Diluns, 6.9.2021 03h00
Mon cap de patrolha nos contava aquesta galejaa mai de 7 ans denant qu'un umorista coneissut la difuse.
Maria Ròsa, una estajanta de La Ribiera, un masatge d'aicí, aguèt un "dégadézo", traduccion: lo pesquier dau vesin sobran s'èra rot e lo barri de la chambra de Maria Ròsa es estach tot banhat e la pintura partia en doga. L'assegurança donèt los pítols per repintar. Au mercat de'n Guilhèrmes, a vist un òme de Tirabo que fasia tot e subretot de pintura. An pres apontament.
Lo jorn vengut, lo pintre charguèt son charabraç de la pintura que chalia, de sa blòda e de quarques rups de vin (1 rup= quasi 8 litres). S'es begut un gòt, mandèt de saliva a las mans e comencèt de tirar lo charreton. Denant d'arribar au pònt daus Robèrts s'assetèt un pauc a l'ombra de la chalancha en lo trauc que veiètz da chamin de Niça.
(De seguir)
Comentaris
No hi ha cap comentari
Comenta
Lo comentari es estat mandat corrèctament
Pas cap de comentari
(3 vòtes)
En cargament
Pas cap de comentari
Mandar
