Opinion
Minjar o menar, nos fau chausir
Avetz benleu remarcat que las meissons son tardieras ujan. E mai lo grun serà pas de bona qualitat. Zo me disiá un amic agricultor en apondre que serà totparier char per ‘mor de la sequeria en America. Las condicions climaticas en America mai en Euròpa nos van far conéisser una annada meschanta per la produccion cerealiera. Mas de que serv la cereala? A nurir los umans, las bèstias e mai a produsir dau biocarburant.
Lo mot “biocarburant” es força mau chausit per que nos fai pensar que queu produch seriá eissut d’una agricultura respectuosa de l’environament. P’un piau! Es un combustile fach de matèria organica que ven directament o indirectament de la fixacion d’energia solara per la fotosintesi. Adonc una energia renovelabla que pòt èsser una alternativa aus produchs petroliers. En Euròpa coma aus Estats Units, an decidit que lo carburant que metem dins nòstras veituras comportariàn ‘na part de biocarburant. E mai que quela part deuriá aumentar regularament.
Tornem a nòstra definicion: de la matèria organica que ven directament de la fixacion d’energia solara per la fotosintesi que se pela mai comunament ‘na planta. O ben tot ‘na cereala. Dau grun. Quò vòu dire que los governaments dau Nòrd an decidit d’aumentar la part de la produccion cerealiera que partirà dins nòstres motors pusleu que dins nòstras ‘sietas (que siá directament o transformada en charn). Çò qu’a un impact mondiala. Entau, en 2012, 13% de la produccion mondiala de bigarroelh serà consumida per los Americans dins lors desplaçaments, siá dos còps mai que çò que produtz l’Union Europea. Los país dau Sud, notadament africans, se meten de produsir de l’òli de palma d’un biais industriau per satisfar la demanda de biocarburant, en tut abandonar de las produccions alimentàrias.
Podem pas saubre las consequéncias d’una meschanta produccion questa annada. Mas ne’n i aurà que siá l’aumentacion dau pretz de l’alimentacion au Nòrd o de las disetas au Sud. Una prumiera alternativa es contenguda dins la definicion dau biocarburant : préner la matèria organica que ven indirectament de la fotosintesi. Reciclatge de l’òli alimentari, metanizacion, ... La principala alternativa demòra totparier de nos carcular sus nòstres desplaçaments: lor necessitat, coma los redusir, ... Bastir una societat occidentala mai mainatgiera per permetre au Sud de viure.
Lo mot “biocarburant” es força mau chausit per que nos fai pensar que queu produch seriá eissut d’una agricultura respectuosa de l’environament. P’un piau! Es un combustile fach de matèria organica que ven directament o indirectament de la fixacion d’energia solara per la fotosintesi. Adonc una energia renovelabla que pòt èsser una alternativa aus produchs petroliers. En Euròpa coma aus Estats Units, an decidit que lo carburant que metem dins nòstras veituras comportariàn ‘na part de biocarburant. E mai que quela part deuriá aumentar regularament.
Tornem a nòstra definicion: de la matèria organica que ven directament de la fixacion d’energia solara per la fotosintesi que se pela mai comunament ‘na planta. O ben tot ‘na cereala. Dau grun. Quò vòu dire que los governaments dau Nòrd an decidit d’aumentar la part de la produccion cerealiera que partirà dins nòstres motors pusleu que dins nòstras ‘sietas (que siá directament o transformada en charn). Çò qu’a un impact mondiala. Entau, en 2012, 13% de la produccion mondiala de bigarroelh serà consumida per los Americans dins lors desplaçaments, siá dos còps mai que çò que produtz l’Union Europea. Los país dau Sud, notadament africans, se meten de produsir de l’òli de palma d’un biais industriau per satisfar la demanda de biocarburant, en tut abandonar de las produccions alimentàrias.
Podem pas saubre las consequéncias d’una meschanta produccion questa annada. Mas ne’n i aurà que siá l’aumentacion dau pretz de l’alimentacion au Nòrd o de las disetas au Sud. Una prumiera alternativa es contenguda dins la definicion dau biocarburant : préner la matèria organica que ven indirectament de la fotosintesi. Reciclatge de l’òli alimentari, metanizacion, ... La principala alternativa demòra totparier de nos carcular sus nòstres desplaçaments: lor necessitat, coma los redusir, ... Bastir una societat occidentala mai mainatgiera per permetre au Sud de viure.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
An comprés que caliá dire «agrocarburants» qu'es de mai en mai emplegat.
A Carròs i a quauquei annaas, un engeniaire de sa zòna industriala aviá inventat una veitura fonccionant a s'ària comprimaa. So sieu projeit èra d'equipar de taxis urbans (Brasil èra interessat creï) mas bisarrament avem plus auvit parlar dau projeit...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari