Opinion
L’engana de la via de granda velocitat (LGV) Tolosa-París
Aprèp la reflexion subre l’engana de la LGV a la francesa, un estudi mai detalhat subre lo projècte de Via Granda Velocitat (LGV) Tolosa-París
La diminucion del temps de trajècte entre París e Tolosa es necessari per reduire la part de l’avion dins aqueste tipe de desplaçament. E mai, es fondamental de procedir als amenatjaments ferroviaris a l’entorn e dins las garas de Tolosa e Bordèu per respondre a las necessitats dels abitants de las doas aglomeracions.
Aquí, tanben, avèm un debat entre la causida d’infrastructura nòva de tipe LGV a la francesa o una renovacion de la linha de tren existenta amb de Tren a Granda Velocitat al estandard internacional (TGV). E mai, la causida del TGV deu èsser associada a una renovacion de la linha POLT (París-Orleans – Lemòtges-Tolosa).
En primièr, estudiam lo temps del trajècte, e mai s’es qu’un punt del debat. LGV a la francesa o TGV al estandard internacional subre la linha existenta, aurem un gasanh de temps.
Lo mite proclamat pels sostens de la LGV a la francesa: París- Tolosa en 3h o mens non existirà. Lo Ret Ferrat de França (RFF) o reconeis. Un trajècte París-Tolosa poiriá préner 3h04 mas sens arrèst a Bordèu o enlòc entre París e Tolosa. En realitat, caldriá 3h14 per faire París-Bordèu-Tolosa amb los trens que faràn un sol arrèst a Bordèu. La diferéncia amb un TGV subre una linha existenta renovada seria quicòm coma 30 minutas.
En segond, estudiam los còstes. En seguida del debat public a la fin de 2005, RFF causiguèt la realizacion d’una LGV a la francesa e non pas la renovacion de la linha amb de TGV amb un projècte a 5 milions d’euros lo quilomètre, siá environ 1,6 milhards d’euros pel tròç entre Bordèu e Tolosa.
En 2010, RFF estima la LGV a 4,3 milhards,siá quicòm coma 20 milions d’euros lo quilomètre mentre que la renovacion de la linha existenta èra estimada a 1,2 milhards d’euros segon RFF.
En 2013, lo prètz de la LGV entre Bordèu e Tolosa es estimada a environ 6 milhards èuros en exclusent los amenatjaments ferroviaris al sud de Bordèu e al Nòrd de Tolosa (estimats a 613 milions e 566 milions d’èuros).
Uèi, sembla qu’un estudi intèrne de RFF estimariá a sonque 2 milhards d’euros la renovacion de la doas vias classicas de Bordèu-Tolosa e Bordèu-Espanha (Biriato).
En tresen, estudiam los impactes economics. Dins lo contèxte de penuria financièra impausada a l’Estat e a las collectivitats, lo finançament d’una via LGV nòva es pausat, se prenèm en compte la necessitat de finançar d’autre projèctes coma la ligason Bordèu-Espanha e Tolosa-Narbona, sens comptar lo necessari finançament del transpòrt urban de Tolosa, Bordèu e Montpelhièr. La vetustat de la ligason Tolosa-Narbona-Montpelhièr es encara mai cridanta dins lo contèxte d’una fusion de las Region Miègjorn-Pirenèus e Lengadòc-Rosselhon. Los quites cònsols Joan-Luc Modenc e Felip Saurel (cònsol de Montpelhièr e Tolosa e Presidents de lor Comunautat d’aglomeracion) diguèron que la realizacion de la ligason Tolosa Narbona es una prioritat e mai se, suls papièrs, sa mesa en servici es prevista en 2025. Prioritat que pareis compromesa per l’envestiment que representariá la LGV Bordèu-Tolosa per Tolosa Metropòli e la region nòva.
Per ço que concernís lo fret, cal remembrar que las vias LGV a la francesa non pòdon suportar los trens de merces, ni mai los tren TER o RER de trafec local. En comparason, las linhas renovadas supòrtan tant lo fret coma los trens locals amb un nivèl de securitat enforçat.
En conclusion, de trens (TGV) rapids entre París e Tolosa son necessaris, mas non pas al prètz d’una LGV que fa córrer lo risc del repòrt o de l’abandon de nombroses projèctes d’envestiments: renovacion de la linha POLT (París-Orleans – Lemòtges-Tolosa), de la linha Tolosa-Narbona, de las linhas regionalas e inter-regionalas, desvolopament de transpòrts collectius urbans e rural…
Non son París-Tolosa e París-Dacs que son necessaris mai de rets regionals e d’aglomeracions connectadas a una ret europèa de trens de viatjadors e de fret vèrs Bilbao e Madrid d’un latz e Gènoa e Barcelona de l’autre.
La question es de trabalhar subre la ret existenta, coma o fan los alemands dempuèi 10 ans.
La diminucion del temps de trajècte entre París e Tolosa es necessari per reduire la part de l’avion dins aqueste tipe de desplaçament. E mai, es fondamental de procedir als amenatjaments ferroviaris a l’entorn e dins las garas de Tolosa e Bordèu per respondre a las necessitats dels abitants de las doas aglomeracions.
Aquí, tanben, avèm un debat entre la causida d’infrastructura nòva de tipe LGV a la francesa o una renovacion de la linha de tren existenta amb de Tren a Granda Velocitat al estandard internacional (TGV). E mai, la causida del TGV deu èsser associada a una renovacion de la linha POLT (París-Orleans – Lemòtges-Tolosa).
En primièr, estudiam lo temps del trajècte, e mai s’es qu’un punt del debat. LGV a la francesa o TGV al estandard internacional subre la linha existenta, aurem un gasanh de temps.
Lo mite proclamat pels sostens de la LGV a la francesa: París- Tolosa en 3h o mens non existirà. Lo Ret Ferrat de França (RFF) o reconeis. Un trajècte París-Tolosa poiriá préner 3h04 mas sens arrèst a Bordèu o enlòc entre París e Tolosa. En realitat, caldriá 3h14 per faire París-Bordèu-Tolosa amb los trens que faràn un sol arrèst a Bordèu. La diferéncia amb un TGV subre una linha existenta renovada seria quicòm coma 30 minutas.
En segond, estudiam los còstes. En seguida del debat public a la fin de 2005, RFF causiguèt la realizacion d’una LGV a la francesa e non pas la renovacion de la linha amb de TGV amb un projècte a 5 milions d’euros lo quilomètre, siá environ 1,6 milhards d’euros pel tròç entre Bordèu e Tolosa.
En 2010, RFF estima la LGV a 4,3 milhards,siá quicòm coma 20 milions d’euros lo quilomètre mentre que la renovacion de la linha existenta èra estimada a 1,2 milhards d’euros segon RFF.
En 2013, lo prètz de la LGV entre Bordèu e Tolosa es estimada a environ 6 milhards èuros en exclusent los amenatjaments ferroviaris al sud de Bordèu e al Nòrd de Tolosa (estimats a 613 milions e 566 milions d’èuros).
Uèi, sembla qu’un estudi intèrne de RFF estimariá a sonque 2 milhards d’euros la renovacion de la doas vias classicas de Bordèu-Tolosa e Bordèu-Espanha (Biriato).
En tresen, estudiam los impactes economics. Dins lo contèxte de penuria financièra impausada a l’Estat e a las collectivitats, lo finançament d’una via LGV nòva es pausat, se prenèm en compte la necessitat de finançar d’autre projèctes coma la ligason Bordèu-Espanha e Tolosa-Narbona, sens comptar lo necessari finançament del transpòrt urban de Tolosa, Bordèu e Montpelhièr. La vetustat de la ligason Tolosa-Narbona-Montpelhièr es encara mai cridanta dins lo contèxte d’una fusion de las Region Miègjorn-Pirenèus e Lengadòc-Rosselhon. Los quites cònsols Joan-Luc Modenc e Felip Saurel (cònsol de Montpelhièr e Tolosa e Presidents de lor Comunautat d’aglomeracion) diguèron que la realizacion de la ligason Tolosa Narbona es una prioritat e mai se, suls papièrs, sa mesa en servici es prevista en 2025. Prioritat que pareis compromesa per l’envestiment que representariá la LGV Bordèu-Tolosa per Tolosa Metropòli e la region nòva.
Per ço que concernís lo fret, cal remembrar que las vias LGV a la francesa non pòdon suportar los trens de merces, ni mai los tren TER o RER de trafec local. En comparason, las linhas renovadas supòrtan tant lo fret coma los trens locals amb un nivèl de securitat enforçat.
En conclusion, de trens (TGV) rapids entre París e Tolosa son necessaris, mas non pas al prètz d’una LGV que fa córrer lo risc del repòrt o de l’abandon de nombroses projèctes d’envestiments: renovacion de la linha POLT (París-Orleans – Lemòtges-Tolosa), de la linha Tolosa-Narbona, de las linhas regionalas e inter-regionalas, desvolopament de transpòrts collectius urbans e rural…
Non son París-Tolosa e París-Dacs que son necessaris mai de rets regionals e d’aglomeracions connectadas a una ret europèa de trens de viatjadors e de fret vèrs Bilbao e Madrid d’un latz e Gènoa e Barcelona de l’autre.
La question es de trabalhar subre la ret existenta, coma o fan los alemands dempuèi 10 ans.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Recentament aviam previst per avança de passar una setmana a Paris e doncas de partir dins dos meses .
E ( coma soi filh d 'emplegat de la SNCF) de prendre lo tren (fa bèl temps que l'ai pas fach) e per astre de poder benlèu tastar pèl primièr còp del TGV , e de rotlar a 300 qm/o que la linha o permetèsse.
Senhali qu'avèm drech als bilhets redusits pels retirats ...
Primièra leiçon la primièra classa es fòrça cara. ( doncas adieu primièra)
Segonda constatacion la segonda classa es cara ( merces plan la vida).
Lo temps per arribar sarra las sèt oras e mai , pels qu'aiman i passar la nuèch, e se prendre una liechòta. Cò qu'es mon cas. Aimi lo bruch de las ròdas la nuèch...
Soi nèci , ieu que cresiái que durava a pro pena 5 oras a l'ora d'ara... Istòria d' apasimar la femna.
Parlem pas del passatge per Limòges que pren la jornada o la nuèch (aquò's l'escalada per la fàcia nòrd).
I passèri una brava ora, dabans l'ecran del siti de reservacion SNCF a me desnisar lo mens car e lo pus aviat .
Me soveni pas pus de la chifra exacta , mas cresi que fin finala , costava a quicòm pròcha 180 euros AR , en segonda, per dos .
Mas la femna reneguèt sus la durada del viatge, e me diguèri : « perqué se far cagar ambe lo tren?» .
Anèri furgar sul siti de viatge de SNCF.com per cercar un vòl, convencut que lo prètz de l'avion , la diferéncia de prètz seriá l'argument decisiu... Tolosa Paris AR . 'magina Françon!
Ne sortiguèt qu' Air France èra la mens cara de las companhiás davant Easyjet : còst 192,56 euros . Durada 1 ora e vint minutas .
Diferéncia de prètz : 20 euros !!!!!
primièra evidéncia: per montar a Paris tant val melhor l'avion a l'ora d'ara e cresi pas qu' ambe los miliards pel TGV cambiarà grand causa a l'analisi e a la resulta .
Conclusion:
Ne ven tot naturalament que lo flum d'argent previst per jogar a Paris Tolosa en 5 oras en TGV es una asenada . E que serià un crimi de pas lo metre dins la renovacion de las linhas vièlhas e d'arrestar de tampar las garas dins Occitania. Tot en sabent que la region faguèt fòrça trabalhs, mas que clavèt fòrça garas e linhas coma la linha de B de Luchon , e d'autres encara .
Al cap lo TGV es vengut un caprici d'elegits qu'an paur de l'avion, mas que vòlon quitament montar d'aviada a Paris per far los bèls al Lidò o endacòm mai. Que nos fagan votar e veirem ben se volèm montar a Paris en 3 oras o anar a Auch en 3 oras....
L'AVION justament parlem z'en :
L'estiu passat sèm anats en Sicília .
Ai passat d'oras e d'oras per nos trobar un viatge pas car , quite a passar per Paris, Lion , Marselha, Bordèu , Nantas, o Cantagut Uzaguet . Ressortiguèt de las oras de calcul d'estudis , d' assages de totas menas ; que levat d'aver de la familha dins aquelas vilas , (per estalviar sus (e/o) l'ostalariá o lo parcatge) , la capitala Tolosona de l'aeronautic europenca es un trauc perdut al fons d'un bled . Tolosa es l'androna de l'aeronautica mondiala . E lo tolosan paga car a cada còp que ne vòl sortir lo nas .
Totes los vòls per la Sicília de Franca son mens cars al despart de totas las grandas vilas de l'Emperi Papal Frances.
Aqueste còp lo comparatiu dels prètz faguèt ressortir qu'èra ALITALIA lo mens car : A-R cost 380 euros.
Mas per exemple lo vòl a partir de Marselha A-R costava que : 85 euros
Lo pus bèl es que de Sicília an dels vòls ambe Vuelig; Palerme- Compiègne a 40 euros A-R. Un sicilian pivelat pels normands que volia visitar Rouen e que nos mostrèt sa bilhèta. Ne tombèri de cuol!
Conclusion : que siá per tren o per avion Tolosa se sona TERMINUS MINUS.
A se demandar perqué los Chineses vòlon se crompar Blanhac????
#3
Avètz de TGV que circulan per de vias ancianas. Son pas adaptadas per far passar de TGV. Los fan circular entre 150 e 200 km/h coma de trens ''classics''. Mentre qu'avètz de LGV que son reservadas per far passar sonque los TGV. Es pr'amor d'aquò qu'avèm lo TGV a Tolosa mas pòt pas circular a 300 km/h entre Tolosa e Bordèu o entre Tolosa e Narbona.
#1 Lo voide se fa entre Tolosa, Bordèu e París, es vertat. Mas pensi pas que s'agisca d'un mesprés dels Lemosins. Pensi qu'an degut considerar que costavan tròp respècte a çò que raportariá, de passar per Lemòtges mailèu que per Bordèu. Lo financiarisme non es un servici public ! Un servici public servirá los Lemosins tant coma los autres, segon un principi (dempèi longtemps abandonat) d'egalitat territoriala. Lo financiarsime, coma la prostitucion, non cèrca pas l'amor, mas l'argent. Redistribuïr las riquesas permetiá benlèu d'equilibrar los territòris (al mens en teoria). Mas del mai va, e del mai se concentran las riquesas dins las mans dels especulators. Los autres, lo ciutadans ordinaris, an pas mai que de se partejar las micas. E aquí, un territòri ja sinistrat abans a pas grand esper de se'n poder relevar… Lo financiarisme modializat es l'aveniment de la barbariá generalizada. Res mens…
De qu'es la diferéncia entre LGV e TGV?
Çò segur, cal 5h30 en mejana per far un viatge en TGV entre Tolosa e París a l'ora d'ara. Un còp èra, lo tren que se disiá lo Capitòli botava un bricon mai de 6 oras quand passava per la ''vertadièra'' linha (Caors, Limòtges, Orelans, ...). Ara, cal comptar un pauc mai de 7 oras !! Es fòrça amenaçada aquela linha París Orleans Limòtges Tolosa (pr'amor d'un projècte de Linha de Granda Velocitat entre Limòtges e Peitius). L'SNCF vòl far barrar tanben los portanèls de l'estacion de Caors ...
Nos'n trufam que Tolosa siá a 3 o 4 oras de París. Çò melhor demorarà totjorn l'avion per anar a París dins de la ciutat mondina (tanplan al nivèl del temps coma de las tarifas). Pr'aquò, cal véser que Tolosa siá a 1 oreta de tren de Bordèu dins las annadas que venon (cal mai de 2 oras a l'ora d'ara !). Mas tanben que calga mens de temps per anar en tren entre Tolosa, Narbona e Montpelhièr o entre Tolosa, Narbona e Barcelona. Aquel projècte de LGV entre Bordèu e Tolosa aurà pas de sens se non fan pas una seguida cap a Mediterranèa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari