CAPÇALERA: Nit arpiatana occitana cat
CAPÇALERA2: FAI-TE SOCI

Jornalet, gaseta occitana d'informacions

Dimars, 18 de junh

Jean-Charles Valadier

Divendres, 26.10.2018 03h00

De cadenas regionalas a vocacion generalista amb d’occitan cada jorn


Comentaris 2 comentaris    
Dolent Fluix Bo Molt bo Fabulós (10 vòtes)
carregant En cargament


París recupèra la redevença audiovisuala de totas las regions de França mas concentra los mèdias e distribuís l’emplec audiovisual d’un biais tant centralizat que l’Estat central non o pòt pas mai assumir financièrament. Per reequilibrar los comptes, una novèla reforma de l’audiovisual public es prevista per fin 2018 amb una presidéncia unica per totes los mèdias publics, la supression o fusion de França 4 e France O, la reforma del CSA... Pasmens, amb la supression de França 4 del canal hertzian. França Televisions proposariá dos novèls mèdias parisencs, un subre l’art e la cultura, l’autre per la joventut, segurament per conservar l’emplec audiovisual parisenc, tant important per la poténcia culturala de París.
 
Ça que la, en region los temps d’antena dels programas regionals son redusits a doas oras magrinèlas per jorn, incrustat dins la cadena parisenca FR3. Es una caricatura de television per las regions de França que son mai pobladas que fòrça paises europèus, amb pr’aquò fòrça cadenas de television. Coma per cada reforma, lo govèrn anòncia que vòl donar mai de plaça als “territòris”. Aqueste còp, vòl crear un “mèdia quotidian regional” al còp subre la television, la ràdio e las rets socialas mutualizant França 3 e França Blau. Vòl “triplar” lo temps d’antena dels programas regionals.
 
Atal las grandas regions de França aurián a pro pena un petit mèdia audiovisual amb sonque 6 oras per jorn, sempre incrustat dins la cadena parisenca FR3 de referéncia. Es una avançada, mas fòra de la realitat audiovisuala dels autras regions d’Euròpa qu’an de mèdias independents, per regions mas tanben aglomeracions. L’enjòc es essencial que lo desvolopament politic, cultural e economic d’un territòri passa per de mèdias locals.
 
Mentretant, dins la region “Occitanie Pyrénées Méditerranée”, un collectiu d’associacion dit Collectiu Occitan demanda un mèdia audiovisual public amb una preséncia quotidiana de l’occitan. Per lo collectiu, l’accès a la television es una condicion imperativa per la vida d’una lenga coma l’occitan qu’es declarada “En grand dangièr” per l’UNESCO. Sa plaça insignificanta a la television publica francesa n’es una de las rasons.
 
Lo Collectiu Occitan demanda que França 3 devenga una “cadena regionala a vocacion generalista”, e que siá una television de país en desvolopant las redaccions localas que son uèi menaçadas. En Corsega, França 3 Via Stella a un foncionament autonòma amb 250 emplegats mentre que per exemple FR3 Occitanie Pyrénées Méditerranée es limitada a doas oras per jorn amb 320 emplegats.
 
Lo Collectiu occitan (Facebook Lo collectiu occitan) recebèt lo sosten de mai de 150 comunas o aglomeracions, tal coma Tolosa. Podètz trapar en seguida aquela mocion e la proposar als vòstres elegits municipals.
 
Un tèxte deu èsser mandat als deputats e la presidenta de la region. A cadun de far viure un collectiu dins cada region administrativa occitana per demandar als cònsols e als deputats occitans una “cadena regionala a vocacion generalista amb d’occitan cada jorn”.
 
Per preparar aquela reforma, France Television fa una consultacion dels telespectators dita #mateledemain https://www.francetelevisions.fr/mateledemain
 
Cal far aparéisser nòstras demandas. I cal prepausar la transformacion de FR3 en cadenas regionalas a vocacion generalista amb d’occitan cada jorn. Un modèl de respòsta a faire a l’enquèsta:
 

Proposicion per la TV publica
 
La modernisation de la télévision française passe par la création de chaines de télévision pour chaque région financer par une clé de répartition de la redevance audiovisuelle pour chaque région. La transformation de FR3 en autant de chaine régionale émettant 24h sur 24 en totale indépendance les unes des autres est un impératif démocratique pour faire vivre la démocratie locale, promouvoir les acteurs culturels et économiques locaux, et permettre un nouvel élan créatif audiovisuel région. Cela permettrait aussi de laisser un visibilité normale aux langues de France, dont l’occitan.
 
Proposicion per la TV regionala
 
La transformation de FR3 en autant de chaines régionales avec un programme propre 24h sur 24 avec des programmes basés sur des acteurs culturels et des acteurs économiques locaux, et qui fassent place aux enjeux environnementaux, économiques, culturels et éducatifs locaux.
 
Les futures chaines publiques des régions de langue historique occitane:Occitanie Pyrénées Méditerranée, Grande Aquitaine, Provence et Auvergne Rhône Alpes doivent  aussi laisser une place importante aux acteurs culturels occitans (chanteurs, théatre...), de l’audiovisuel occitan, du milieu éducatif occitan.
 
 
 




abonar los amics de Jornalet
 



publicitat
BANER1-2-3: DGPL DICTADES



Comentaris

26 d'octòbre 15.32h

Es plan qu'aquel collectiu existisca e demande mai d'occitan a França 3. Pasmens, ne caldriá demandar mai tanben a las estacions localas de França Blau. Quand vesètz lo nombre d'oradas en breton sus França Blau Breizh Isel o en lenga basca sus França Blau País Basc. Parli pas solament del nombre de programas en lenga còrsa sus França Blau Frequenza Mora ... Perqué aquel collectiu fa de manifestacions davant las estacions localas de França 3 e pas davant las de França Blau (que siá ... Legir la seguida


Valora aquest comentari:   votar positiu 9   votar negatiu 1
Respondre comentari replica Comentari inadequat   Formulari d'abús de comentari

26 d'octòbre 11.10h

Avem OcTele que manca un cop de langedocian a mon punt de vist per ganhar mai d'influencia del costat de Provenço. Mantuns me respondran qu aquel media es local mas n'en demora pas mens qu'es un web media ont se pot picar ço que volem. ..Los occitanistas e non occitanistas d'aquestes perçans podon mirar nostres videos e aver l'enveja de contribuir a far de pus grossas produccions.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Perfil

Jean-Charles Valadier

Jean-Charles Valadier logo rss

Adjunt al cònsol de Tolosa en carga de la lenga e cultura occitana de 2008 a 2014, es membre de la comission Regions e Federalisme del partit Euròpa Ecologia Los Verds.

mai d'informacions

contactar l'autor

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions