CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dissabte, 20 de julh

Jean-Charles Valadier

Dissabte, 29.9.2012 03h00

Influir subre lo debanament de la reforma territoriala


Comentaris Un comentari    
Dolent Fluix Bo Molt bo Fabulós
carregant En cargament


La majoritat nòva s’engatgèt subre l’elaboracion d’un pacte institucional nòu per los territòris de França, pacte que deviá rompre amb las practicas jacobinas e las tendéncias recentralizatrises del govèrn precedent. 
 
Avèm l’exemple del projècte de collectivitat unica d’Alsàcia, en mai lançat per la sola region governada per la dreita. Al contrari, per remediar a la supression de las ressorças pròprias de las regions e collectivitats localas per lo govèrn precedent, se pòt considerar una fiscalizacion locala d’una partida de las ressorças dels territòris.
 
Lo govèrn engatgèt la preparacion de la reforma de las collectivitats per los estats generals de la democracia territoriala amb tots los elegits locals . Deuriá consultar los responsables de las formacions politicas en octobre. Los occitans conscients de l’importància de la recuperacion dels poders regionals devon portar una vision decentralizatritz ambiciosa, e mai federalista. Devon sasir aquela ocasion per influir subre los cambiaments possibles.
 
Rapèli l’engatjament pres davant los Francés per los partenaris socialista e ecologista de la majoritat d’organizar de Conferéncias regionalas de las Competéncias dins cada region. Aquelas Conferéncias deurián reünir l’Estat amb las collectivitats territorialas regionalas per decidir de la reparticion de las competéncias non regalianas, per autorisar l’experimentacion de competéncias nòvas per los poders locals e assegurar la qualitat dels servicis publics locals. Aquelas Conferéncias poirián tanben prepausar de modificacions institucionalas que serián somesas a l’aprovacion del Parlament” (2012-2017: socialistas e ecologistas, ensem per combatre la crisi e bastir un autre modèl del viure ensemble, p. 24-25).
 
Ara, es als occitans de demandar als elegits seus de se posicionar dins los estats generals de la democracia territoriala que se debanan ara e de demandar la tenguda d’aquelas Conferéncias regionalas de las Competéncias.
 
Per ma part, vos vau descriure las proposicions dels elegits de Euròpa Ecologia Los Verds, partit que ne soi membre coma animator de la comission Region e federalisme.
 
Lo partit ecologista torna afirmar los principis de subsidiaritat, d’equilibri entre territòris e del respècte de las realitats istoricas e culturalas, coma guida de la reforma futura de las  collectivitats.
 
Lo partit ecologista defend una organizacion nòva dels nivèls institucionals amb:

La transformacion de las comunas e dels barris urbans coma nivèl privilegiat de la co-elaboracion de las politicas publicas per la democracia participativa;
 
L’acabament de las intercomunalitats en País , País que devon correspondre al territòri vertadièr de la vida sociala e economica dels abitants;
 
L’abandon de l’estatut de las Metropòlis, creat per lo govèrn precedent, estatut que met las ciutats grandas en concurréncia, qu’aumenta las inegalitats entre territòris rurals e urbans, e que repausa subre un modèl del desvolopament non sostenible de creissença infinida de las ciutats grandas;

Lo transferiment a las Regions de competéncias nòvas e e d’un poder normatiu vertadièr (reglamentari e perqué pas legislatiu), e la facilitacion de lor decopatge segon las realitats socialas, culturalas e istoricas, en seguissent lo principi d’autodeterminacion dels abitants;
 
L’afirmacion de las Regions coma motor de l’integracion europèa amb la gestion dels fons del solidaritat europèa, en primièr los de la PAC (Politica Agricòla Comuna), coma per los autres estats europèus, e amb la promocion de la cooperacion entre Regions frontalièras.
 
E mai, lo partit ecologista demanda l’aplicacion dels principis que seguisson a cada nivèl territorial:

L’autonomia fiscala de las collectivitats territorialas, amb una fòrta pereqüacion budgetària entre Regions e dins las Regions. Per exemple, la creacion d’un libret d’esparnha territorial poiriá mobilizar l’esparnha locala tan coma lo lançament d’emissions obligatòrias gropadas per las collectivitats territorialas;

La generalizacion de la representacion proporcionala, articulada amb un foncionament vertadièrament deliberatiu de las institucions territorialas, en partissent las assembladas deliberativas de lor executiu;

La facilitacion del dreit d’iniciativa en matèria d’experimentacion per las collectivitats territorialas, per préner en compte la diversitat dels territòris.
 
Coma lo faguèron los federalistas en general, e en particular los bretons, occitans, basques, catalan, alsacians, flamencs, creòls... dins lo partit ecologista, es als occitans de far de propòstas dins los lors partits o a lors elegits. 



publicitat
BANER1-2-3: DGPL TRADUCTOR



Comentaris

29 de setembre 10.15h

Mercés per totas aquelas indicacions. Que i chal arribar, esperam tot aiçò despí 1981.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Jean-Charles Valadier

Jean-Charles Valadier logo rss

Adjunt al cònsol de Tolosa en carga de la lenga e cultura occitana de 2008 a 2014, es membre de la comission Regions e Federalisme del partit Euròpa Ecologia Los Verds.

mai d'informacions

contactar l'autor

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions