Diluns, 16.1.2023 03h00
Son ancara doas comunas que charran vivaroalpenc dau país mentonasc: Ròcabruna e Sant Anhe.
Pi una autra que fuguèt bastia per los Lascaris de Vintimilha, qu’a gardat lo nom toscanizat de Gorbio. Avio emparat que si sonava Gòrbs, cauva confirmaa sus la plaça als aubres de Mentan per un plantolierista d’aquela vila.
Ai vist finda que lo monde dison en mentonasc propriament dich, valent a dire de la ciutat de Mentan: çò que poiriam escriure d’oralitat “Goha” (escrich totjorn Gòrbs en grafia classica).
Ai vist tanben lo nom sota una autra forma mièg toscanizaa, Gorbi, nom dau flume que sa fos es entre Mentan e Ròcabruna.
Gòrbs qu’es estat sonat Coarbo en 1376 me fa pensar a Gorbelon. Benlèu que en ribas dau flume eran de sauves per tressar de corbelons.
Comentaris
No hi ha cap comentari
Comenta
Lo comentari es estat mandat corrèctament
Pas cap de comentari
En cargament
Pas cap de comentari
Mandar
