CAPCALERA: la botiga

Jornalet, gaseta occitana d'informacions

Dissabte, 23 de genièr

Maime Caillon

Divendres, 19.7.2013 03h00

Lo ministeri maudich


Comentaris 3 comentaris    
Dolent Fluix Bo Molt bo Fabulós (6 vòtes)
carregant En cargament


Lo 2 de julhet lo gascon Felip Martin es estat nomat ministre de l’Ecologia, dau Desvelopament duradís e de l’Energia dau govern francés. Es lo tresesme dempuei la victoria de François Hollande en mai 2012. La prumiera fuguet Nicole Bricq que zo demoret nonmas un mes e dos jorns. Es actualament ministra dau comerci exterior. La segonda fuguet Delphine Batho pendant a pus pres un an. Se ditz que qu’es la pression daus lobbies industriaus que fagueren tombar las doas ministras.
 
Nicole Bricq considerava que lo còdi minier era tròp favorable aus espleitadors, notadament perque quand una entrepresa descubre un jaç es quasiment assegurada de lo poder espleitar. Voliá introdusir de la concurréncia entre companhiàs per çò de l’expleitacion. E los foratges efectuats per Shell en Guaiana devián permetre la dubertura de discussion. Segon lo jornau Le Monde, lo prumier ministre Ayrault era de consent a condicion de pas perturbar lo clima de fisança emb l’entrepresa. La discussion se passarà pas plan entre lo chap dau govern e sa ministra. E la Shell jugarà un juec doble en trabalhar emb Nicole Bricq en tut far pression sus lo govern contra queu projècte. Ayrault prepausarà un autre pòste a la ministra, lo 21 de junh, dos jorns après l’intervencion de Laurence Parisot, presidenta dau MEDEF, l’organizacion dau patronat francés, que se felicitava en assemblada generala de l’eficacitat son organizacion per transmetre las dolenças de Shell auprès dau govern.
 
Fuguet la manca de solidaritat governamentala qu’invoquet Ayrault per explicar que demandava a Delphine Batho de demissionar. La ministra aviá declarat a la ràdio que trobava que lo budget afectat a son ministeri era pas sufisent. Mas lo jornau Challenges revelet que Philippe Crouzet, president de Vallourec, aviá evocat davant daus responsables americans de son entrepresa, la marginalizacion de Delphine Batho dins lo govern francés. Vallourec es lo leader mondiau daus tubes sens sodadura que son utilizats dins l’espleitacion daus gas d’eschiste. E Philippe Crouzet es l’òme de Sylvie Hubac, directritz dau cabinet de François Hollande. Delphine Batho acusa de las “forças economicas” d’aver vougut sa testa.
 
Felip Martin serà mai apreciat daus lobbies indutriaus? Me pausava la mesma question l’an passat per Delphine Batho. Felip Martin, per contra, es mai apreciat daus ecologistas que la minsitra sortenta. Es conegut per sa lucha contra los OGMs coma deputat mai coma president dau Conselh Generau dau Gers. Participet a las negocicions de l’acòrd electorau entre PS e EELV. Aurà dos chantiers daus importants: lo debat sus la transicion energetica e la conferéncia environamentala de septembre. De segre.
 
 



publicitat
BANNER1: IEO Arièja



Comentaris

22 de julh 18.41h

#2 Doncas se te compreni plan, creses que lo monde es plan con per far marrit usatge de son sòl ? Que çò melhor es qu'una autoritat decide per el (amb quina resulta ?)


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

19 de julh 16.04h

#1 es l'argumentari exacte de Glaudi Alègre. Pòs èstre segura qu'en donant ai particuliers lo drechs d'expleitar son sòl, serà acabada tota temptativa de sauvagàrdia dei espacis naturaus, subretot au nòstre...
Occitània novèu Texas ? Buai !


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

19 de julh 04.08h

«Nicole Bricq considerava que lo còdi minier era tròp favorable aus espleitadors» >> e a rason ! Es sustot desfavorable al proprietari del terrenh, es a dire que se i a de gas jos vòstre sòl, avèm pas de dreit dessús : ni de vos opausar a son extraccion, ni de far de moneda dessús, se sètz d'acòrdi per que siá espleitat ! Abans tota decision relativa al gas d'esquistre, cal tornar veire lo còde minièr.


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Maime Caillon

Maime Caillon logo rss

Engenhaire de formacion, militet dins mai d'una associacion ecologista dempuei sos 19 ans.

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions