Opinion
Sortida del ghetto
Tèxte legit
L'occitanisme es claufit de bonas gents,
De monde que combaton per la dignitat,
E lutan contra las atacas d'un estat
Que se ritz de nos far trabucar dins lo fems.
Lo president e los ministres parisencs
Dintre un ghetto mental nos an deportat.
Dison: "A l'escòla o a l'universitat,
Acceptarem qualques magres ensenhaments
De lenga. Mas per çò de la vida publica,
De Carta o de Lei, ne volem pas saber brica".
Rai! Lor condemnacion es pas definitiva.
Parlem la lenga en familha e per la carrièra!
Reivindiquem nòstra ambicion! Pro de lassièra
Se volem téner una lenga encara viva!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quo es ben brava!
E ieu quo es per la terra rufa e doça
De mon païs rosse e verd dels boscs prunds e blos
qu'a vougut gardar ma lengua à la boca
E cantar son biais emb dels lindes mots!
Amistat!
La melhor defensa de la lenga es l'emplegar: la parlar, l'escriure, l'escotar. Sovent sonque la parlar per carrièras pòt èsser un acte d'eroïsme. Longa vida als eròis!
Letras mai sensadas qu aquelas ieu ai pas sovent legit
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari