Opinion
Istòrias de familha dins lo fotbòl
Es causa saupuda, lo fotbòl es una istòria de familha. E pas que per lei suportaires. Sus lo terren tanben, se son succedidas e mai mescladas lei generacions.
Totei coneisson Youri Djorkaeff, lo campion dau Mond 98 que joguèt a Monegue, a l’Inter, en Anglatèrra... Lei mai ancians se remembran tanben dau paire Djorkaeff, Jean, que foguèt seleccionat 48 còps en esquipa de França e que joguèt mai de 400 partidas de campionat amb l’OM, Lion e París.
Maldini tanben es un nom que s’es passat de paire en filh. Cesare, puei Paolo, faguèron lo bonaür de l’AC Milan, que la direccion dau club italian a decidit de retirar lo numèro 3 de l’esquipa. Lei Maldini son d’alhors lei solets paire e filh qu’an ganhat la liga dei campions coma capitanis. Coma polida sucession, fau tanben nomenar Shaun Wright-Phillips, qu’es lo fiu adoptiu de Ian Wright, l’ancian atacant d’Arsenal.
I a tanben de noms que son pas de bòn portar coma, Cruiff (amb lo pichon Jòrdi), o Schmeichel, que son fiu es tanben gardian en Anglatèrra.
La familha, son tanben de fraires. Per lei mai coneguts, i a lei Laudrup, que mostrèron son talent dins cada grand campionat europèu, e coma lei fraires bessons De Boer amb l’Ajax o lo Barça.
Uei, son lei fraires Ayew que fan parlar. Lei jogaires clau de l’OM son lei fius d’Abedi Pelé, que ganhèt en 93 la Copa d’Euròpa amb lo club focèu.
Doas anecdòtas per acabar: la primiera se debana en 1996 a Tallinn, ont Estònia encòntra Islàndia. En fin de partida, Arnór Guðjohnsen, 35 ans, es remplaçat per… Arnór Guðjohnsen, son fiu de 17 ans, un fach unic dins l’istòria dau fotbòl internacionau.
Mai estonant encara, es aquela istòria dau debut dau sègle, en Belgica. Arie Van der Graaf èra un jogaire dau Racing Brussèlas. Son fraire besson, Peter, per còntra, aviá pas drech de jogar per aqueu club, eu qu’èra de nacionalitat estrangiera, mai l’empachèt pas de remplaçar son fraire quora èra malaut, nafrat, e mai quora èra cansat a la pausa d’una partida. Aqueu secret foguèt gardat dins lo club, lòngtemps après la fin de carriera dei dos fraires.
Totei coneisson Youri Djorkaeff, lo campion dau Mond 98 que joguèt a Monegue, a l’Inter, en Anglatèrra... Lei mai ancians se remembran tanben dau paire Djorkaeff, Jean, que foguèt seleccionat 48 còps en esquipa de França e que joguèt mai de 400 partidas de campionat amb l’OM, Lion e París.
Maldini tanben es un nom que s’es passat de paire en filh. Cesare, puei Paolo, faguèron lo bonaür de l’AC Milan, que la direccion dau club italian a decidit de retirar lo numèro 3 de l’esquipa. Lei Maldini son d’alhors lei solets paire e filh qu’an ganhat la liga dei campions coma capitanis. Coma polida sucession, fau tanben nomenar Shaun Wright-Phillips, qu’es lo fiu adoptiu de Ian Wright, l’ancian atacant d’Arsenal.
I a tanben de noms que son pas de bòn portar coma, Cruiff (amb lo pichon Jòrdi), o Schmeichel, que son fiu es tanben gardian en Anglatèrra.
La familha, son tanben de fraires. Per lei mai coneguts, i a lei Laudrup, que mostrèron son talent dins cada grand campionat europèu, e coma lei fraires bessons De Boer amb l’Ajax o lo Barça.
Uei, son lei fraires Ayew que fan parlar. Lei jogaires clau de l’OM son lei fius d’Abedi Pelé, que ganhèt en 93 la Copa d’Euròpa amb lo club focèu.
Doas anecdòtas per acabar: la primiera se debana en 1996 a Tallinn, ont Estònia encòntra Islàndia. En fin de partida, Arnór Guðjohnsen, 35 ans, es remplaçat per… Arnór Guðjohnsen, son fiu de 17 ans, un fach unic dins l’istòria dau fotbòl internacionau.
Mai estonant encara, es aquela istòria dau debut dau sègle, en Belgica. Arie Van der Graaf èra un jogaire dau Racing Brussèlas. Son fraire besson, Peter, per còntra, aviá pas drech de jogar per aqueu club, eu qu’èra de nacionalitat estrangiera, mai l’empachèt pas de remplaçar son fraire quora èra malaut, nafrat, e mai quora èra cansat a la pausa d’una partida. Aqueu secret foguèt gardat dins lo club, lòngtemps après la fin de carriera dei dos fraires.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari