Opinion
Lard e chastanha
Ne fan dins la Val d’Ors (Valadas Valdesas) e es una barreja fòrça curiosa de ventresca amb de castanhas cuèchas e confidas amb un siròp espés de sucre. Pòt sortir a taula coma aperitiu o ben coma primièr plat, d’unes tanben lo servisson per vespralhar. Es un plat qu’agrada als pichons e als grands, e las patronas de l’ostal l’aprèstan de bon grat. La costuma es de talhar la ventresca plan fina per tal d’aver pas de mastegar gaire, e es tanben correnta la predisposicion a confir de castanhas en granda quantitat e a las gardar dins la rèirecosina, per tal de ne poder dispausar en quin moment que siá.
D’autres, çò que fan es se passar de las castanhas e aprestar la ventresca amb de mèl o una marmelada de figas, e plan bona o es tanben.
Lard e chastanha
Ingredients (per 4 personas): 250 g de ventresca (en talhadas fòrça finas) e 250 g de castanhas confidas.
Preparacion: metrem la ventresca dins las siètas e las acompanharem amb las castanhas.
Las castanhas se confisson aital: ne botarem un quilo (amb la pèl) dins una ola, las cobrirem d’aiga e las daissarem sul fuòc. Las salarem e, lo bolh pres, rebaissarem la flama e o daissarem bolhir a fuòc doç. Mentretant, botarem un litre d’aiga dins una caçairòla e la daissarem sul fuòc. I apondrem tres quarts de quilo de sucre e, lo bolh pres, rebaissarem la flama e o daissarem bolhir a fuòc doç. O remenarem amb lo culhièr de fusta e, dètz minutas puèi, o tirarem del fuòc e o daissarem refregir. Al cap d’aperaquí quinze minutas d’ebullicion tirarem las castanhas del fuòc, n’escamparem l’aiga e las daissarem dins un plat. Quora serà refregit un pauc, ne tirarem la pèl e las metrem dins un recipient de veire del cobricèl ermetic. Puèi las cobrirem amb lo siròp, las taparem e las farem còire al banh Maria per espaci d’un quart d’ora.
Variantas: podèm aromatizar lo siròp amb una pelalha d’irange, una capsula de vanilha o una canoleta de canèla, e tanben amb un veiron de ròm o de brandy (dins los darrièrs cases ne tirarem un pauc d’aiga).
D’unes, en luòga de castanhas, aprèstan la ventresca amb de mèl o una marmelada de figas.
D’autras denominacions: quand s’aprèsta amb de mèl s’apèla lard e mèl e, quand es amb de marmelada, lard e marmelada.
D’autres, çò que fan es se passar de las castanhas e aprestar la ventresca amb de mèl o una marmelada de figas, e plan bona o es tanben.
Lard e chastanha
Ingredients (per 4 personas): 250 g de ventresca (en talhadas fòrça finas) e 250 g de castanhas confidas.
Preparacion: metrem la ventresca dins las siètas e las acompanharem amb las castanhas.
Las castanhas se confisson aital: ne botarem un quilo (amb la pèl) dins una ola, las cobrirem d’aiga e las daissarem sul fuòc. Las salarem e, lo bolh pres, rebaissarem la flama e o daissarem bolhir a fuòc doç. Mentretant, botarem un litre d’aiga dins una caçairòla e la daissarem sul fuòc. I apondrem tres quarts de quilo de sucre e, lo bolh pres, rebaissarem la flama e o daissarem bolhir a fuòc doç. O remenarem amb lo culhièr de fusta e, dètz minutas puèi, o tirarem del fuòc e o daissarem refregir. Al cap d’aperaquí quinze minutas d’ebullicion tirarem las castanhas del fuòc, n’escamparem l’aiga e las daissarem dins un plat. Quora serà refregit un pauc, ne tirarem la pèl e las metrem dins un recipient de veire del cobricèl ermetic. Puèi las cobrirem amb lo siròp, las taparem e las farem còire al banh Maria per espaci d’un quart d’ora.
Variantas: podèm aromatizar lo siròp amb una pelalha d’irange, una capsula de vanilha o una canoleta de canèla, e tanben amb un veiron de ròm o de brandy (dins los darrièrs cases ne tirarem un pauc d’aiga).
D’unes, en luòga de castanhas, aprèstan la ventresca amb de mèl o una marmelada de figas.
D’autras denominacions: quand s’aprèsta amb de mèl s’apèla lard e mèl e, quand es amb de marmelada, lard e marmelada.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Bon dia, Mèfi. Gràcies pel teu comentari. Sí, òbviament, es tracta de cansalada, que en occità es pot dir de tres o quatre maneres distintes, segons les regions.
Salut!
Questioneta: se s'agís de la carnsalada, que disèm a Tolosa?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari