistas, un eschaurament de 2°C sembla inevitabe, e mai, necessitariá un esfòrç daus beus.
 
Puei, dimars 9 de setembre l’Organizacion meteorologica mondiala (OMM), basada a Geneva, anonciet que los gas a efiech de serra atenhen un concentracion recòrd en 2013 e lo taus d’acroissament dau CO2 coneguet l’aumentacion annuala la mai fòrta dempuei 1984. Michel Jarraud, secretari generau de l’OMM, interrojat per Le Monde, “sabem emb certitud que lo clima es a chamjar e que las condicions climaticas venen mai extremas per’mor de las activitats umanas, coma l’expleitacion daus combustibles fossiles (...) L’ignorància pòt pus justifiar l’inaccion”.
 
Darrier estudi, sortit lo 6 de setembre, lo de l’Observatori nacionau sus los efiechs dau reschaufament climatic (Onerc) que balha daus escenaris regionalizats (podetz’nar veire coma se vai passar dins vòstre canton sus lor sit web. Çò que podem notar es que quau que siá l’aumentacion de temperatura (de 2°C a 8°C) l’est d’Occitània eschaparà pus a una aumentacion de 5 a 10 jorns de chalorassa (scientificament definida per una temperatura maximala superiora de mai de 5°C a la normala pendent au mens 5 jorns de seguida).
 
A Johannesburg en 2002, Jacques Chirac nos disset: la maison brutlar e visem alhors. Dozte ans mai tard, contunham, e mai si los scientifics descriven plan ben çò que nos esperar. Nos podem demandar perque sem’ribat a quela situacion. La responsa se tròba dins l’article de Joan-Marc Leclercq dau dimars 9 de setembre: “sèm entrats dens un periòde senhorejat per una oligarquia qu’a confiscat au pòble lo poder de decision.” D’efiech, quela oligarchia, que nos descriu mai que bien lo jornalista Hervé Kempf, contunha son objectiu pròpe: s’enrichesir. La question es de saubre qualas consequencias economicas e mai politicas auràn las consequencias fisicas dau reschaufament climatic. Per Kempf, la “clau d’un avenidor pacific” es la democracia. Mas l’oligarchia nos laissarà decidar?
 
 



publicitat
BANNER1: IEO Arièja



Comentaris

30 de setembre 11.04h

Vos mercege tots per vòstres comentaris ! Me sembla tant ne'n meritar ! Ne'n rogesiria !
Fau au mielhs per balhar de que se carcular sus nòstre monde. Sei content de vos aportar quauquaren.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

27 de setembre 18.45h

#5 Òc ben. Mancam d'especialistas diversificats dins lo movement occitan. Es un astre que Maime Caillon faga aqueste trabalh d'analisi e de vulgarizacion sus l'ecologia, en partent d'un ponch de vista occitanista. Li cau donar mai d'audiéncia.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

27 de setembre 18.27h

Article e sintèsi remirables. Òsca a tu Maime de'ns hèr partatjaraqueths rapòrt que pausan vertadèrament ua question fondamentau de democracia.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

27 de setembre 11.21h

Ai plan paur que contunhe de bruslar bien dau temps. Mercés Maime per quel article.


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

27 de setembre 06.13h

Vertadierament, los articles de Maime Caillon sus l'ecologia, de per lor precision e lor costat percutent, fan òbra d'utilitat publica. Una brava capelada!


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

26 de setembre 15.15h

#1 La subrespleitacion de las ressorças fossilas es una causa dau reschaufament climatic. Emb quela subrespleitacion, avem dos fenomens : d'un latz avem una diminucion de la disponibilitat de l'energia, de l'autre lo reschaufament climatic adonc una modificacion de l'encastre de vita e de las condicions de la produccion agricòla.

Nòstra especia es una especia que se pòt protegir de tots quilhs chamnhaments. Enfin, una partida de l'especia ... Per lo demai ...

Avem aqui una question tant... Legir la seguida


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

26 de setembre 12.11h

A mon umble avis, a prepaus dau shanjament climatic e en me plaçant d'un punt de vista daus interés de nòsta espécia : cresi que lo pus problematic n'es pas tant lo rescauhament de l'atmosfèra (aquò harà mudar les envelòpas biò-climaticas de les espécias, shambertarà los equilibres) coma la sus-expleitacion de les ressorças naturalas, e sustot de les ressorças fossilas. En efèit, lo rescauhament climatic n'es pas toxic (coma ec seré una pollucion).
Bon, tot es ligat, mès aquò ... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Maime Caillon

Maime Caillon logo rss

Engenhaire de formacion, militet dins mai d'una associacion ecologista dempuei sos 19 ans.

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions