Tònho Castet

Jusèp Antòni Castet Varela (Tònho Castet) ei musician e activista dera lengua en Aran. Diplomat en Psicologia e mastèr en direccion de vendes, a trabalhat enquia sa jubliacion en 2015 coma executiu en Espanha d’ua Multinacionau d’Assegurances francesa. En occitan ten en DCL C1 deth Ministèri francés dera Educacion Nacionau e eth Nivèu C d'occitan aranés deth Conselh Generau d'Aran.
 
Ei president e fondador dera Associacion Es Paums tà promòir era musica, era lengua e era cultura aranesa. Tòque er acordeon en Grop Musicau Es Paums. Promò accions de dinamizacion culturau en sòn pòble Vilamòs, se li vague revire tèxtes classics e modèrnes ar aranés.
 
Escriu articles coma opinaire en Jornalet, Gaseta Occitana d’Informacions, collabòre damb era revista scientifica Sapiencia.eu., amie eth Grop de Convèrsa Occitan/Aranés dera Universitat de Lleida.
 
Coma traductor a revirat en aranés tres albums de Tintin, Alícia en País des Meravilhes de Lewis Carrol (Conselh Generau d'Aran, 2019) e huelhetons tar Institut d’Estudis Aranesi, Acadèmia aranesa dera lengua occitana, deth quau n'ei membre e hè part dera comission deth Diccionari der aranés.