Opinion
Gardem l’ora del país
Autis còps, cada endreit aviá son ora locala, fixada sul solelh. D’un vilatge a l’aute, l’ora cambiava qualque pauc. Pr’aquò le 15 de març 1891, l’ora legala francesa s’impausèc a tot l’Estat. Atal, tot marchava al ritme de París. Aquela ora correspondiá a l’ora GMT del meridian de Greenwich, qu’ara disen “Temps Universal”.
L’ora d’ivèrn (GMT + 1 ora) datariá de l’ocupacion alemanda. E l’ora d’estiu (GMT + 2 oras) arribèc ambe la presidéncia de Giscard d’Estaing, amb le pretèxte de hèr economias d’energias.
L’ora es una cultura
Pr’aquò, nòsta ora ancestrala es pas aquela. Es la del solelh. Es la sola ora vertadièrament universala. Viure a l’ora locala vòl díser que quand es miègjorn a Baiona es al còp miègjorn e mièja a Niça. Aquò rai!
Díser qu’es mès simple d’aver una sola ora per un sol territòri es malonèste. Es la madeisha pensada que pretend qu’es mès simple d’aver tanben una sola lenga, una sola moneda, una sola istòria, una sola religion etc. Alavetz ara que tot se “mondializa”, que caldriá hèr al nivèl de la planeta? Una sola ora per adobar la vida dels paures occidentals que viatjan pertot en avions privats?
Nos devèm pas deishar anar a la canha d’imaginar alternativas mès intelligentas e mès justas. Coma èm capables de nos adaptar a las variacions localas de la lenga sense impausar nòsta forma, podèm tanben plan facillament passar d’una ora a una auta, e gardar nòsta ora locala coma referença personala.
Vórguer una sola ora legala pertot es la madeisha logica que totas las logicas simplistas d’uniformazacion. En realitat, ende se hèr la vida mès simpla, fòrçan les autis a hèr coma elis.
Es parièr ende les oraris de trebalh, dels comèrces, dels repèishes etc. Segudar le ritme del solelh, ende nosaus de l’Euròpa del sud, es tanben saber hèr miègjorn ende evitar le calimàs, e pas prénguer le trebalh a 13h30 e tornar a l’ostal a 17h00 coma ac hèn las administracions francesas.
Nos cal pas renonciar a nòsta cultura. Nos cal tornar prénguer totas las practicas nòstas e ancestralas. La dependéncia a l’Estat francés i es tanben dins sa manièra de ritmar nòstas jornadas e nòstas vidas. Per nos ne liberar, passem a l’ora locala!
Ende passar a l’ora locala
Çò de prumèr: cal partir de l’ora GMT que correspond a l’ora locala de Marmanda. En gròs, i podètz ajustar 5 minutas per cada 100 km a l’èst, e ne tirar 5 minutas per cada 100 km a l’oèst.
Aquí la formula:
ora GMT decimala + (24/360 × longituda decimala en degrès) = ora locala
Exemple per l’ora locala d’Espèrça:
Ora GMT: 12 oras 00 minutas = 12,00 oras
Longituda d’Espèrça: 1°25’ = 1,4166666 degràs
(60’=1°, donc 25’=0,416666°)
12,00 + (24/360 × 1,416666) = 12,094443 oras decimalas = 12 oras 5 minutas 39 segondas
(0,094443 ora =5,6666 minutas)
(e 0,6666 minuta = 39 segondas)
L’ora d’ivèrn (GMT + 1 ora) datariá de l’ocupacion alemanda. E l’ora d’estiu (GMT + 2 oras) arribèc ambe la presidéncia de Giscard d’Estaing, amb le pretèxte de hèr economias d’energias.
L’ora es una cultura
Pr’aquò, nòsta ora ancestrala es pas aquela. Es la del solelh. Es la sola ora vertadièrament universala. Viure a l’ora locala vòl díser que quand es miègjorn a Baiona es al còp miègjorn e mièja a Niça. Aquò rai!
Díser qu’es mès simple d’aver una sola ora per un sol territòri es malonèste. Es la madeisha pensada que pretend qu’es mès simple d’aver tanben una sola lenga, una sola moneda, una sola istòria, una sola religion etc. Alavetz ara que tot se “mondializa”, que caldriá hèr al nivèl de la planeta? Una sola ora per adobar la vida dels paures occidentals que viatjan pertot en avions privats?
Nos devèm pas deishar anar a la canha d’imaginar alternativas mès intelligentas e mès justas. Coma èm capables de nos adaptar a las variacions localas de la lenga sense impausar nòsta forma, podèm tanben plan facillament passar d’una ora a una auta, e gardar nòsta ora locala coma referença personala.
Vórguer una sola ora legala pertot es la madeisha logica que totas las logicas simplistas d’uniformazacion. En realitat, ende se hèr la vida mès simpla, fòrçan les autis a hèr coma elis.
Es parièr ende les oraris de trebalh, dels comèrces, dels repèishes etc. Segudar le ritme del solelh, ende nosaus de l’Euròpa del sud, es tanben saber hèr miègjorn ende evitar le calimàs, e pas prénguer le trebalh a 13h30 e tornar a l’ostal a 17h00 coma ac hèn las administracions francesas.
Nos cal pas renonciar a nòsta cultura. Nos cal tornar prénguer totas las practicas nòstas e ancestralas. La dependéncia a l’Estat francés i es tanben dins sa manièra de ritmar nòstas jornadas e nòstas vidas. Per nos ne liberar, passem a l’ora locala!
Ende passar a l’ora locala
Çò de prumèr: cal partir de l’ora GMT que correspond a l’ora locala de Marmanda. En gròs, i podètz ajustar 5 minutas per cada 100 km a l’èst, e ne tirar 5 minutas per cada 100 km a l’oèst.
Aquí la formula:
ora GMT decimala + (24/360 × longituda decimala en degrès) = ora locala
Exemple per l’ora locala d’Espèrça:
Ora GMT: 12 oras 00 minutas = 12,00 oras
Longituda d’Espèrça: 1°25’ = 1,4166666 degràs
(60’=1°, donc 25’=0,416666°)
12,00 + (24/360 × 1,416666) = 12,094443 oras decimalas = 12 oras 5 minutas 39 segondas
(0,094443 ora =5,6666 minutas)
(e 0,6666 minuta = 39 segondas)
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquí un subjèct originau e fòrça enteressant.
Mès, digatz, i a quicòm de faire, francament, per qu'aquò chamge ? Vese pas sus lo site de l'associacion "La méridienne" qu'agon capitat d'obténer un retorn a l'ora anciana.
Crese ben que sariá pas marrida causa aquò ! Coma totjorn, sèm de lònga a menar batuèsta, ensajant de tornar préner la camin de las causas senudas e bònas per la collectivitat e sa libertat de causir aquò melhor per ela.
I a una associacion per tornar a l’ora vièlha, o ora del solelh, que se tròba a Valença: http://lameridienne.over-blog.org/
#2 plan d'acòrdi, trabalhar mai l'ivèrn que l'estiu es una conariá !
Car amic, soi completament d'accòrdi amb tu per tornar a l'ora solària, me sembla que lo principal, coma zo dises a un moment, es mai que mai l'inadequacion de nòstres ritmes socials als ritmes naturals (que sian solaris o biologics)...
l'amic, aquita as bèn rason, aquela putanassa d'ora d'estiu es un monstre que nos copa de la realitat de cade terraire, sabiàu pas que l'ora unenca -que significa uniforma e non pas unica datava de 1891, aco es d'aièr, que ma paura maire venià de naisser un an aupravant e que lei mostras solàrias nostreis avis an contunhat long-temps a se ne servir
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari