CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimars, 16 de julh

Patric Roux

Dimècres, 30.9.2015 03h00

Catalonha: un vòte clar, franc, massís


Comentaris 5 comentaris    
Dolent Fluix Bo Molt bo Fabulós (5 vòtes)
carregant En cargament


Los catalans votèron massissament aqueste dimenge per prene en man lor avenidor en se portant clarament sul vòte en favor de l’independéncia. Las doas listas independentistas  d’Amassa per l’Òc (Junts pel Sí) e de la CUP, lo partit de l’esquèrra radicala, obtenguèron amassa lo 47,8% dels sufragis fàcia a autras nòu listas. La victòria independentista es d’aitan mai legitima que lo taus de participacion culminèt a mai del de 77%.  
 
Amb 72 elegits sus 135, la majoritat absoluda al Parlament de Catalonha es doncas aquesida als independentistas e lo procès d’independéncia es desenant en marcha. 
 
Acusats d’egoïsme per Madrid qu’assaja ara d’explicar la causida catalana per la poténcia economica de la Genealitat coma per la màger part dels mèdias francesa que cèrcan mai que mai lors informacions a Madrid, los electors catalans an totun literalament evacuat la drecha tradicionala de l’escaquièr politic. La revendicacion independentista, istoricament ancorada a esquèrra, a sauput convéncer qu’aquela via èra la soleta per la justícia sociala, la solidaritat e lo melhor barri contra l’austeritat. Amassa per l’Òc e la CUP sostenon las revendicacions feministas, la defensa del drech del trabalh, de l’environament e dels serviciis publics, bèla pròva qu’aquel movement a pauc a veire amb los luòcs comuns que la premsa francesa sovent li assòcia. Lo partit Podèm (Podemos), en tergiversant sul drech a l’autodeterminacion catalana, pervenguèt pas, el, a convéncer e atenh pas lo 9% dels vòtes.  
 
Ara Euròpa o ganhariá tot amb una republica catalana en son sen, ont la democracia aurà tornat trapar tot son sens. Los candidats d’Amassa per l’Òc an recordat qu’en cas d’independéncia defendràn lo principi de solidaritat dintre Euròpa e la necessària pluralitat d’una nacion qu’a partejat tantas causas amb Espanha.  
 
Res se deu pas opausar, ara, a la democracia ni a la causida sobeirana dels quites catalans.
 
Lo Partit Occitan sosten d’a fons lo procès en cors e desira qu’inspire positivament los pòbles d’Euròpa.



publicitat
BANER1-2-3: DGPL AN LAFONT



Comentaris

30 de setembre 18.34h

Per aqueles que m'an marcat de sagetas rojas, an pas qu'a s'imaginar un resultat contrari : 52,2% de las voses per l'independéncia e pas que 63 deputats (del 135) . Seriá pas "un vòte clar, franc, massís" en favor de l'independéncia?


Valora aquest comentari:   votar positiu 4   votar negatiu 3
Respondre comentari replica Comentari inadequat   Formulari d'abús de comentari

30 de setembre 13.49h

Excellent analisi del Martèl, ne dirai pas mai. Mas atencion als estrambòrds : lo vòte es « massís », d'acòrdi (77 % de participacion, fa longtemps qu'avèm pas vist aquò pel canton!), « franc », segurament, mas « clarament en favor de l'independéncia » o es pas encara. Me sembla que l'independéncia se pòt pas contentar d'una majoritat de siètis, caldrà clarificar amb una majoritat de las voses dins un referendum vertadièr. A vèire encara l'actitud de Madrid...


Valora aquest comentari:   votar positiu 8   votar negatiu 4
Respondre comentari replica Comentari inadequat   Formulari d'abús de comentari

30 de setembre 11.36h

Quauques remarcas :
-la bona novèla es que los neo-falangistas de Rajoy an perdut pas luenh de la meitat de lors deputats, maugrat lor clip grotesc ont assajavan de parlar un catalan aproximatiu. Los « socialistas » pèrdon tanben, mas mens. Los que recuperan lors voses son los clones dau PP, Ciudadanos, que solets de jornalistas franceses ignorants poion considerar coma de « centre drecha progressista », e que juan de lor discors anti-corrupcion (en essent pas au poer enluec, segur que ri... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

30 de setembre 10.13h

#1
E dins l'estat francés lo Partit Occitan refusa de se prononciar per l'independéncia d'Occitània.
Per las eleccions regionalas de decembre de 2015 en Occitània Centrala s'aliga contra natura damb los ultràs nacionalistas franceses del Parti de Gauche
En Occitània Junts pel Si s'apelaria o se podria apelar Front Democratic Occitan ... lo Partit Occitan ne vòl pas.


Valora aquest comentari:   votar positiu 7   votar negatiu 4
Respondre comentari replica Comentari inadequat   Formulari d'abús de comentari

30 de setembre 08.54h

Lo Partit occitan es per l'independéncia... en Catalonha. Plan solide!


Valora aquest comentari:   votar positiu 7   votar negatiu 3
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Perfil

Patric Roux

Patric Roux logo rss

Secretari federal del Partit Occitan (PÒC) e èx-director de l’Estivada. Dempuèi 2009 participa activament al reforçament interregional e a la creacion culturala occitana, mai que mai amb Catalonha e Piemont.

mai d'informacions

contactar l'autor

Archius




D'autres articles


Jornalet, gaseta occitana d'informacions