Joan-Carles Martí i Casanova

Joan-Carles Martí i Casanova. Nascut a Marselha en 1958 de parents e grands valencians d’Elx. Visquèt a Marselha fins a 9 ans e a Sydney (Austràlia) fins a 15. Viu a Elx dempuei 1973. Es un deis activistas mai coneguts per la lenga catalana au sud dau País Valencian.  Romancier, ensagista, poèta, autor d’articles e sociolingüista, a publicat 5 libres en catalan. Lingüista e especialista dei parlars de l’Extrèm Sud dau País Valencian. Fuguèt professor de catalan per adultes durant sa jovença. President fondador de l’associacion per la lenga catalana El Tempir d’Elx (1993-2008). A un mastèr de Traduccion e Interpretacion per l’Universitat d’Alacant: especialitat anglés amb francés a partir dau castelhan e dau catalan. Licenciat de Torisme. Es lo Cap Tecnic de Gestion e Promocion Toristicas de Guardamar del Segura  —la comuna mai miegjornala de lenga catalana—. Especialista en promocion e marketing toristics dempuei 1985.. Assistiguèt a l’Universitat Occitana d’Estiu a Ate (Comtat Venaicin) en 1981 e es estat promotor de relacions entre occitans e valencians miegjornaus a Elx e a l’entorn.