Dijòus, 6.1.2022 03h00
L’obratge de 2006 sus la crotz occitana[1] èra un libre de vulgarizacion que porgissiá 400 illustracions correspondent a l’istòria o a l’actualitat e de complements variats. Lo tèxte de presentacion balhava fisèlament divèrsas ipotèsis sus l’origina de nòstre emblèma prepausadas al sègle XX per d’erudits e d’istorians sens ne far la critica; simplament, fasiái valer qu’èran sovent en contradiccion entre elas e mai que mai balhadas sens pròvas.
L’obratge de 2021[2] es un libre d’istòria que presenta d’informacions novèlas basadas sus de recèrcas recentas. Las indicacions s’apèvan sus de pròvas: monedas, sagèls, bullas, tèxtes, pinturas, gravaduras. Las ipotèsis prepausadas per d’erudits dins lo passat son questionadas, e sovent, contestadas. Pr’aquò d’unas se tròban encara uèi dins d’articles, de libres o sus internèt. Me pensi que constitüisson de punts en debat.
De mai, citi los autors màgers qu’esclairan l’origina de la crotz occitana que fòrça istorians sitüisson en Provença al mièg del sègle XII; seguís una cronologia pro precisa que comença vèrs 1150 e se perseguís los sègles seguents. Aquesta cronologia pòt èsser completada o, quitament, contestada se d’autras pròvas son portadas.
Vaquí una lista de punts en debat:
— D’ont ven?
— La legenda d’Emma de Provença
— A prepaus de Raimond de Sant Gèli
— Especificitats provençalas
— Crotz pisana
— Cronologia
— Familha Tolosa-Lautrec
— Noms
— Emblèmas e bandièiras
Pretendre escriure un libre d’istòria es una escomesa. O ai fach amb seriós e modestia. L’istòria de la crotz occitana s’escriu progressivament. Receurai atentivament criticas, complements, contra-proposicions apevadas sus de pròvas o sus de recèrcas recentas. Mercegi
Jornalet d’o permetre.
[1] La croix occitane Nouvelle édition augmentée. Institut d’Études Occitanes du Tarn. Novembre 2006.
[2] Histoire de la croix occitane, croix de Toulouse, croix de Provence, croix du Languedoc. Institut d’Études Occitanes du Tarn. 1
er trimestre 2021.
Comentaris
6 de genièr 16.43h
Un de mai
https://www.alamyimages.fr/photo-image-croix-nestorienne-781-a-d-ncross-inscrits-sur-la-stele-nestorienne-erige-en-781-apres-j-c-a-l-occasion-de-l-introduction-du-christianisme-dans-la-chine-des-t-ang-situe-dans-sian-fu-chine-95809939.html?pv=1&stamp=2&imageid=D16CF797-D9C1-4F79-9994-5AC6B62D1552&p=294647&n=0&orientation=0&pn=1&searchtype=0&IsFromSearch=1&srch=foo%3dbar%26st%3d0%26pn%3d1%26ps%3d100%26sortby%3d2%26resultview%3dsortbyPopular%26npgs%3d0%26qt%3dnestorian%2520cross%26qt_... Legir la seguida
Valora aquest comentari:
2
0
1
Comenta
Lo comentari es estat mandat corrèctament
Un comentari
En cargament
Un comentari
Mandar
