CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Divendres, 18 d'octòbre

Manèl Zabala

Dimècres, 27.9.2017 03h00

Un hooligan, un vòte


Comentaris 7 comentaris    
Dolent Fluix Bo Molt bo Fabulós (10 vòtes)
carregant En cargament


“Banda de carrònhas, es la guèrra! —nos dison—. Los anam abordar, los salòps de la patria nº 2, e los anam petar la clòsca! Anem! Anem! I a tot çò que cal a bòrd! Tots en còr! Mas abans butatz un bramal que faga tremolum: Viva la Patria nº 1! Qu’òm nos entenda plan luènh! Lo que bramarà mai fòrt, aurà la medalha e la dragèia del bon Jèsus!”
 

Dimenge lo 1r d’octòbre, lo jorn del referendum, i aurà almens 12 000 efectius de la dicha Polícia Nacionala espanhòla e de la Gàrdia Civila. Semblariá que los 16 783 Mòssos d’esquadra son pas tròp fisables. Las chifras normalas èran 2800 efectius de la polícia dicha nacionala e 3500 de la Gàrdia Civila en tot Catalonha. Los novèls venon per empedir lo referendum e semblariá que i van demorar qualque temps. I a de qué far.
 
La màger part d’aquela polícia e polícia militara es ja arribada en Catalonha, e se tròba acantonada per lo país e embarcada dins d’aigas del país. Son per exemple los naviris MobyDada, Rhapsody e Azzurra que pòdon aculhir 5000 agents que degun pòt pas o vòl pas aculhir. Lo MobyDada es vengut plan famós.
 
Lo procés independentista catalan de còps nos regala d’imatges risolièrs.
 
Es pas seriós d’embarcar fòrças de repression dins un naviri del Looney Tunes, vertat? Tweety, Daffy Duck e Coyote fan pas trapar la petarufa pel moment. Ai dich ben, “pel moment”.


 
Mas lo procés independentista catalan de còps nos regala d’imatges pas gaire edificants.
 
La policia arriba a Catalonha, arriba discretrament, mas totun sa sortida es estada abans un espectacle. Las sortidas del còsses de policia e policia militara dempuèi de divèrsas vilas coma Còrdoa, Sevilha, Huelva, Cadis... an vist importantas concentracions de sosten. De concentracions improvisadas e organizadas WhatsApp e Facebook. Demest las fòlas, las proclamacions mai entendudas son estadas: “sètz pas solets”, “Catalonha es Espanha”, “Viva Espanha”, “Puigdemont a la preson”, “ieu soi espanhòl, espanhòl, espanhòl”, “a eles, oè” (aquel es d’inspiracion fotbolaira)... Aquò fa pas rire.
 
En vesent las chormas protagonistas del vidèo ai pensat a Viatge al cap de la nuèch, de Louis-Ferdinand Céline. Marrida persona, bon autor. Segurament lo legidor de Jornalet aurà reconegut la citacion qu’entamenava l’article.
 
Benlèu qu’aquelas chormas qu’aclamavan la polícia que partís luènh per empachar los dreches dels autres an pas legit Viatge al cap de la nuèch; e benlèu qu’an pas jamai legit Céline; e benlèu qu’an pas jamai legit que que siá aprèp l’escolarizacion obligatòria... Mas aquel monde existís, e —cal pas s’enganar— es nombrós. Aquel monde a pas jamai bastit que qué sia, mas aquel monde a una opinion, e vòta. Un òme, un vòte.
 
Sos elegits los prendràn en compte. 

 
 
 



abonar los amics de Jornalet



publicitat
BANER1-2-3: DGPL DICTADES



Comentaris

14 de març 00.23h

Es pegaries ies que ditz aguest jan son dangeruses.
Tot un ei un raciste catala que enlurdis era nosta istoria gascona.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

27 de setembre 22.27h

Sabi que Andalosia es jos un govern regional dels socialistas, mas tanben an mantuns drechans en aicesta comunautat, doncas las falordariás dels vidéos. Ieu pot compréner pas lors biaises de pensada car Andalosia es, mercés a la drecha e la dictatura, una tèrra marrida. Creson que anan a la guèrra, mas son d'asenadas drechanas.


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

27 de setembre 19.53h

#3 Mercègi de còr vòstre comentari. Sètz persona d'esperit.


Valora aquest comentari:   votar positiu 5   votar negatiu 1
Respondre comentari replica Comentari inadequat   Formulari d'abús de comentari

27 de setembre 16.46h

Andalusia, tèrra de "flics" e d'esmigrats en Catalonha, fòrça gents de ren, coma diriá Macron.
Misèria manipulabla coma pertot...
Lo reialme d'Espanha jòga amb lo fuòc...


Valora aquest comentari:   votar positiu 6   votar negatiu 1
Respondre comentari replica Comentari inadequat   Formulari d'abús de comentari

27 de setembre 14.33h

F. Garcia-Lorca èra Andalós. An pas jamai perdut l'esperit, ni lo cervèl. Los traucs, los a aguts a la pèl. Èra pas coma aqueles braus que designan l'article. N'es mòrt. Definitivament. El, si qu'èra Andalosia ! Aqueles, son d'ases decerebrats, ras mai.


Valora aquest comentari:   votar positiu 12   votar negatiu 1
Respondre comentari replica Comentari inadequat   Formulari d'abús de comentari

27 de setembre 09.02h

per exemple las entrepresas que possedisson los naviris Moby, Rhapsody e Azzurra poirián èstre sensibilizadas al fach que sostenon materialament la repression d'un eveniment democratic.
Una campanha de boicòt lor poiriá dobrir los uèlhs!


Valora aquest comentari:   votar positiu 9   votar negatiu 1
Respondre comentari replica Comentari inadequat   Formulari d'abús de comentari

27 de setembre 04.00h

Mantuns andaluses son fòrça malauts. An perdut lors cervèls doncas an de traucs dins lors caps.


Valora aquest comentari:   votar positiu 7   votar negatiu 6
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Manèl Zabala

Manèl Zabala logo rss

Escrivan, traductor, jornalista e professor d’occitan

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions