CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 18 de setembre

Marc Espí

Dimècres, 7.8.2013 03h00

Long Tall Shorty


Comentaris Pas cap de comentari    
Dolent Fluix Bo Molt bo Fabulós (3 vòtes)
carregant En cargament


Guitarres damb distorison refinada vs. votzes pròpies der East-End londonenc conformen eth son de Long Tall Shorty.
 
Quate gojats dera capital britanica assidús as ambients dera scena revivalista mòd bastiren ua des bandes revival mès conegudes de Londres en an 1978.
 
Jimmy Grant, Mark Reynolds, Keith Mono e Toni Perfect lèu artenheren un son remarcable laguens deth revival propdan as cançons mès 77 des The Jam. Prumerament aperats The Indicators, er ensemble cambièc eth nòm peth de Long Tall Shorty (LTS) en tot hèr referència ara omònima cançon des Kinks.
 
Aquera musica, mescla des 60 e deth punk qu’un an abantes dera sua formacion auie explosionat en Reiaume Unit, les portèc de cap a telonejar as quites Sham 69 en Electric Ballroom de Candem.
 



Ara seguida d’aqueth concert, Jimmy Pursey (cantaire de Sham 69) les aufric visitar es estudis de Polydor Records (casa de disqui responsabla de balhar albums de bandes coma The Jolt o The Style Council).
 
Siguèc damb Polydor qu’es LTS enregistreren era sua carta de presentacion, un single que podetz enténer naut. Era cara B se compense damb era tranquillitat de By Your Love e mòstre era faceta musicau més caracteristica deth grop.
 
 


Un viatge en carrèr, eth single lèu s’agotèc des botigues e era banda joguèc ena prumèra part des concèrts d’auti grani com es Angelic Upstarts. Maugrat èster ua banda de punk, aqueth concert en The Wellington hèc que bandes dera scena revival coma Back to Zero o The Teenbeats s’interessèsen per sonar damb eri en concèrt. Es LTS qu’arriberen a amplir Carnaby Street en tot tocar en carrèr.
 
Pr’amor dera fòrta demanda que començauen a auer, er ensemble decidic de compdar damb Stewart England entà auer un dusau guitarrista.
 



 


Era trajectòria que seguien qu’ère pariera as montanhes russes. Dempús de plenar eth conegut The Marquee e qu’es Chords les demanessen de jogar en sòn torn, Mark Reynold’s e Jimmy Grant quitèren era formacion dempús de hèr eth prumèr concèrt d’aqueth torn Middleborough. Era formacion lèu se parièc en tot ocupar-la alavetz Keith Mono, Stewart England, Tony Perfect e Mark Morrison ena percussion.
 
Aguesta naua formacion enregistrèc en 3 dies der estiu de 1980 quate tèmes nòvi enes estudis de CBS Records.
 

 


 



 



Es lutes entre eth public qu’èren freqüentes enes concerts deth grop, resultat d’aquerò ei que les proïbiren tocar en quauqui locaus de Londres. Es discosions non sonque venguien per part deth public, se que non qu’aqueth ambient ostil se respiraue tanben laguens des components de LTS.
 
En un concèrt en The Marquee, John quitèc era banda en miei deth recital. En pòqui dies, Stewart decidic se n’anar ara Legion Extrangèra e Tony Perfect cambièc eth sòn nòm peth de Tony Feedback e s’amassec damb Angelic Upstars.
 
Abantes de hèr es sòns adius, eth grop hèc un concert en 100 Club eth 2 de hereuèr de 1982.
 

 






 

 

En 2000 era formacion tornèc a amassar-se e enregistrèren er album “A bird in the hand”. La seguirien “The sound of Giffer City” en 2002 e “Kick out The Shams...Motherfuckers” en an 2010.
 
Erosament, que contunhen de tocar aué en dia e permeten mantier viua era estela deth mòd revival més distorsionat e dur.



publicitat
BANER1-2-3: DGPL AN LAFONT



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Perfil

Marc Espí

Marc Espí logo rss

Neishut en Garòs (Val d'Aran), estúdie audiovisuaus en Barcelona. Guitarrista e passionat pera musica, mès que mès era restacada damb era cultura urbana e underground; sustot reggae, soul, brit pop e mod revival.

mai d'informacions

contactar l'autor

Categorias

Vidèos

Mai d'articles

Archius




D'autres articles


Jornalet, gaseta occitana d'informacions