CAPCALERA: PAIS INVISIBLE
CAPÇALERA2: mot amagat

Jornalet, gaseta occitana d'informacions

Diluns, 6 de febrièr

Maime Caillon

Divendres, 10.6.2016 03h00

Vers un monde vegetarian


Comentaris 11 comentaris    
Dolent Fluix Bo Molt bo Fabulós (10 vòtes)
carregant En cargament


 Dins ma cronica d’auei vos voudriá parlar d’alimentacion, en seguda d’una discussion plan animada sus Facebook. Un amic meu partejet una video canadiana que presentava los resultats d’un estudi sus los avantatges economics e ecologics d’un passatge mai generau a una alimentacion vegetariana, e quitament si sem pusleu d’acòrd, nòstres eschamnhes fugueren vigorós. 
 
D’efiech, la produccion e la consomacion de vianda a daus impactes importants sus l’environament. L’elevatge produtz fòrça gas a efiech de serra e de pollucion coma zo vesem en Bretanha. Dau punt de visda sociala , l’industria agroalimentària es en crisi, per se plaçar dins la concurréncia mondiala e ne podrà pas surtir sens una transformacion prionda de son modele economic.  D’un punt de visda sanitari, nòstra alimentacion tròp charnada nos rend malaude: obesitat, malaudias cardiovaculàrias, diabeta, ipertension, ne son de las consequéncias. De mai la consciéncia de la sofrença animala se desvelopa, notadament per çò de las condicions de vita dins los elevatges industriaus. Recentament tanben, avem vist daus escandales liats au biais de tractar los animaus dins los tuadors.
 
Quò fai de l’annadas que los ecologistas pòrtan lo messatge de la necessària reduccion de la consomacion de vianda.  Deu èssser drastica e acompanhada de la disparicion dau modele productivista dins l’elevatge. Un elevatge que deuriá venir mai respectuós de l’animau dins sa condicion de vita e de tuariá.
 
Veiquí un punt de desacòrd emb mos amics vegetarians: la question morala de tuar. Considere que “tuar per minjar” es una regla fondamentala  dins lo monde animau. Minjar o èsser minjat. Çò que me fai acceptar un tipe d’elevatge respectuós. De segur, l’òme es surtit de la question de subrevivéncia immediata, çò que nos pòt permetre de’vançar vers lo rejet de queu biais d’alimentacion.
 
Una autra question que los ecologistas deurián trabalhar es la plaça de la campanha si ribam a un monde sens elevatge. De segur, demorarà las culturas vegetalas, mas d’espacis importants seràn disponibles. Tornariàn a un estat naturau o vendriàn de la campanha de plasença, coma zo podem veire desja a proximitat de las vilas grandas ont quasiment tota l’agricultura a disparegut?
  
Tot quilhs chamnhaments se faràn pas sens una fòrta consciéncia ecologica de la populacion, mai de las politicas publicas ambiciosas. Çò que me sembla plan aluenhat de la realitat de nòstra societat.
 



publicitat
BANNER1 - OPLO erasmus



Comentaris

15 de junh 10.18h

#9
Me que sei un minja-raiça desempuei mai de 30 ans me sentissí pres en ostatges per un tau article.

Seriosament, los « khmers » an daus fusilhs, los vegeta*ians nonmàs de las culheras (que la forcheta es 'ribada tard ne'n lemosin e que dins quauques buescs, qu'es pas segur que 'la siguesse usada).


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

11 de junh 12.17h

#8 Soi un detector de conariá, veni de m'activar.


Valora aquest comentari:   votar positiu 8   votar negatiu 1
Respondre comentari replica Comentari inadequat   Formulari d'abús de comentari

10 de junh 23.53h

#8 http://image.noelshack.com/fichiers/2016/23/1465595506-vegansidekicks.jpg


Valora aquest comentari:   votar positiu 8   votar negatiu 2
Respondre comentari replica Comentari inadequat   Formulari d'abús de comentari

10 de junh 20.41h

#7

Constati que sus Jornalet Los Qmèrs verds tendéncia Roja e Jauna an una rubrica regulara.

Vos farai pas lo crid de la caròta que lo sabi pas
Per contra soi performant pel Crid de la pèira


Valora aquest comentari:   votar positiu 6   votar negatiu 16
Respondre comentari replica Comentari inadequat   Formulari d'abús de comentari

10 de junh 20.06h

L'i a aquò en catalan : http://www.addaong.org/ca/que-denunciem/
Tròbe pas d'articles filosofics en catalan per contra per aura.


Valora aquest comentari:   votar positiu 4   votar negatiu 6
Respondre comentari replica Comentari inadequat   Formulari d'abús de comentari

10 de junh 19.52h

#3 Completament d'acòrd. Pas la pena d'embéstiar de tròp los mai vielhs que qu'es plan malaisat de chamnhar sas abitudas ad un certan atge - manca per quauqu'uns que venen "veges" sus lo tard, au mielhs, ilhs pòden demesir los consomacion mas qu'es tot e qu'es desjà pas tan mau - mas fau trabalhar a una reduccion generala chas las jòunas generacions, pensar a l'a venir qué ! e quò, vesem que dins nòstres país, la consciéncia ecologica e tanben la presa en compte daus patiments animau... Legir la seguida


Valora aquest comentari:   votar positiu 9   votar negatiu 6
Respondre comentari replica Comentari inadequat   Formulari d'abús de comentari

10 de junh 19.52h

#3 Completament d'acòrd. Pas la pena d'embéstiar de tròp los mai vielhs que qu'es plan malaisat de chamnhar sas abitudas ad un certan atge - manca per quauqu'uns que venen "veges" sus lo tard, au mielhs, ilhs pòden demesir los consomacion mas qu'es tot e qu'es desjà pas tan mau - mas fau trabalhar a una reduccion generala chas las jòunas generacions, pensar a l'a venir qué ! e quò, vesem que dins nòstres país, la consciéncia ecologica e tanben la presa en compte daus patiments animau... Legir la seguida


Valora aquest comentari:   votar positiu 14   votar negatiu 6
Respondre comentari replica Comentari inadequat   Formulari d'abús de comentari

10 de junh 19.37h

Voliá remerciar Maime per aquel article ponderat que mena de las bonas questions sus lo plan ecologic e lo vòle prejar de me far excusa per l'eschamnhe viu sus FB. Segur, som pas d'acòrd sus la question morala (que crese que la "charn urosa" es un mite, que l'elevatge, quitament lo pitit (o mesma tot pitit) - qu'es tras que minoritari, 5 per cent au mai segon las béstias elevadas de la produccion e parle mesma pas de l'elevatge de memet (0,3 per cent benleu ?) -, es pas justifiable e legiti... Legir la seguida


Valora aquest comentari:   votar positiu 9   votar negatiu 8
Respondre comentari replica Comentari inadequat   Formulari d'abús de comentari

10 de junh 19.33h

#1 As enveja de minjar carn ? E ben minja carn, i a pas nada "dictatura" vegetariana, aquò existís pas sonque dens ton cap.
Es sustot una question de generacion, es mauaisit de cambiar de biaish de minjar après un cèrt atge, los joens ac hèn mès aisidament.
I a tres rasons de deishar la carn, respóner sonque "non a la dictatura" es un pauc leugèr coma responsa au sauvetatge de la planeta, a las suberalimentacion cancerigèna (per çò qu'es deu pòrc au mensh) e la question morala.


Valora aquest comentari:   votar positiu 11   votar negatiu 4
Respondre comentari replica Comentari inadequat   Formulari d'abús de comentari

10 de junh 19.10h

#1 Mega LOL. E la libertat per las béstias d'èsser pas inseminadas, engraissadas puei tuadas ? Compta pas ? E degun vos a pas jamai empeschat de minjar de charn, 'restatz vòstras conarias, setz larjament majoritaris auèi dins nòstras societats los minjadors de charn (pas que 3 o 4 per cent cresi de vegeta*ians chas nos, benleu 10 per cent au mai en quauqu'uns luecs mai coma Alemanha o sabe pus ente), nos anatz pas far creire que setez oprimits per los meschants vegans. I a de qué rire si ... Legir la seguida


Valora aquest comentari:   votar positiu 11   votar negatiu 6
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: OC Brigada

Perfil

Maime Caillon

Maime Caillon logo rss

Engenhaire de formacion, militet dins mai d'una associacion ecologista dempuei sos 19 ans.

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions