Lou Dàvi

Lou Dàvi [Lo Dàvid] es un autor-compositor e interprèt tolosan. Desvolopa una faiçon d’arrambar lo cant que combina l’spoken-word, las targas verbalas, lo raggamuffin, los cants tradicionals e las modalitats mediterranèas al servici d’una oralitat populara e de la poesia, e aquò o fa en francés tant coma en occitan. 
 
En març de 2012, Lou Dàvi foguèt laureat dels Trofèus d’Òc que la region de Miègjorn-Pirenèus remetiá dins la categoria “espectacle viu”. Foguèt un dels laureats de la borsa Toulous’Up 2012, atribuida per la comuna de Tolosa, amb l’espectacle Lou Dàvi & Pythéas [Lo Dàvid & Piteàs].