Cristòu Daurore

Director de Ràdio Nissa Pantai, Centre Cultural Occitan País Nissart e Alpenc (que fèsta en lo 2021 50 ans d'existéncia, veire lo numero especial dei 50 ans de La Beluga). Teatrista dins la Chorma Nissa Pantai.
 
Professor d'occitan niçard en Primari, Collègi e Licèu Sasserno de Niça (privat sota pacti), ensenhant associatiu d'Occitan niçard (Niça) e vivaroalpenc dals Palhons (Coarasa, Pelhon). Fondator de la segonda Calandreta de Niça, la soleta demorant dins lu Aups Maritimes (dubertura per la rentrada dau 2021 - 2022). 
 
Animator socioeducatiu per un Centre d'Acuelh de Demandaires d'Asili a La Raiana (Niça). Engatjat dins la societat per la lenga occitana, l'equitat e lu respèctes dei drechs dei enfants, de la frema e de l'òme.
 
President de la República de Nissa (federada emb lo Govèrn Provisòri de la Republica Federala e Democratica dei País Occitans), que fa viure la moneda locala lo "Nissart".