CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Dimècres, 13 de novembre

Jean-Charles Valadier

Dissabte, 19.4.2014 03h00

Una identitat per las regions de França


Comentaris 12 comentaris    
Dolent Fluix Bo Molt bo Fabulós (1 vòte)
carregant En cargament


Manuel Valls anoncièt l’acte III de la decentralizacion. Lo movement occitan deu participar plenament a las discussions al subjècte de la reforma territoriala.
 
Per exemple, la comission Regions e Federalisme d’Euròpa Ecologia Los Verds indica que los enjòcs d’aquesta reforma non son pas las economias budgetàrias o la competitivitat de França, coma o declara explicitament Manuel Valls, mas las aspiracions dels abitants e l’imperatiu de democracia. Son aqueles principis que devon condusir lo retalhatge de las regions francesas . Produit tecnocratic de l’Estat jacobin de las annadas 1950, las regions actualas non correspondon gaire a las realitats istoricas, culturalas, economicas e socialas dels territòris de França. La coeréncia territoriala non demanda pas la reduccion del nombre de las regions, coma o mostra las regions de dimensions fòrça eterogènas de nòstres vesins italians, alemands o espanhòls. Atal, se pòt imaginar una region Val-de-Leire amb nòu departaments, coexistent amb de regions a dos departaments (Alsàcia, Savòia) o de collectivitats territorialas mai petitas tal coma Catalonha Nòrd e Pais Basc Nòrd. L’objectiu d’una desena de regions fixat arbitrariament per lo primièr ministre deu èsser abandonat.
 
Al contrari, la supression dels conselhs generals constituís un objectiu justificat amb la supression de competéncias multiplas (transpòrt, torisme...) e favorirà una melhora lisibilitat de las decisions e donc un enfortiment del contraròtle democratic de las institucions per la populacion.
 
E mai, lo transferiment de las competéncias departementalas a las regions non sufirà pas per ne faire de vertadièra democracia territoriala en carga del desvolopament economic local. De transferiments nòus de competéncias, amb los budgèts associats son necessaris en matèria culturala , agricòla, economica... E las indicacions del primièr ministre son clarament insufisentas.
 
Ça que la, la supression de la clausa de competéncia generala per totas las collectivitats publicas anariá radicalament a l’encontre del federalisme diferenciat defendut per los ecologistas. Al contrari, caldriá anar cap a la reconeissença del ròtle de las regions coma principala collectivitat territoriala que dispausarián d’un poder normatiu subre lor territòri. Lo manten de la clausa de competéncia generala per las regions es donc indispensable.
 
Amb aquelas reflexions, la comission Regions e Federalisme d’Euròpa Ecologia Los Verds prepausa una carta de la region de França que faga aparéisser las regions istoricas d’Alsàcia, Bretanha, Corsega e 4 regions occitanas Auvernhe-Limosin, Gasconha, Lengadòc, Provença. Las regions Pais basque nòrd, Catalonha nòrd , malgrat lor dimension petita son tanben essencialas e poirián èsser associadas a lor region vesina o a d’euroregions Euskadi o Catalunya. Per las collectivitats d’oltre mar, caldriá un estatut d’autonomia enfortit.
 
Definir de territòris regionals nòus exigís un grand debat dins las regions amb la participacion d’istorians, de geografs, d’economistas e de lingüistas amb de competéncias regionalas. Es en seguida que lo parlament deu debatre e propausar un retalhatge.



 
_____
* mai d’entresenhas dins www.regions-federalisme.eelv.fr
** véser tanben Quatre regions per Occitània



publicitat
BANER1-2-3: DGPL TRADUCTOR



Comentaris

19 d'abril 20.13h

#11 ah cal comprener que l'estat es en quincarèla e balha cap pus de mejans financièrs. Cal encapar "t'an donan" es mòrt e las compentencias supplementaris son "desmerda te ". L'estat impausa çò que vòl


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

19 d'abril 19.52h

#8

La question de fons d'aqueste salcissonatge administratiu es pas tant de saber si tal departament mai o mens artificial serà pegat a tala o tala region mai o mens artificiala. Sabem ben que las collectivitats departamentalas o regionalas ja se foton completament de la matèria occitana: 0,01% del budget en mejana e pas cap de politica lingüistica digna d'aqueste. Cambiar la mapa administrativa de França empetjorarà pas una situacion ja prèpa del nonres.

La vertadièra question es ... Legir la seguida


Valora aquest comentari:   votar positiu 7   votar negatiu 1
Respondre comentari replica Comentari inadequat   Formulari d'abús de comentari

19 d'abril 19.40h

Bòrd que i a un debat sus çò que devèm organizar per far respectar nòstrei drechs lingüistics (http://opinion.jornalet.com/felco/blog/916/anem-oc-i-anam-o-pas), prepausi que fagam convergir lei revendicacions sus la lenga e aquelei sus una organizacion territoriala pus justa dins una accion comuna en 2015 au pus tard. Lenga, cultura, país!


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

19 d'abril 19.33h

#8 Me cal apondre qu'auèi los bretons an manifestats per une reunificacion de Bretanha, mentre que nosaus volèm pas participar al talhonadis politic de las nòstras regions... Se cal pas estonar apèi....


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

19 d'abril 18.57h

#6 vertat es qu'avèm totjorn un molon de bonas rasons per pas far ren o èsser pas concernits amai fusquessa de nosaus. Es pas atal qu'enantirèm


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

19 d'abril 15.27h

https://www.youtube.com/watch?v=WK7B1ta26a8


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

19 d'abril 14.33h

Un autra vida es possibla: sens França!

Perqué se cansar lo cap a dissertar sul "découpage administratif français"? De tot biais servirà a pas res mai que de concentrar encara mai de poder a París.

N'ai mon confle d'èsser un ciutadan francés, un estat que non me respècta pas.
N'ai mon confle de la colonizacion.
N'ai mon confle del renegadisme.

L'estat francés es lo grau zèro de la democracia, de l'intelligéncia e de la convivéncia.



Valora aquest comentari:   votar positiu 10   votar negatiu 4
Respondre comentari replica Comentari inadequat   Formulari d'abús de comentari

19 d'abril 14.13h

Regions o nacions? Perqué pas l'independéncia?


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

19 d'abril 13.42h

#2 Los departaments atanben son una autre eretatge jacòbiniste. e se pausar la question se devèm o devèm pas, servis pas que de per s'engaudir lo ser dabans la santa télé. Sèm pas decisionaris e avèm cap de pes dins las decisions esvenidoiras, o alavetz tan menut. Mas me sembla que desempuèi lo temps avèm agut leser de pensar al nòstre biaiás d'organizar nòstre pais. Es benlèu ora d'eissir los projectes de la limanda. L'autre jorn vèseri passar una mapa dels paisses occitans... ... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

19 d'abril 12.51h

Ignoras los arpitans, los francics de Lorena e los flamands. Se la Catalonha e Bascoat Nòrd pòdon èstre regions autonòmas, perqué pas la Lorena francica o lo Flandres administrativament francés? E qué passa amb la Savoia e los territòris arpitans, perqué los metes en lo meteiss sac que tèrras de lenga d'oïl?


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Perfil

Jean-Charles Valadier

Jean-Charles Valadier logo rss

Adjunt al cònsol de Tolosa en carga de la lenga e cultura occitana de 2008 a 2014, es membre de la comission Regions e Federalisme del partit Euròpa Ecologia Los Verds.

mai d'informacions

contactar l'autor

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions