CAPCALERA: la botiga

Jornalet, gaseta occitana d'informacions

Dimècres, 21 d'abril

Jean-Charles Valadier

Dimenge, 4.10.2020 03h00

Perspectiva per las regionalas de 2021 en Occitània Pirenèus Mediterranèa


Comentaris 5 comentaris    
Dolent Fluix Bo Molt bo Fabulós (4 vòtes)
carregant En cargament





En març de 2021, i aurà d’eleccions regionalas dins la part francesa d’Occitània, dins las regions administrativas Nòva Aquitània, Auvèrnhe Ròse Aups e Provença-Aups-Còsta d’Azur. Per la lenga e la cultura occitanas, serà léser de faire lo bilanç de las politicas lingüisticas per o contra l’occitan e de ne prepausar per la mandatura venenta.
 
Vau temptar una analisi de la situacion electorala en Occitània Pirenèus Mediterranèa.
 
En decembre de 2015, al primièr torn de las eleccions regionalas:
 

• Lista Reynié - dreita e centrista 19%
• Lista Aliot - Front Nacional 31%
• Lista Delga - PS e PRG 24%
• Lista Onesta EELV, FG e regionalista 10%
• Lista Saurel populista èx PS 05%


Al segond torn de 2015:
 
• Lista Reynié UMP e centrista sola 21%
• Lista Aliot FN sola 34%
• Lista Delga amb fusion amb la lista Onesta 45%


En Occitània Pirenèus Mediterranèa, lo rassemblament Nacional demòra fòrça fòrt e non laissa pas mai d’espaci à la dreita, mentre que la fusion permet a l’esquèrra de ganhar.
 
Atal, dempuèi 2015, es la socialista Caròla Delga que dirigís la region amb una coalicion de 3 grops politics diferents subre un total de 158 elegits:
 
— un grop PS e PRG (Partit Radical d’Esquèrra) que amb 82 elegits a la majoritat; es en general indiferent a las lengas regionalas, l’occitan e lo catalan,
 
— un grop EELV (Europa Ecologia Los Verts ) e POC (Partit Occitan) amb 20 elegits, que sosten de politicas lingüisticas activas pel Catalan e l’occitan
 
— un grop FG (Front d’Esquèrra) amb 11 elegits que majoritàriament francistas, non vòlon pas de de politicas lingüisticas per lo catalan e l’occitan
 
Es atal que lo PS, PRG e lo Front d’Esquèrra votèron per manténer las avançadas dels precedents mandats amb un sosten a Calandreta, las escòlas bilingüas, lo CIRDOC, l’Ofici Public de la Lenga Occitana, lo Congrès, Total festum, mas s’opausèron a EELV e POC contra de novèlas avançada en defòra de la creacion de l’Ofici Public de la Lenga Catalana, qu’èra sostengutda per un movement catalanista revendicatiu en Catalonha Nòrd.
 
En 2017, per las las presidencialas e legislativas, France Insoumise fa en Occitània un fòrça bon resultat a 22% mentre que lo RN se manten fòrça aut a 23%. Es una reculada fòrta per lo PS, la dreita e los ecologistas.
 
A las europèas de 2019, lo FN fa 26 %, En marcha 20 %, EELV 13 %, lo PS 7,5 %, França Insoumise 7,5 %, la dreita amb Los Republicans 7 %.
 
A las municipalas de 2020, dins lo contèxte de la pandemia del COVID19, lo FN demòra aut tant coma EELV e las listas participativas qu’an de bon resultat dins las ciutats, mentre qu’en zòna rurala, los candidats PS e de dreita en plaça consèrvan lors sètis amb una fòrta abstencion, en particular de la joventut. Sembla que la crisi del Coronavirus aja desmobilizat los joves mentre que los vièlhs an agut un fòrt reflèxe conservator.
 
Per las regionalas de 2021, la mobilizacion dels uns o dels autres pòt tot capvirar, en causa d’una abstencion que deuriá èsser fòrta.
 
Per lo Rassemblament Nacional, Loís Aliot, lo nòu cònsol de Perpinhan sembla preferir confortar son sèti e laissar un autre faire lo trabalh. Julien Sanchez, lo cònsol de Bèucaire dins las Costièras, radicalament francista seriá candidat.
 
La dreita amb los Republicans (LR) cerca un candidat de qualitat per participar e perdre las eleccions. Es çò que faguèt l’emerit Reynié en 2015. per lo moment, serià en principi Aurelian Pradié, conselhièr regional per Olt.
 
Caròla Delga es candidata a sa succession per lo PS amb una subrepresentacion del PRG (Partit Radical d’Esquèrra) que contraròtla tota la premsa regionala.
 
Per En Marche, se parla d’una collaboracion entre lo ministre de l’agricultura Julien Denormandie nascut a Caurs e Nicòla Belloubet, anciana primièra cònsol de Tolosa e ministra de la justicia de Macron.
 
Los ecologistas d’EELV e los regionalistas occitans e catalans deurián faire de lista mai ciutadana tal coma France Insoumise. Non an pas encara designat lor cap de lista.
 
Lo primièr sondatge dona lo Rassemblament Nacional en tèsta al primièr torn, amb 25% dels vòtes contra 22% a Carole Delga, 11% per Europa Ecologia Los Verts, 9% per France Insoumise. 14% per Los republicans e 11% per En Marche.
 
Segon aquel sondatge, los partits nacionalistas francistas demòran fòrt en Occitània Pirenèus Mediterranèa, mas l’esquèrra deuria benlèu conservar lo poder, dins una configuracion ont PS e PRG non consèrvan pas lor majoritat absoluda, çò que poiria laissar un esper per una politica mai occitanista a l’entorn d’EELV.
 
Del costat dels occitanistas, es per lo moment lo movement Occitanie Pais Nòstre que se mobiliza en seguida de son trabalh per sosténer los candidats favorables a l’occitan a las municipalas de 2020. Non a pas encara definit lor estrategia per las regionalas.
 
 
 
abonar los amics de Jornalet
 
 

 



publicitat
BANNER1: IEO Arièja



Comentaris

6 d'octòbre 14.42h

#2 puslèu d'acòrdi amb vos per lo politica, mas dequé sabètz de la formacion dels ensenhaires ?


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

4 d'octòbre 12.03h

« Segon aquel sondatge, los partits nacionalistas francistas demòran fòrt en Occitània Pirenèus Mediterranèa, mas l’esquèrra deuria benlèu conservar lo poder, dins una configuracion ont PS e PRG non consèrvan pas lor majoritat absoluda, çò que poiria laissar un esper per una politica mai occitanista a l’entorn d’EELV. » Valent a dire "una politica mai OPL-ista encara que la politica actuala de l'OPLO" ?


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

4 d'octòbre 12.00h

En decembre de 2015, al primièr torn de las eleccions regionalas:

• Lista Reynié - dreita e centrista 19%
• Lista Aliot - Front Nacional 31%
• Lista Delga - PS e PRG 24%
• Lista Onesta EELV, FG e regionalista 10%
• Lista Saurel populista èx PS 05%


Al segond torn de 2015:

• Lista Reynié UMP e centrista sola 21%
• Lista Aliot FN sola 34%
• Lista Delga amb fusion amb la lista Onesta 45%

Dins los dos cases, mancan totes los apelats a votar que refusèron d'anar vo... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

4 d'octòbre 10.18h

I a totun enjòcs mai importants que la lenga tà las eleccions! E los electors qu'ac saben!
Los occitanistas que prenen rostas a cada còp, ne retienen pas nada leçon, e que s'i tornan a cada còp dab lo mème estrambòrd ridicule!
E de tot mòde perqué demandar mai? n'èm dejà pas capables de hargar pro de professors tà l'ensenhament public!!! qu'i fotem monde qui soven e saben tant per tant díser 4 mots après ua formacion express!
praube occitanisme...


Valora aquest comentari:   votar positiu 12   votar negatiu 1
Respondre comentari replica Comentari inadequat   Formulari d'abús de comentari

4 d'octòbre 08.48h

Coma una auvelha urosa, los electors son conviats a votar per lo partit de la museliera qualque sia lo partit.
L'auvelha a paur dau lop.
Lo lop quò es lo banquier, la malaudia, la paur de pas aver pron de trabalh, pas pron de retarita e fai paur aitau a l'auvelha urosa. L'auvelha es lo monde d'en bas que votan. L'auvelha a besonh d'un bergier per la protejar dau lop e lo bergier quò es l'eligit, quò es l'estat. Lo bergier coma un bergier de bestia, vai gerar l'afar, se debarassar de las... Legir la seguida


Valora aquest comentari:   votar positiu 2   votar negatiu 10
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Jean-Charles Valadier

Jean-Charles Valadier logo rss

Adjunt al cònsol de Tolosa en carga de la lenga e cultura occitana de 2008 a 2014, es membre de la comission Regions e Federalisme del partit Euròpa Ecologia Los Verds.

mai d'informacions

contactar l'autor

Las mai...


Mai d'articles

Archius




D'autres articles


Jornalet, gaseta occitana d'informacions